1 Pɛtɛlo 1:4 - Nouveau Testament en Ngombe 1961

⁴ na bo bosangoe lisango lia litabeha nongo, lisango lisɛnɔke lia litagwa, lia lihɛngɛmɛ ai no oho Diko.

1 Pɛtɛlo 1:4 Referans Kwoze

Boboloja 21:27

Pɛpɛ nongo eka epita ko edi bokwea ena, pɛpɛ nongo moto yona okɔkɔ ngando jibosambolu isa bokosea. Badi bokwea ena oko baya basɔnɔmɔ kombe a mokanda mobomɔ moMwana-Bata.

Baebele 9:15

A mojɔ momina, yo adi mosili oMokongo Moyene, bo baya babeama basɛ lisango lia lidikejama, lia lidi na bosusu, cina ebogwa bua bobasikoaka a jibe jia jidi a cina eMokongo moboso.

1 Pɛtɛlo 5:4

Na Mobanei Monɛnɛ akadoa, ôsɔni corona eekumu yena etagwa.

2 Timoteo 4:8

E dɛye, likongo libodongo lisɛlingoami a mojɔ mombi; Kumu yona osambejaka na soti, âebakea ai mbi a busa bomina; te nongo ai mbi pɛ, oko ai bato basusu baya badi na posa ebodoa bonde.

Bakɔlɔsai 1:5

a mojɔ monjingo yena ehɛngɛmɛ oho Diko a mojɔ monu. O’kani mojɔ monjingo emina boso oko na bikenge bisoti, bikenge biMwako Mopele.

Matayo 25:34

A ehole emina, Kumu âbala na bato a dɔngɔ diebɔ ende ebami bo, Doani. Bojongoa boSangwa’mbi bodi ai no, Sangoani Bokumu bua bosɛlingoama a mojɔ monu oko a bobanga bongondo.

Baɛpɛsɔ 1:18

na bo ahojae miso mamilema minu, bo ocingeeni njingo ebobea bonde, na ekumu enɛnɛ mɛnɛ elisango linde a tei ebasɛnɔke,

Baɛpɛsɔ 1:14

mua modi ndanga elisango lisu, oko a ehole ebosɔ lisango limina, a mojɔ mobosakoa ekumu ende.

Baɛpɛsɔ 1:11

Lisango lisu lidi a tei ende, lia lihɛngɛmɛ na mokano monde yona okɔkɔ ngando jisusu na bowɛi na bolulea bonde mɛnɛ.

Baloma 8:17

Isa bodi bana, bodi koko sangoli, sangoli jiNjambe, na bosangoanaka na Masiya. Bokadingoa na nde, bodi bokuma na nde pongono.

Bikɔmɛli 26:18

a bodipoa miso mabu, bo badonge a modidi, a bomana a bohu, bo bakine ngulu eSatana a bodoa ai Njambe, a bosɔ boyɛ bojibe jibu cina eejimeli ai mbi, na a bosɔ lisango a tei ebasɛnɔke.

Bikɔmɛli 20:32

Edɛye nakmaka no a mɔmɔ maNjambe na ebaeli emonganji monde. Iyo adi na ngulu a bombilimeja no, na adi bopa no lisango linu a tei ebato basusu baya bahɛngɛmɛ ai yo.

Yakobo 1:11

Busa bokahoa, na moi mokagbasoa, njienjie jiwɔsɔsɔkɔ oko bowɔsɔsɔ, malɛkɛ makwaka na esɛngɔ emina esusu esiaka. Moto olikonja adi bowɔsɔsɔ koko boa a tei ebilomu binde.

Bakɔlɔsai 1:12

Sakoani Sango yona obɔngejai so bo bosangoe libondo lihsango libasɛnɔke a bohu.

Bagalata 3:18

Mojɔ bo, isa lisango lidi a njea eMibeko, liditi a njea enjikano. Njambe ko alidikaneja ai Abalayama oko na njikano.

1 Bakolinto 9:25

Moto na moto yona osɛlingoaka a mojɔ mombambano asumaka bikia. Ibo bakɔkɔ boa bo basɛ likongo lingasa lia lidi bogwa; iso ko bokɔkɔ a mojɔ molikongo lia lidi boyeyoa oko an bosusu.

1 Pɛtɛlo 3:9

Bakakɔ no bobe, t’osɔnibejaeni oko bobe; bakalolea no, Tosɔnibejaeni oko na biloli. Sɔmbejani oko na bojongoa. Obeamani bo okɔeni boa, bo osangoeni bojongoa.

Malako 10:17

Amana Yesu a bodala a njea, moto omɔci apota ai yo. Atita na magbunda a boso bonde na amohɔjɔ bo, Mokoja mopele, êkɔ mbi ndeni bo nasangoe bomɔ bua bodi na bosusu?

Bakɔlɔsai 3:24

Jebani bo ôsɔni lisango ai Kumu o ndese enu. Kɔmɛni Masiya Kumu.

Baebele 10:34

Odakani na wa ai bato baya badaka a minyɔlɔ. Yana atomba bato leka lonu, odakani oko na sepi, cina bo ojebakani bo lisango linu linɔi na bopele, lia lidi boyeyoa.