Mojɔ bo yo asambejaka na soti na bongbebongbe. Asambejai mwali obɔɔli yona monɛnɛ, yona obeja ngondo na bɔɔli bonde. Njambe akundi likundu limakia mabakɔmɛli bande.
A mojɔ momina, so bongaka bihole bisusu a mojɔ monu, bo Njambe abɔngejae no a mojɔ mobobea bonu; yɛ abɔngejae na ngulu ende mikano minu misusu mipele, na bilomu bisusu biejimeli enu,
Ee Kumu; odi pɛ bosuma, pɛ bokumeja kombe ewɛ nda? Mojɔ bo, odi mosɛnɔke oko wɛ pɛ. Makota masusu madi bodoa a bosakoa wɛ, Mojɔ bo masambeja mawɛ maboloi a bohu.
Esambi eNjambe esoti êboloa a busa bokɛnjɔ, na wɛ ohɛjɛkɛ na ohɛngɛkɛ kɛnjɔ ai wɛ mɛnɛ a busa bomina, cina ebaso ewɛ, na molema mowɛ mua mopeliti nongo dosa.
Paulo na Balanaba ko babala na bu na eci bo, Ebɔngi bo so bopete tɔndɔ no mwako moNjambe soti; edɛye ko, olonini mwako momina, na ojimakani no bɛnɛ bo obɔngitini bosɔ bomɔ bua bodi na bosusu; oko boa so bodi bohekoa ai bapakano.
A mojɔ momina, toma sɛnjɛlɛni; mgakani bihole hisusu bo ngulu enu ebwane a mojɔ mobohela a ngando ji jisusu jia jidoaka, na a bo’Ina a boso boMwana ’Moto.