1 Bakolinto 3:16 - Nouveau Testament en Ngombe 1961

¹⁶ Ino otajebakani bo odini tempelo eNjambe, na bo Mwembo moNjambe modi a tei enu?

1 Bakolinto 3:16 Referans Kwoze

1 Bakolinto 6:19

Otajebakani bo mikuku minu midi tempelo eMwembo Mosɛnɔke; mojɔ bo Mwembo Mosɛnɔke modi a tei enu? Omosɔni ai Njambe.

2 Bakolinto 6:16

Tempelo eNjambe ebɔngiti nongo na bilimo. Iso bodi tempelo eNjambe obomɔ; mojɔ bo Njambe abala bo, Mbi nâda a tei ebu, na nadala a tei ebu; Nada Njambe obu, na bo bâda bato bambi.

Baloma 8:11

Isa Mwembo monde yona ongɔjɔ Yesu a bogwa modi a tei enu, yona ongɔjɔ Masiya Yesu a bogwa adi bopa no bomɔ a mikuku minu mibogwa, oko na Mwembo monde mua modi a tei enu.

Yoane 14:17

Ngondo t’ehɔnɔke bomosɔ, mojɔ bo batamonɛkɛ na batamojebaka. Ino ko omojebakani, mojɔ bo adi na nu, na âda a tei enu.

Baloma 8:9

Ino ko oditini bato bamunu; odini oko bato baMwembo, isa Mwembo moNjambe modi a tei enu soti. Moto amiti da na Mwembo moMasiya a tei ende, aditi moto onde.

1 Pɛtɛlo 2:5

Ino pongono toma dani matai maya madi mɔ, maya mayoama a ndako emwembo, na nganga basɛnɔke a bopa masiko mamwembo maya masepejaka Njambe a njea eYesu Masiya.

2 Timoteo 1:14

Banea mojɔ moyumu mosɔ wɛ, oko na ngulu eMwembo Mosɛnɔke, mua modi a tei ewɛ.

Baebele 3:6

Masiya ko adaka na lisuma limwana a ndako eNjambe. Ndako emina edi oko so, bokapea boku oko a suka ejimeli esu, na njingo esu yena edi ekumu esu.

1 Yoane 4:12

Moto anɛkini Njambe, pɛpɛ nongo omɔci. Njambe ko ayeyoaka a tei esu, na ngɛnjɔ ende ebɔngi a tei esu, isa bodi na ngɛnjɔ moto ai mina’nde moto.

Baloma 6:3

Otajebakani bo so basusu baya babatisama a tei eMasiya Yesu, bobatisama a tei ebogwa bonde.

1 Bakolinto 9:24

Otajebakani bo bato bakapota mbambano, bapotaka bo basusu? yona osɔkɔ ndese ko, oko omɔci pɛ. Oko boa toma potani a bosɔ ndese.

1 Bakolinto 9:13

Otajebakani bo bato baya bakɔkɔ elomu etempelo bayakaka leka lotempelo, na baya bakɔkɔ elomu elitumbu limasiko basɔkɔ libondo limasiko.

1 Bakolinto 6:9

Otajebakani bo bato babe batasangoa Bokumu boNjambe? T’opanganeni; bato balisɔngi bato babole, bato babɔɔli, bimwalimwali, bibamibami,

1 Bakolinto 6:16

Otajebakani bo yona okatani na mwali obɔɔli adi na nde mokuku momɔci? Mojɔ bo, mosɔnɔmɔ bo, Ibo babae bâda munu momɔci.

1 Bakolinto 5:6

Ino obwanitini bosakumeja. Otajebakani bo eketa ekɛkɛ elipetu edi bohekoja mitɛkɛ misusu oko lipetu?

Yakobo 4:4

Ino Bali bandukeli! Otajebakani bo limbaci lingondo lidi lisoki ai Njambe? Oko boa, moto yona opalaka bo apande limbaci na ngondo adi na Njambe oko soki.

Baloma 6:16

Okasumani moto, okasapejani ai moto, otajebakani bo odini babuli bamoswa omina? Isa odini babuli babobe, suka edi oko bogwa; isa odini babuli balisuma, suka edi oko bodongo.

1 Bakolinto 3:9

Iso bodi bakɔmɛli baNjambe, na bokɔkɔ elomu na nde. Ino odini gbie eNjambe; odini eyoeli endako eNjambe.

1 Bakolinto 3:17

Moto akabeja tempelo eNjambe, Njambe adi bomobeja yo pongono. Mojɔ bo tempelo eNjambe edi esɛnɔke, na mo odini tempelo emina.

1 Timoteo 3:15

bo nakayeyoa a bodoa, odi bojeba moda mua mobwani na bato bandako eNjambe, yena edi Denga diNjambe obomɔ, likwe na eyoeli-ecina esoti.