1 Timoteo 3:3 - Nouveau Testament en Ngombe 1961

³ te nongo moto obolangoa, isa moto okɛlɛ, oko moto obowi; te nongo moto omiano, isa moto yona odi na posa eli-konja.

1 Timoteo 3:3 Referans Kwoze

Tito 1:7

Mojɔ bo monjeli oDenga abwani boda na ekɔmɛli esɛnɔke yena ebwani na mokɔmɛli oNjambe, te nongo moto oegbo na kɛlɛ, isa moto obolangoa, isa moto odane, isa moto yona odi na posa elikonja.

Tito 3:2

Babwaniti bolɔngɔ nongo moto, isa boda na nduki emijɔ; badi boda na milema mi yɛmbu, na bombɔki mɛnɛ, ai bato basusu.

Baɛpɛsɔ 5:18

T’olangoeni oko na vino; mojɔ momina modi bosambolu; endele ko dani balumake na Mwembo.

1 Timoteo 3:8

Basuku baDenga pongono badi boda bato bayongi epele, m nongo bato baminɔkɔ Mibae, isa bato babolangoa, isa bato baya badi na posa elikonja.

Yakobo 4:1

Mane na miano a tei enu mahulaka jɔ? Mitahulaka a posa jinu jia jinaka a tei ebinama binu?

1 Pɛtɛlo 5:2

Baneani bwela boNjambe bua bodi a tei enu. Dani babanei babu te nongo mojɔ bo edi elomu enu, oko a mojɔ moepaeli, te nongo a mojɔ monjingo elikonja, oko a mojɔ mobingi enu bɛnɛ.

Baebele 13:5

T’odaeni oko na posa elikonja. Dani na sepi a mojɔ moleka lopeli no, mojɔ bo Njambe abala bo, Mbi nitakwa wɛ, nitabulɛ wɛ nongo mweka.

Tito 2:3

Leha basuku-bali bo badae na ekɔmɛli elisuma, te nongo na biloli, na bo batada nongo babuli babolangoa.

Boboloja 1:9

Mbi Yoane, mwangwa’nu yona okatani na nu a tei eminɔngɔ, na a bokumu, na a eci yena edi a tei eMasiya; mbi nadaka a mosanga mua modi na kombe Patemo, a mojɔ moEbaeli eNjambe, na a mojɔ motati eYesu.

Yuda 1:11

Boditigoa ai bato bamina! Mojɔ bo badalaka a njea edala Kaina. Bakoanaka na libunga liBalama oko na posa elikonja, na bagwaka a mojɔ molipanga o agwa Kole.

Mokanda Momibae Mosɔnɔ Pɛtɛlo - 2PE 2:3

Bwasa bobu a tei enu bôda oko bikenge bibo-kosea, cina eposa elikonja. Mokindo ko mobato bamina mokoleama eyou, na likundu libu libwɛhti.

Tito 1:11

Bato bamina babwani bogboka mojɔ bo babejaka milema mimenga manɛnɛ, na bakojaka ngando jia jibɔngiti nongo mweka, oko na njingo elikonja pɛ.

1 Batɛsalɔnike 5:14

Iso bongɔɔnɔkɔ no baninga bo oleheni baya balaboaka; pingejani milema Mibato baya bangwai; mbilimeja ba yɛmbu; dani na lingbangba ai bato basusu.

Baloma 16:18

Bato bamina batakɔmɛkɛ Masiya Kumu osu; badi oko babuli basɔpɔ jibu bɛnɛ; bakoseaka milema mibato bayɛmbu na bibaeli bibu bipele, na poloso ebu.

Bikɔmɛli 20:33

Mbi naimboaka likonja linu, isa wɔlɔ, isa palata, isa bisenia.

Matayo 21:13

Abala na bu bo, Mosɔnɔmɔ bo, Ndako embi êda na kombe Ndako ebo’nga. Ino ko oehekojaini bo edae esika etitanaka mibengo.

2 Timoteo 3:2

Mojɔ bo epaeli ebato edabi oko ai bo bɛnɛ; badabi na posa elikonja, bato baegbo na jala, bato babosambolu, bato balipanga ai baboti, pɛ lisuma, bato bapɔmbɔli,