1 Pɛtɛlo 1:8 - Nouveau Testament en Ngombe 1961

⁸ Ino omonɛkinini, omopalakani ko. Nongo adi no pɛ bomonɛ e dɛye, omojimakani, na osepakani a mojɔ monde na sepi pɛ njɛngi yena enɔi kɔpi emoto.

1 Pɛtɛlo 1:8 Referans Kwoze

Yoane 20:29

Yesu abala na nde bo, Wɛ ojimi mojɔ bo oni mbi na miso. Bojongoa ai bato baya bajimaka, nongo adi bo pɛ bonɛ na miso.

2 Bakolinto 5:7

Mojɔ bo, bodalaka oko na ejimeli, te na njɛnɛ emiso.

Baloma 15:13

Yɛ Njambe onjingo alumejae no na sepi na bowi a ejimeli enu, bo njingo enu enɛnge a mojɔ mongulu eMwembo Mosɛnɔke.

Baebele 11:1

Ejimeli edi ndanga engando jilɛndɛkɛ so; enejaka so bo ngando jidi so pɛ bonɛ na miso jidi soti.

Yoane 16:22

Ino odini koko na wa edɛye. Mbi ko nânɛ no koko, na milema minu mîsepa. Pɛpɛ nongo moto odi bocinoa sepi enu.

2 Bakolinto 4:18

Mojɔ bo, iso botanjaka ngando jinɛkɛ bato na miso; bonjaka oko ngando jia jibwaniti bo’nɛmɛ. Ngando jinɛkɛ bato na miso jitayeyoa nongo. Ngando ko jidi so pɛ bonɛ na miso, jiyeyoaka na bosusu.

1 Pɛtɛlo 1:6

Sepani a mojɔ momina, nongo adingoaka no ehole ekue na minɔngɔ tungu na tungu.

Baebele 11:27

Adonga a Ejipeto cina eejimeli, pɛ bobanga nongo kɛlɛ ekumu, mojɔ bo adaka na molema mombilimake, o moto yona onjaka okina yona otaboloaka na miso.

1 Pɛtɛlo 2:7

Oko boa yo adi na yumu ai no baya bajimaka. A mojɔ mobato ko baya batajimaka, Litai lilona bayoi Lidi litai limogbukusu lilikulu.

Bafilipoi 4:4

Sepakani ai Kumu bihole bisusu; najɔkɔ na nu koko bo, Sepakani.

1 Pɛtɛlo 5:4

Na Mobanei Monɛnɛ akadoa, ôsɔni corona eekumu yena etagwa.

Baɛpɛsɔ 6:24

Yɛ monganji moNjambe modae na bato basusu baya bapalaka Kumu osu Yesu Masiya na ngɛnjɔ yena etasia.

Bafilipoi 1:25

Adi mbi na ejimeli emina, najebaka bo nadi boda na nu, na nâyeyoa na nu basusu, a bodaleja no, na a bosepeja no a ejimeli.

Baloma 14:17

Mojɔ bo, Bokumu BoNjambe bocingiti na boyaka na bomwaka; bodi mojɔ mobodongo, na bowi, na sepi, a tei eMwembo Mosɛnɔke.

Yoane 14:24

Isa moto aditi na mbi ngɛnjɔ, atasumaka bikenge bimbi. Na ekenge ekaka no editi ekenge embi mɛnɛ; edi ekenge eSango yona olomani.

Yoane 8:42

Yesu abala na bu bo, Njambe, akɔki yo da Sangwa’nu, ka opalini mbi, mojɔ bo mbi namana ai Njambe, nahula oko ai yo. Naidoa na kpaci embi mɛnɛ; iyo alomani.

Bafilipoi 3:3

Babolena-ganda basoti badi oko so baya basakoaka Njambe a mwembo, baya bakumejaka Masiya Yesu, na bapeliti nongo ejimeli a ngando jimokuku.

Bagalata 5:22

Mbuma jiMwembo ko jidi oko jiji,—ngɛnjɔ, sepi, bowi, lingbangba, monganji, bodongo, likabo, bosangbindea.

Bagalata 5:6

Bolena boganda, isa bodi isa boditi, boditi nongo na cina a tei eMasiya; mojɔ mosusu modi oko ejimeli yena esanejaka na epaeli.

2 Bakolinto 12:4

Na aka mijɔ mibombamake Inia mibɔngiti na moto bobala.

2 Bakolinto 9:15

Yɛni bosakoe Njambe a mojɔ moepeeli ende yena enɔi kɔpi emoto.

2 Bakolinto 1:22

Abakea embete ende ai so, na abopa Mwembo a tei emilema misu o ndanga.

Bikɔmɛli 16:34

Abakweja koko a ndako ende na abapa mia. Adaka na sepi enɛnɛ, na bato bande pongono, mojɔ bo ajima Njambe.

Yoane 14:21

Moto akada na mibeko mimbi, na akamisuma, moto omina adi na mbi ngɛnjɔ. Moto akada na mbi ngɛnjɔ, Sangwa’mbi âda na nde ngɛnjɔ pongono. Mbi mɛnɛ nâda na nde ngɛnjɔ pongono, na nasaboloja ai yo.

Yoane 14:15

Isa opalakani mbi, toma sumani mibeko mimbi.

Matayo 10:37

Epaeli emoto ai sangwa’nde isa ai ngwa’nde ekanɔ epaeli ende ai mbi, moto omina abɔngiti na mbi.

1 Bakolinto 16:22

Isa okina moto aditi na epaeli ai Kumu, yɛ alakejame. Yɛ Kumu adoe!

Baɛpɛsɔ 3:19

na bo ojebeni ngɛnjɔ eMasiya yena enɔi ejebeli esusu, na bo olumeni botɔ na boluma boNjambe kanga boya mɛnɛ.