1 Pɛtɛlo 1:12 - Nouveau Testament en Ngombe 1961

¹² Mojɔ moboloa ko ai bo, bo ngando jisɔkɔ bo jidaka a mojɔ monu, te nongo a mojɔ mobu bɛnɛ. Na bato baya batɔndɔki no Mwako Mopele na ngulu eMwembo Mosɛnɔke mua mohula Diko, babolojai ngando jimina ai no. Babwɛnji-baDiko badi koko na posa bo bacingee ngando jimina.

1 Pɛtɛlo 1:12 Referans Kwoze

Yoane 15:26

Mbi ko nâ lomea no Mokɔmeja, oko Mwembo mosoti mua momanaka ai Sango. Mokɔmeja omina adonga ai Sango, na akadoa, yo ada motati ombi.

Baɛpɛsɔ 3:10

Cina emina edi bo bakumu na bato basusu bakpaci oho Diko hacingee mojɔ mobowɛi bonɛnɛ boNjambe a mojɔ moDenga.

1 Bakolinto 2:10

Njambe ko ajibolojai ai so oko na Mwembo. Mojɔ bo Mwembo modukaka ngando jisusu, ee ngando jiNjambe jindinda pongono.

Baebele 4:2

Mojɔ bo iso boki koko Mwako Mopele, o ama bo ka. Bwɛnji ko boka bo bonama oko bonama, ema bo baya baka bwɛnji baibosɔ na ejimeli.

Malako 16:15

Abala na bu koko bo, Kɛni a ngondo esusu; tɔndɔni bato basusu boya Mwâko Mopele.

1 Pɛtɛlo 1:25

Ebaeli eNjambe ko eyeyoaka oko na bosusu. Ebaeli emina edi oko Mwako Mopele mua motɔndɔmɔ ai no.

Boboloja 5:11

Anja mbi koko, naka kɔpi jimandundu mababwɛnji-baDiko pɛ njɛngi, baya bahikaka ngɛndɛ na bato babomɔ na basuku.

2 Bakolinto 6:6

na ekɔmɛli epele, na ejebeli esoti, na eci, na monganji, na Mwembo Mosɛnɔke, na epaeli mɛnɛ,

2 Bakolinto 1:22

Abakea embete ende ai so, na abopa Mwembo a tei emilema misu o ndanga.

Baloma 15:19

na ngulu ebimbete na mindumba, na ngulu eMwembo Mosɛnɔke. Oko boa, abanga mbi a Yelusalema, nananganejai Mwako Mopele a makota matongo, suka oko Ililiko.

Bikɔmɛli 2:33

Oko boa, adi yo na ekumu a dɔngɔ diebɔ ebami eNjambe, na asi yo Mwembo Mosɛnɔke ai Sango, o akina yo sako, amosopi ai so, o anɛkɛ no na akaka no.

Baebele 2:4

Na Njambe aneja bo tati ebu edi soti, oko na bimbete, na mindumba, na mijɔ Mibokamoa, na bipeeli biMwembo, o ajima yo na bolulea bonde.

Bagalata 1:16

na ajima bo abolojae Mwana’nde ai mbi, bo natɔndɔe Mwako monde ai bapakano. A ehole emina, naibala nongo na moto a mojɔ momina.

Bagalata 1:12

Naimosɔ ai moto, na moto aikojani Mwako Mopele; edi oko Yesu Masiya yona omoboloja ai mbi.

Baloma 10:15

Na bato bamiti lomama, badi botɔndɔ mwako na ye? Mosɔnɔmɔ bo, Baya batɔndɔkɔ Mwako Mopele—bibota bibu esɛngɔ!

Baloma 1:17

Bodongo boNjambe boboloi a tei eMwako Mopele, banga oko na ejimeli, suka oko na ejimeli, o adi mosɔnɔ bo, Moto obodongo ahela oko a mojɔ moejimeli.

