2 Batɛsalɔnike 1:5 - Nouveau Testament en Ngombe 1961

⁵ Mojɔ momina modi embete bo Njambe asambejaka bojo; odingoakani a mojɔ moBokumu boNjambe, na yo abɔngejaka no a mojɔ moBokumu bomina.

2 Batɛsalɔnike 1:5 Referans Kwoze

Bafilipoi 1:28

T’obangeni oko soki jinu nongo mweka. Mojɔ mu modi embete ai bo a mojɔ mobokwa bobu, na a mojɔ moboheleja bonu bua bohulaka ai Njambe.

Bikɔmɛli 14:22

Bambilimeja milema mibacigami, na babaleha bo bayeyoe a ejimeli. Babatɔndɔ koko bo bodi bokwea a Bokumu boNjambe oko na minɔngɔ minɛnɛ.

Boboloja 19:2

Mojɔ bo yo asambejaka na soti na bongbebongbe. Asambejai mwali obɔɔli yona monɛnɛ, yona obeja ngondo na bɔɔli bonde. Njambe akundi likundu limakia mabakɔmɛli bande.

Luka 20:35

Bato ko baya babɔngi a bokwea a ngondo yena oho, na a bongɔ a bogwa, batasɔkɔ na batasɔnɔkɔ bali.

2 Timoteo 2:12

Bokayeyoa na lingbangba, bôkumejama koko na nde. Bokamongana ko, yo adi bongana so.

2 Batɛsalɔnike 1:11

A mojɔ momina, so bongaka bihole bisusu a mojɔ monu, bo Njambe abɔngejae no a mojɔ mobobea bonu; yɛ abɔngejae na ngulu ende mikano minu misusu mipele, na bilomu bisusu biejimeli enu,

Baloma 8:17

Isa bodi bana, bodi koko sangoli, sangoli jiNjambe, na bosangoanaka na Masiya. Bokadingoa na nde, bodi bokuma na nde pongono.

Boboloja 16:7

Naka koko litumbu likabale bo, Ee, Kumu Njambe obonɔ, Bisambi biwɛ bibɔngi, bidi bongbebongbe.

Boboloja 15:4

Ee Kumu; odi pɛ bosuma, pɛ bokumeja kombe ewɛ nda? Mojɔ bo, odi mosɛnɔke oko wɛ pɛ. Makota masusu madi bodoa a bosakoa wɛ, Mojɔ bo masambeja mawɛ maboloi a bohu.

Boboloja 3:4

Endele ko, odi na bakina bato a Saludi baya baibeja bilwaeli bibu. Ibo badi bodala na mbi na bisenja bipu, mojɔ bo babɔngi.

1 Batɛsalɔnike 2:14

Baninga, odakani bakoaneli baMenga maNjambe a tei eMasiya oho a Yuda; mojɔ bo ino o’sɔni minɔngɔ ai bato balikota linu bɛnɛ, o asɔ bo ai BaYuda.

Bakɔlɔsai 1:12

Sakoani Sango yona obɔngejai so bo bosangoe libondo lihsango libasɛnɔke a bohu.

Baɛpɛsɔ 4:1

Oko boa, mbi lisungu liMasiya, nangɔɔnɔkɔ no bo odaeni na mida mia Mibwani na bobea bobeama na nu,

Baloma 2:5

Esambi eNjambe esoti êboloa a busa bokɛnjɔ, na wɛ ohɛjɛkɛ na ohɛngɛkɛ kɛnjɔ ai wɛ mɛnɛ a busa bomina, cina ebaso ewɛ, na molema mowɛ mua mopeliti nongo dosa.

Bikɔmɛli 13:46

Paulo na Balanaba ko babala na bu na eci bo, Ebɔngi bo so bopete tɔndɔ no mwako moNjambe soti; edɛye ko, olonini mwako momina, na ojimakani no bɛnɛ bo obɔngitini bosɔ bomɔ bua bodi na bosusu; oko boa so bodi bohekoa ai bapakano.

Luka 21:36

A mojɔ momina, toma sɛnjɛlɛni; mgakani bihole hisusu bo ngulu enu ebwane a mojɔ mobohela a ngando ji jisusu jia jidoaka, na a bo’Ina a boso boMwana ’Moto.