1 Bakolinto 4:10 - Nouveau Testament en Ngombe 1961

¹⁰ Iso bodi oko bigegele a mojɔ moMasiya. Ino ko odini na bowɛi a tei eMasiya! Iso bodi bayɛmbu; mo ko odini bapipo! Ino odini na ekumu; iso ko bosamboi.

1 Bakolinto 4:10 Referans Kwoze

1 Bakolinto 2:3

Adaka mbi na nu, nadaka na bwɛmbu, na bɔ, na mongongoma.

Bikɔmɛli 26:24

Abalaka yo boa bo asalongejae, Peseto abekoa bo, Paulo, odi na lilale! Mijɔ minɛnɛ mikoa wɛ milabojaka wɛ oko bolaboja.

Bikɔmɛli 17:18

Bakina bato babowɛi, BaEpikulo na BaSotoiko, basoola na nde. Bakina babu babala bo, Moto yo obibalabala apalaka bobala bo? Bakina batongo babala bo, Adi o motɔndɔi obanjambe batongotongo; mojɔ bo abatɔndɔ Mwako moYesu, na mojɔ mobongɔ a bogwa.

1 Pɛtɛlo 4:14

Bakapɔmbeja no a mojɔ mokombe eMasiya, odini na bojongoa, mojɔ bo Mwembo moekumu, Mwembo moNjambe modi ai no.

2 Bakolinto 13:9

Iso bosepaka yana adi so na bwɛmbu, isa ino odini na bopipo. Bongaka bo obɔngeni na soti.

1 Bakolinto 3:18

Moto abwaniti bosakosea. Okina onu akalɛ bo adi na bowɛi bongondo ye, yɛ apete da oko egegele, bo adae moto obowɛi soti.

1 Batɛsalɔnike 4:8

Oko boa, moto akasɛtoja ebaeli ye, atasɛtojaka moto; asɛtojaka oko Njambe yona opaka no Mwembo Mosɛnɔke monde.

2 Bakolinto 11:29

Okina akapeka, mbi napekaka pongono. Okina akakwa, molema mombi mongoaka oko bongoa.

2 Bakolinto 11:19

Adi no bato babowɛi no bɛnɛ, otangwani bigegele.

2 Bakolinto 10:10

Bakina babalaka bo, Mikanda minde midi mipipo, na midi na kpaci; yo mɛnɛ ko akada a tei esu, adi oko na boyɛmbu, na etɔndɛli ende edi ngasa mɛnɛ.

1 Bakolinto 10:12

A mojɔ momina, moto na moto yona odingaka bo adi mombilimake, abwani bonganjama bo asaka kwa.

1 Bakolinto 4:8

Ino ko ogolini. Okonjini makonja. Okweini a bokumu bonu no bɛnɛ, te nongo na sn. Posa embi edi oko bo odaeni bakumu soti, bo so bokumee na nu.

1 Bakolinto 3:2

Mbi nanungeja no mabɛi pɛ. Naibɔkɔ no na dia mɛnɛ, mojɔ bo oibwanani boyaka dia, na obwanakinini nongo edɛye, mojɔ bo odini oko bato bamunu.

1 Bakolinto 2:14

Moto ko, o abotama yo, t’asɔke ngando jiMwembo moNjambe; jidi oko yebe pɛ a miso mande. Abwaniti bojicingea, mojɔ bo adi bojicingea oko na Mwembo.

Bikɔmɛli 17:32

Yana aka bo mojɔ mobongɔ bobagwake, bakina basɛkɛ oko bosɛkɛ. Batongo ko babala bo, Bodi boka wɛ koko a mojɔ momina.

Bikɔmɛli 9:16

Na mbi nadi bomoneja bo adi bodingoa bou mɛnɛ a mojɔ mokombe embi.

Luka 18:9

Abala koko mondɛ mu na bakina bato baya badingaka bo badi bato babodongo na banyamoaka bato batongo.

Luka 10:16

Moto akahokea no, ahokeaka mbi. Moto ko akalona no, alonaka mbi. Na yona olonaka mbi, alonaka yona olomani.

Luka 6:22

Bato bakalona no, bakabengana no, bakanɔngeja no, na baka-Pɔmbeja kombe enu a mojɔ moMwana ’Moto,—bojongoa ai no.

Matayo 24:9

A ehole emina, bâsɛnjoja no bo badingojae no, bâweja no, na bato bamakota masusu bâlona no a mojɔ mokombe embi.

Matayo 5:11

Bojongoa ai no, bakalolea no, bakadingoja no, na bakalongɔ no na bibaeli bibe bibokosea a mojɔ mombi.

1 Bakolinto 1:21

Mojɔ bo Njambe akolea na bowɛi bonde, bo ngondo etamojeba na bowɛi bongondo; na ajima bo ahelejae bato baya bajimaka, a mojɔ moyebe eetɔndɔli eMwako Mopele.

1 Bakolinto 1:23

Iso ko botɔndɔkɔ Mwako moMasiya yona ogwa a mole-mobokea. Mojɔ momina modi oko libaku ai BaYuda, na yebe ai BaEla.

1 Bakolinto 1:25

Mojɔ bo, na bogegele boNjambe na bowɛi bobato, bogegele boNjambe bonɔi na bowɛi; na boyɛmbu boNjambe, na ngulu ebato, boyɛmbu boNjambe bonɔi na ngulu.

2 Bakolinto 6:8

na ekumu, na bosamboa, na bosakoa, na biloli. Adi so na mwako mosoti, babalaka bo bodi bato babokosea.

2 Bakolinto 4:12

Oko boa, bogwa bokɔkɔ elomu a tei esu, bomɔ ko a tei enu.