1 Bakolinto 7:34 - Nouveau Testament en Ngombe 1961

³⁴ Mojɔ momwali obolongana, na mwali yona odi mondengi, modi koko boa; baditi amɛci. Mwali yona opeliti momi, adi na bolɛ a ngando jiKumu, bo mokuku monde na mwembo monde midae mihɛngɛmɛke ai Kumu. Mwali ko yona odi na momi, adi na bolɛ a ngando jingondo ye, bo asepejae muma’nde.

1 Bakolinto 7:34 Referans Kwoze

1 Bakolinto 6:20

Oditni baswa banu bɛnɛ, mojɔ bo osikoamani na bobuno bonɛnɛ. A mojɔ momina, toma bakeani Njambe kumu omikuku minu.

Bafilipoi 1:20

Posa embi enɛnɛ na njingo embi jidi bo nitasamboa nongo; bou oko bo nakumejae Masiya na eci enɛnɛ a mokuku mombi, isa na mohelo mombi, isa na bogwa bombi.

2 Bakolinto 11:28

Te nongo ngando jimina pɛ; nadi na muna a molema mombi tu busa a mojɔ moMenga masusu.

Baloma 6:13

T’opejaeni oko binama binu a bokɔ bobe. Odini bato baya badaka bagwake, na ohelani koko. Oko boa, sapejani ai Njambe; hɛngɛni binama binu ai Njambe a bokɔ ngando jipele.

Tito 3:8

Ekenge emina edi soti, na mbi napalaka bo okojae ngando jimina na bingi, bo bato baya bajimaka Njambe badae na bingi a bikɔmɛli bipele. Mijɔ mi midi mipele mɛnɛ na Mibɔngejaka bato.

1 Batɛsalɔnike 5:23

Yɛ Njambe obowi yo mɛnɛ asɛnojae no bopɛɛ, na abanee no bopele, oko mwembo, na molema, na mokuku, pɛpɛ nongo mojɔ, oko a bodoa boKumu osu Yesu Masiya.

2 Bakolinto 8:16

Mbi nasakoaka Njambe mojɔ bo yo alumeja molema moTito na bolɛ ai no, o adi mbi mɛnɛ.

1 Timoteo 3:5

Mojɔ bo, moto amiti hɔnɔ elomu endako ende mɛnɛ, adi bobanea Denga diNjambe na ye?

Yoane 10:13

Iyo aciaka mojɔ bo adi oko mosali pɛ; t’alɛkɛ bata na soti.

1 Bakolinto 7:33

Momi ko, yona odi na mwali, adi na bolɛ a ngando jingondo ye, bo asepejae mwali onde.

1 Bakolinto 7:35

Nabalaka boa a bokɔmeja no, te a bobindaneja no, bo ekɔmɛli enu ebɔnge, na bo okataneni na Kumu na milema minu misusu.

1 Timoteo 5:5

Mwali-obogwa ko osoti yona opeliti bato, adi na njingo ai Njambe, na angaka Njambe na bulu na mei, na bingeeli na mangɔɔnɔ.