1 Bakolinto 14:3 - Nouveau Testament en Ngombe 1961

³ Moto ko yona otɔndɔkɔ mwako, abalaka na bato bo abalehe, abakɔmejae, na agɔmbejae milema mibu.

1 Bakolinto 14:3 Referans Kwoze

1 Bakolinto 14:12

Oko boa, ino okamboani bipeeli bimwembo, dani oko na posa ebipeeli bia bidi bokɔmeja Denga na soti.

1 Timoteo 4:13

Adi mbi pɛ bopeta doa, toma da na bingi a bolanga mokanda moNjambe, a botɔndɔ mwako moNjambe, na a bokoja.

Yuda 1:20

Ino ko baninga, kinani eyoeli enu edae a diko diejimeli enu esɛnɔke. Ingakani a tei eMwembo Mosɛnɔke.

Tito 1:9

moto yona oPeaka Ebaeli esoti oko boku, oko Ebaeli esɔ yo na bokoja, bo abwane bokoja ngando jisoti na bogbokeja bato bakitɛ.

Baɛpɛsɔ 6:22

Mbi namolomi oho ai no oko a mojɔ momina, bo ojebeni mijɔ mimbi, na bo agɔmbejae milema minu.

2 Timoteo 4:2

Tɔndɔ Mwako Mopele na bingi, isa na pela, isa na ngange. Lemoa na bato; basia, baleha, na pɛ bongwa nongo bokoja.

Tito 2:6

Leha koko menga bo basabekee.

1 Bakolinto 14:31

Obwanini botɔndɔ mwako no basusu, moto omɔci-omɔci; oko boa bato basusu badi bokoa, na badi bopinga a ejimeli ebu.

1 Bakolinto 14:26

Cina emina edi bo, baninga? Edi oko bo, omakatitanani, isa okina onu adi na eyembo, na otongo adi na eleho, isa na bokoja, isa na kɔpi, isa na bocingea, kɔni ngando jisusu a bopingeja ejimeli enu.

Baloma 14:19

Oko boa, kinani milema misu midae oko na posa a ngando jibowi, ho bokɔmejane moto na moto.

Bikɔmɛli 13:15

Asieja bo bolanga Mibeko na mokanda mobatɔndɔi, basuku basinagoge baba-lomea monɔkɔ bo, Baninga, isa odini na ekina eleho a mojɔ mobato, balani.

Tito 2:9

Leha babuli bo badae na lisuma ai baswa’bu, na bo babasepejae na bilomu bibu bisusu; baditi boboma na bu kitɛ;

1 Batɛsalɔnike 2:3

Eleho esu editi na bokosea, isa bosɔtɔ, isa epulu.

1 Bakolinto 10:23

Nakapala, nabwani bokɔ ngando jisusu; ngando jisusu ko jibɔngiti. Nakapala, nabwani bokɔ ngando jisusu; ngando jisusu ko jitabɔngejaka.

1 Pɛtɛlo 5:12

Mbi nanjaka Silwano o mwangwa’mbi oejimeli; nasɔnei no mokanda mu mokue oko na ebɔ ende, a boleha no, na a bolɛjɛ no a mojɔ momonganji mosoti moNjambe. Dani bambilimake a monganji momina.

Baebele 13:22

Mbi nangɔɔnɔkɔ no baninga bo osɛni bopele ekenge ye eeleho embi, mojɔ bo nasɔnei no oko mokanda mokue.

Baebele 10:25

Bobwaniti bokputoa a matitana o akɔkɔ bakwa; hɛjɛni bingi a bolehana moto na mina’nde moto, o anɛkɛ no bo Busa bomina bokɛkɛ adoe.

Tito 2:15

Koja ngando jimina. Leha, na lemoa na bato na kpaci enɛnɛ. T’ojime oko bo moto asɛtojae wɛ.

1 Timoteo 6:2

Isa baswa’bu badi na ejimeli, babwaniti bobanyamola na mokalo bo badi baninga. Badi bonɔ na bingi a bobakɔmɛ, mojɔ bo bakɔmɛkɛ bato baejimeli baya babwani bosɔ epaeli. Ikoja na leha ngando jimina.