Luka 15:10

Mbi natɔndɔkɔ no bo sepi edi koko boa a tei ebabwɛnji baNjambe a mojɔ momoto omɔci mobe yona ohekojaka molema monde.

Matayo 11:25

A ehole emina, Yesu abala bo, Sesa, Kumu oDiko na nase, mbi nasakoaka wɛ cina bo obomba ngando jiji ai bato babowɛi, ai bato baya bacingeaka mijɔ, na ojibolojai ai bana bakɛkɛ.

1 Batɛsalɔnike 2:9

Baninga, otabosakani elomu na monɔngɔ mosu. Yana atɔndɔkɔ so Mwako Mopele moNjambe a tei enu, bokɔkɔ elomu mabulu na mei bo botada nongo muna ai no.

Luka 9:6

Oko boa bakɛ bakatɔndɔe Mwako Mopele a ngando na ngando, na basengoa babego a bisika bisusu.

Luka 2:26

Mwembo Mosɛnɔke moma mojebeja bo atagwa, oko adi yo pɛ bopeta nɛ Masiya oKumu.

Matayo 16:17

Yesu amosɔmbeja bo, Odi na bojongoa, wɛ Simona mwana ’Yona. Cina bo obolojaiti nongo mojɔ momina na bowɛi bomoto. Sangwa’mbi ko yona odi oho Diko amobolojai ai wɛ.

Matayo 11:27

Sangwa’mbi apani kpaci a ngando jisusu. Pɛpe nongo moto ojebaka Mwana. Edi oko Sango pɛ yona omojebaka. Pɛpɛ nongo moto ojebaka Sango. Edi oko Mwana pɛ yona omojebaka, Na Mwana akajima, amobolojaka ai bato bo bamojebe.

Baebele 11:13

Ibo basusu bagwa na ejimeli, pɛ ko bosɔ ngando jibodikeja. Bajinɛ ko bohali, na basepa a mojɔ momina, cina bo bajima bo badi oko bakɛndɛli na midoa a ngondo.

Baloma 1:15

A mojɔ momina, nadi na posa bo natɔndɔe Mwako Mopele ai no pongono baya badi a Loma.

Bikɔmɛli 16:10

Anɛ yo mojɔ momina, iso bomeka bokɛ bokpa a Makedonia, mojɔ bo bojima bo Njambe abeaka so a botɔndɔ Mwako Mopele oho.

Bikɔmɛli 10:44

Amaka bala Pɛtɛlo bikenge bimina, Mwembo Mosɛnɔke mo’mi kwa oko ai bato basusu baya bahokeaka mwako.

Bikɔmɛli 8:25

Ama bo tata tnojɔ moKumu, na ama bo tɔndɔ Mwako moKumu, ba’mi hula oko a Yelusalema, na bakatɔndɔe Mwako Mopele a ngando jinɛnɛ jiSamalia.

Bikɔmɛli 4:31

Aseja bo bo’nga, ndako edaka bo baboli ekumana oko bokumana. Ibo basusu baluma na Mwembo Mosɛnɔke, na batɔndɔ Mwako moNjambe na bogale.

Bikɔmɛli 4:8

Pɛtɛlo aluma oko na Mwembo Mosɛnɔke, na abala na bu bo, Ino bakumu bangando na basuku,

1 Timoteo 3:16

Cina eejimeli esu ai Njambe enɔi bocingea bomoto. Mojɔ momina modi soti mɛnɛ. Iyo asaboloja a mokuku momoto; Mwembo mongameja mojɔ monde; Babwɛnji baDiko bamonɛ; Makota mangondo maka mwako monde; Bato bangondo bamojimea; Asɔmɔ a ekumu eDiko.

1 Pɛtɛlo 4:6

Mojɔ bo bagwake pongono baka Mwako Mopele oko a mojɔ momina, bo bahele a njea emwembo o adi Njambe, nongo asambama bo o bato a njea emokuku.