1 Bakolinto 14:2 - Nouveau Testament en Ngombe 1961

² Moto yona otɔndɔkɔ na kɔpi etongo atabalaka na bato, abalaka oko na Njambe. Bato bata-mocingeaka mojɔ bo abalaka ngando jibombamake.

1 Bakolinto 14:2 Referans Kwoze

Malako 16:17

Baya bâjima badi bokɔ bimbete bi; lɔâmeja miembo mibe a kombe embi. Bâbala na kɔpi jitongo.

Bikɔmɛli 19:6

Na yana abakea Paulo mɔmɔ mande ai bo, Mwembo Mosɛnɔke motita ai bo, babanga bobala na kɔpi jitongo, na bapa biseko.

Bikɔmɛli 10:46

Baka koko bato bamina bakabale na kɔpi jitongotongo na bakakumejae Njambe.

1 Bakolinto 13:2

Namiti da na epaeli, nadi eka engasa mɛnɛ; nongo nakatɔndɔ mwako, nongo nakacingea ngando jibombamake, nongo nakada na ejebeli esusu, nongo nakada na ejimeli enɛnɛ a bodongeja meno minɛnɛnɛ, pɛ mojɔ.

1 Bakolinto 2:10

Njambe ko ajibolojai ai so oko na Mwembo. Mojɔ bo Mwembo modukaka ngando jisusu, ee ngando jiNjambe jindinda pongono.

Boboloja 10:7

na bo obwɛnji osambo akahuea mondule, mojɔ mobombamake moNjambe mongame a masu mamina, o ajebeja yo batɔndɔi bakɔmɛli bande.

1 Timoteo 3:16

Cina eejimeli esu ai Njambe enɔi bocingea bomoto. Mojɔ momina modi soti mɛnɛ. Iyo asaboloja a mokuku momoto; Mwembo mongameja mojɔ monde; Babwɛnji baDiko bamonɛ; Makota mangondo maka mwako monde; Bato bangondo bamojimea; Asɔmɔ a ekumu eDiko.

1 Timoteo 3:9

Badi bobanea mijɔ miejimeli a milema misɛnɔke.

Bakɔlɔsai 2:2

Nakɔkɔ boa bo Inilema Mibu mihɛe na eci o akatanaka ho na epaeli, na bo babɔnge a mojɔ mobowɛi bosoti a bocingea mojɔ mobombamake moNjambe, oko Masiya.

Baɛpɛsɔ 6:19

na a mojɔ mombi pongono, bo nadae na bɛtɛ ebobala a botɔndɔ na eci cina eMwako Mopele.

1 Bakolinto 15:51

Hokeani! Nadi boboloja mojɔ mobombamake ai no. Iso basusu botahwɛ; iso basusu ko bokindoabí.

1 Bakolinto 2:7

Botɔndɔkɔ oko bowɛi boNjambe bobo-mbamake, bowɛi bosɛlingoa yo a mojɔ moekumu esu oko a bobanga mɛnɛ.

Baloma 16:25

Okina adi yona obwani bombilimeja no a Mwako Mopele moMasiya motɔndɔkɔ mbi. Mwako momina mobolojaka mojɔ mua modaka mobombamake a bobanga mɛnɛ.

Bikɔmɛli 22:9

Bato baya bapakaka mbi banɛ bohu bomina soti; baika ko kɔpi ende yona obalaka na mbi.

Malako 4:11

Iyo abasɔmbeja bo, Mojɔ moBokumu boNjambe mua modaka mobo-mbamake, modi oko bohu ai no. Baya badi sokolu ko basɔkɔ ngando jimina na mindɛ.

Matayo 13:11

Yesu abasɔmbeja bo, Ino osini bocingea a bojeba ngando jibombamake jiBokumu boDiko; ibo ko basiti bocingea.

1 Bakolinto 14:16

Okajongoa na mwembo, moto otongo yona oditi na epeeli ewɛ, atajeba nongo bojima Amen yana ajongoaka wɛ, mojɔ bo atacingeaka mojɔ mobalaka wɛ.

1 Bakolinto 12:10

Okina asɔkɔ epeeli a bokɔ mindumba, na otongo asɔkɔ epeeli a botɔndɔ mwako moNjambe. Okina asɔkɔ epeeli a bombetea miembo, na otongo asɔkɔ epeeli ekɔpi jitongo-tongo, na otongo koko a’kaka kɔpi jitongo-tongo.

1 Bakolinto 12:28

Njambe akolea bato a tei eDenga, boso oko babwɛnji, na ngɔngɔ jibu oko batɔndɔi. Bacingi na bu ngɔngɔ oko bakoja, na bato baya bakɔkɔ mindumba, bato basengo, bakɔmeja, bato babilomu, bato bakɔpi jinɛnɛ.

1 Bakolinto 13:1

Nongo nakabala na kɔpi jibato, isa jibabwɛnji-badiko, na napeliti epaeli, nadi oko doi dieboli, isa lisanga lia likɔkɔ ngɛ-ngɛ-ngɛ.

1 Bakolinto 14:26

Cina emina edi bo, baninga? Edi oko bo, omakatitanani, isa okina onu adi na eyembo, na otongo adi na eleho, isa na bokoja, isa na kɔpi, isa na bocingea, kɔni ngando jisusu a bopingeja ejimeli enu.