1 Bakolinto 4:21 - Nouveau Testament en Ngombe 1961

²¹ Opalakani bo? Opalakani bo nadoe ai no na pimbo, isa na epaeli, na molema moyɛmbu?

1 Bakolinto 4:21 Referans Kwoze

2 Bakolinto 13:2

Mbi naleha bato baya bakɔ bobe boso, na basusu batongo pongono; na nabale-haka koko edɛye, o akɔ mbi yana adaka mbi na nu ehole ebibae, bo mbi nakadoa, nitadoa nongo na bwɛmbu.

1 Batɛsalɔnike 2:7

Bodaka na bo yɛmbu mɛnɛ a tei enu, o ekɔmɛli emwali yona obimbaka bana bande lipaapoko.

2 Bakolinto 13:10

Nasɔnɔkɔ mijɔ mi yana adi mbi bohali, bo nitabala na nu na bopipo a bodoa bombi na kpaci esɔ mbi ai Kumu a bopingeja bato, te a bodumba bato.

2 Bakolinto 2:3

Cina emokanda mosɔnɔ mbi edaka bo bato baya babwani bosepeja mbi a bodoa bombi, batakeja mbi wa. Nalɛ a molema mombi bo odini bosepa no basusu a mojɔ mosepi embi.

2 Bakolinto 1:23

Mbi nabeaka Njambe o motati omolema mombi—mbi naidoa obo Kolinto, mojɔ bo naipalaka bohɛjɛ monɔngɔ monu.

Yakobo 3:17

Bowɛi bodiko bodi boso bosɛnɔke; bodi koko na bowi na bo yɛmbu; bohokeaka mijɔ na molema bwase; bolumi na wa na mbuma jipele; boditi na minɔkɔ Inibae, isa na bokosea.

2 Bakolinto 10:6

Na lisuma linu likabwana, bodi na mosɛlingo bo bodingojae lipanga lisusu.

2 Bakolinto 2:1

Mbi najima a molema mombi bo nitadoa koko ai no a bokeja no wa.

2 Bakolinto 10:8

Nongo nakasakumeja bou mɛnɛ a mojɔ mokpaci esɔ mbi ai Kumu, nadi bolonga, mojɔ bo apani kpaci emina a bopingeja no, te a bodumba no.

2 Bakolinto 3:10

Soti mɛnɛ, mua modaka boso na ekumu, mopeliti koko ekumu edɛye, mojɔ bo ekumu etongo yena enɔi emodimoja.

1 Bakolinto 5:5

hɛngɛni moto omina ai Satana a mojɔ mohogwa bomunu, bo mwembo monde mohele a Busa boKumu.

1 Bakolinto 4:18

Bakina banu ko basakumejaka; balɛkɛ bo nitadoa ai no.

2 Bakolinto 12:18

Na’nga Tito bo akɛe, na naloma moninga otongo bo amopakae. Tito akonja likonja linu? Iso boidaka na ekɔmɛli emina pongono? Ekɔmɛli esu na nde te emɔci?

Bagalata 6:1

Baninga, okahuoajani moto na mojɔ mobe, mo baya badi na Mwembo odini bohuleja moto omina na milema mi yɛmbu. Nganjama ko bo otamekama wɛ mɛnɛ.