1 Bakolinto 14:1 - Nouveau Testament en Ngombe 1961

¹ Bakeani milema minu a epaeli. Dani na posa a bipeeli bimwembo, bou oko epeeli ebotɔndɔ.

1 Bakolinto 14:1 Referans Kwoze

1 Bakolinto 14:39

Oko boa baninga, bakeani milema minu a botɔndɔ mwako moNjambe. Pɛ bosiani bato a bobala na kɔpi jitongo.

Baebele 12:14

Kɔni na ngulu enu esusu bo odaeni na bato basusu oko bowi, na bo odaeni na bosɛnɔ, mojɔ bo moto amiti da na bosɛnɔ atanɛ nongo Kumu.

1 Timoteo 4:14

T’onamejae oko epeeli yena edi a tei ewɛ; oesɔ na bileho yana abakea basuku baDenga mɔmɔ mabu ai wɛ.

1 Bakolinto 16:14

Kɔni bilomu binu bisusu oko na epaeli.

1 Bakolinto 12:1

Baninga, mbi napalaka bo ocingeeni mojɔ mobipeeli bimwembo.

1 Bakolinto 13:13

Edɛye ngando ji jisato jidikai, oko ejimeli, na njingo, na epaeli; yena enɔi jisusu ko edi oko epaeli.

1 Batɛsalɔnike 5:20

Pɛ bosɛtojani biseko.

1 Timoteo 6:11

Wɛ ko, moto oNjambe, toma bulɛ ngando jimina. Dala a njea ebodongo, na yongi epele, na epaeli, na lingbangba, na bombɔki.

1 Bakolinto 14:37

Isa okina onu alɛkɛ bo adi motɔndɔi, isa bo adi na bipeeli bimwembo, adi bocingea bo mijɔ misɔnei mbi no midi mobeko moKumu.

1 Timoteo 5:10

Adi boda na esako epele a mojɔ mobikɔmɛli binde bipele, mwali yona obɔkɔ bana, yona odaka na monganji ai bakɛndɛli, yona ososa bibota bibato baDenga, yona okɔmeja bato baya badaka na monɔngɔ, na odaka na bingi a ngando jisusu jipele.

Baɛpɛsɔ 1:3

Yɛni bosakoe Njambe Sange eKumu osu Yesu Masiya, yona ojongoa so a tei eMasiya na majongoa masusu mamwembo na ma-Diko.

1 Bakolinto 12:31

Dukani oko bipeeli bia binɔi na bopele. Mbi ko nadi boneja no njea yena enɔi na bopele.

3 Yoane 1:11

Baninga, pɛ bokoani na bobe; ikoanani oko na bopele pɛ. Moto yona okɔkɔ bopele adi moto oNjambe. Moto ko yona okɔkɔ bobe anɛkini Njambe.

Mokanda Momibae Mosɔnɔ Pɛtɛlo - 2PE 1:7

epaeli ai baninga a lisuma, na ngɛnjɔ ai epaeli.

Baloma 12:6

Bipeeli bisu biditi amɛci; bicingi oko na monganji moNjambe ai moto na moto. Yona odi na epeeli ebotɔndɔ mwako, abwani botɔndɔ mwako na mwɛngi monde moejimeli.

2 Timoteo 2:22

Cia posa jibe jimwenga. Susa na bingi njea ebodongo, ejimeli, epaeli, bowi, na bato baya basakoaka Kumu na milema misɛnɔke.

Baloma 9:30

Cina emina edi bo? Edi oko bo, bapakano baisusa njea ebodongo; ba’si ko bodongo, oko bodongo bua bocingi na ejimeli.

Baloma 14:19

Oko boa, kinani milema misu midae oko na posa a ngando jibowi, ho bokɔmejane moto na moto.

1 Bakolinto 13:2

Namiti da na epaeli, nadi eka engasa mɛnɛ; nongo nakatɔndɔ mwako, nongo nakacingea ngando jibombamake, nongo nakada na ejebeli esusu, nongo nakada na ejimeli enɛnɛ a bodongeja meno minɛnɛnɛ, pɛ mojɔ.

1 Bakolinto 14:22

Oko boa, kɔpi jidi oko embete ai bato baya bajimakini, te nongo ai bato baejimeli. Etɔndɛli ko emwako moNjambe edi embete ai baya bajimaka, te nongo ai baya bajimakini.