1 Timoteo 4:3 - Nouveau Testament en Ngombe 1961

³ Balembaka bato bo batalongana, na bakojaka bo bato badi bokia leka. Njambe yo mɛnɛ akɔ leka lomina, bo baya bajimaka na bajebaka mijɔ misoti, baloyaka na sepi na bo’nga.

1 Timoteo 4:3 Referans Kwoze

1 Timoteo 4:4

Mojɔ bo leka losusu lokɔ Njambe lodi lopele. Pɛpɛ nongo eka emɔci edi na ekia; bobwani bosɔ leka losusu na bosakoa;

Baebele 13:4

Bolongana bobwani boda mojɔ molisuma ai bato basusu, na esambe emomi na mwali ebwani boda na bosɛnɔ. Mojɔ bo Njambe adi bosambeja bato balisɔngi na bato babɔɔli.

Baloma 14:6

Moto yona olɛkɛ bo bokina busa bodi bonɛnɛ, akɔkɔ boa na lisuma ai Kumu; yona opeliti bikia, ayakaka koko na lisuma ai Kumu, na asakoaka Njambe; yona odi na bikia, akiaka koko na lisuma ai Kumu, na asakoaka Njambe pongono.

Bakɔlɔsai 2:16

T’ojimeni oko bo moto asambejae no a mojɔ moboyaka na bomwaka, isa a mojɔ momabonje, na Sabata, na ekɔmɛli enu yana atɛkɛ songe.

1 Bakolinto 8:8

Lilonga lisu a boso boNjambe liditi mojɔ modia. Botalonga a mojɔ moboyaka, na bota-beha na ekia.

Bakɔlɔsai 3:17

Okakɔni mokina mojɔ, isa bobala, isa elomu, kɔni ngando jisusu a kombe eKumu Yesu, na sakoani Njambe Sango a kombe ende.

1 Bakolinto 7:28

Momi ko akalongana, atakɔkɔ nongo bobe. Na moseka akalongana, atakɔkɔ nongo bobe. Bato bamina ko badi bonɛ jɔɔlɔ a ngondo ye, na mbi napalaka bo nahelejae no a jɔɔlɔ emina.

Baloma 14:3

Moto yona oyakaka eka, abwaniti bosɛtoja moto yona odi na bikia. Na yona odi na bikia abwaniti bodumba moto yona oyakaka, mojɔ bo Njambe amojimaka.

Baebele 13:9

T’ojimeni oko bo makoja mayene matongotongo mala-bojae no. Njea esoti edi bo molema momoto mosɔkɔ ngulu oko na monganji moNjambe, te nongo na leka loboyaka. Baya bajimaka leka lomina baibɔngɔ nongo a mojɔ momina.

1 Timoteo 2:4

Iyo apalaka bo bato basusu bahele, na bo badae na ejebeli eSoti.

1 Bakolinto 6:13

Dia didi a mojɔ mosɔpɔ, na sɔpɔ edi a mojɔ modia. Njambe ko adi bosieja sɔpɔ na dia pongono. Mokuku moditi a mojɔ molisɔngi. Modi oko a mojɔ moKumu, na Kumu adi Kumu omokuku.

Baloma 14:17

Mojɔ bo, Bokumu BoNjambe bocingiti na boyaka na bomwaka; bodi mojɔ mobodongo, na bowi, na sepi, a tei eMwembo Mosɛnɔke.

Matayo 15:36

Atomba milɛmbɛ sambo na swi. Ajongoa, abuka milɛmbɛ na swi, apa bacingami bande, na bacingami bapa milɛmbɛ na swi ai bato baemumu.

Matayo 14:19

Apa monɔkɔ bo bato badae na mbondo a njienjie. Atomba milɛmbɛ mitano na swi babae. Akahoa miso diko, na ajongoa, Abuka milɛmbɛ na swi, amipa ai bacingami, na bacingami bamipa ai bato.

Bikɔmɛli 27:35

Ama yo bala boa, ami tomba oko molɛmbɛ, asakoa Njambe a boso bobu basusu, abuka molɛmbɛ na abanga boyaka.

Yoane 6:23

Makina mato ko maya madonga a Tibelia masɛmɛ hulelu na esika eyaka bo milɛmbɛ, yana ajongoa Kumu.

Luka 24:30

Adaka yo na bu a mesa, atomba molɛmbɛ, ajongoa, abuka molɛmbɛ na abapa.

Matayo 15:11

Moto t’abehake a mojɔ moeka yena ekweaka ta monɔkɔ monde. Modi oko mojɔ mua momanaka a monɔkɔ momoto mua momobejaka.

1 Timoteo 5:14

A mojɔ momina, mbi napalaka bo bali-babogwa baya baditi basuku balongane koko, babote bana na babanee ndako jibu. Oko boa, baya badi na su soki batadiha njea a bololea so.