1 Timoteo 1:4

na bo batajima masɔ, na kombe jimbotambota pɛ suka, jia jingɔjɔkɔ kitɛ pɛ; jitakɔmejaka elomu eNjambe a mojɔ moejimeli.

2 Batɛsalɔnike 3:12

Iso bobekeaka na bolehaka bato baya badi na ekɔmɛli emina, a kombe eKumu Yesu Masiya, bo bakɔe elomu na yongi, a bodiha molɛmbɛ mobu bɛnɛ.

1 Batɛsalɔnike 4:18

A mojɔ momina, toma gɔmbejanani milema na bikenge bimina.

1 Batɛsalɔnike 4:1

Mojɔ motongo baninga; okoanani na su ekɔmɛli yena ebwani na nu a bosepeja Njambe. Oko boa bongɔɔnɔkɔ no, na bolehaka no e dɛye a kombe eKumu Yesu, bo odaeni na ekɔmɛli emina. Okɔkɔni boa; endele ko, toma nɔjɔni mwɛngi momina.

1 Batɛsalɔnike 3:2

Na boloma mwangwa’su Timoteo, mokɔmɛli oNjambe, a elomu eMwako Mopele moMasiya. Bomoloma bo ambilimejae no a ejimeli enu, na a boleha no,

1 Batɛsalɔnike 2:11

Ojebakani bo bodaka na nu basusu o adi sange ebana na bana bande. Boleha no moto na moto, bopingeja milema minu, na bongɔɔnɔ no

Bakɔlɔsai 4:8

Mbi namolomi ai no oko a mojɔ momina, bo ake mwako monu, na apingejae milema minu.

Baɛpɛsɔ 4:29

T’okineni oko ekenge ebe emane a Ininɔkɔ minu; dani ko na ebaeli epele, a boleha na bokɔmeja baya bakaka.

2 Bakolinto 2:7

Edɛye, obwanini bohekoa a bokina mojɔ monde, na a bogɔmbeja moto omina, bo asaka dinda a monɔngɔ monde monɛnɛ.

2 Bakolinto 1:4

Iyo agɔmbejaka so a tei eminɔngɔ misu misusu, bo so bogɔmbejae bato batongo baya badi na minɔngɔ, o agɔmbejaka Njambe so bɛnɛ.

1 Bakolinto 14:17

Wɛ mɛnɛ ojongoaka soti, yona otongo ko atapinga nongo a ejimeli ende.

1 Bakolinto 8:1

A mojɔ momasiko mapejaka bato a bilimo, bojebaka so basusu cina emina. Ejebeli ko ehuulejaka moto na egho; epaeli ko embilimejaka.

Baloma 15:2

Moto na moto adi bokɔ mua mosepejaka motuteano monde, isa modi mopele, bo amombilimejae a ejimeli ende.

Baloma 12:8

Molehi adi na elomu eboleha. Yona opaka bipeeli adi bopa na likabo limonganji. Yona odi na elomu a boso bobato, adi boda na bingi; na yona okɔmejaka bato na wa adi boda na sepi.

Bikɔmɛli 15:32

Yuda na Sila badaka batɔndɔi. Ibo baleha baninga na bikenge binɛnɛ, na babapingeja.

Bikɔmɛli 14:22

Bambilimeja milema mibacigami, na babaleha bo bayeyoe a ejimeli. Babatɔndɔ koko bo bodi bokwea a Bokumu boNjambe oko na minɔngɔ minɛnɛ.

Bikɔmɛli 9:31

Denga didaka na bowi a ehole emina, a ngondo eYuda, na Galile, na Samalia, na limbilima. Denga didaka na lisuma ai Kumu, na dinɛngɛ a mojɔ mongulu eMwembo Mosɛnɔke.

Luka 3:18

Yoane atɔndɔ bato Mwako Mopele boa, na abaleha na hileho binɛnɛ.

Baebele 3:13

Salehanani tu busa yana adi so na ekenge ye “busa bu” a kɔpi esu, okina onu asaka da na ebaso a molema, cina eepulu ebobe.

Bikɔmɛli 4:36

Okina MoLewi pongono, kombe ende Yosepa, (Babwɛnji bamobakea kombe etongo Balanaba. Cina ekombe emina edi Mwana oEleho,) moto oKupulio,