1 Bakolinto 13:13 - Nouveau Testament en Ngombe 1961

¹³ Edɛye ngando ji jisato jidikai, oko ejimeli, na njingo, na epaeli; yena enɔi jisusu ko edi oko epaeli.

1 Bakolinto 13:13 Referans Kwoze

1 Bakolinto 16:14

Kɔni bilomu binu bisusu oko na epaeli.

Bakɔlɔsai 3:14

Ngɛnjɔ ko enɔi ngando ji jisusu; ekatanejaka na boka-tana bosoti.

Bagalata 5:6

Bolena boganda, isa bodi isa boditi, boditi nongo na cina a tei eMasiya; mojɔ mosusu modi oko ejimeli yena esanejaka na epaeli.

Bafilipoi 1:9

Na mojɔ mongaka mbi modi bo epaeli enu ehɛe bou mɛnɛ, na bo elume na ejebeli na bocingea,

1 Timoteo 1:5

Cina eeleho esu edi oko epaeli yena emanaka a molema mosɛnɔke, na bolɛ bopele, na ejimeli esoti.

1 Yoane 2:10

Moto yona odi na mwangwa’nde epaeli adi a bohu, na libaku liditi a tei ende.

1 Batɛsalɔnike 5:8

Iso ko, bato babohu, bobwani bosɛnjɛlɛ na bolwa ebende ebupa, yena edi ejimeli na epaeli, na kɛsike eebende a molo, yena edi njingo ebohela.

2 Bakolinto 5:10

Mojɔ bo, iso basusu bodi bo’ma a bohu a boso bomongbɛlɛngɔ moesambi eMasiya, bo moto na moto asɛ ndese ende a mojɔ mobopele, isa a mojɔ mobobe bokɔ yo a mokuku mu.

1 Bakolinto 8:3

Moto ko akapala Njambe, Njambe ajebaka moto omina.

Bakɔlɔsai 1:27

Mojɔ bo Njambe ajima bo abanejae bo mojɔ mu mobo-mbamake modi mojɔ moekumu enɛnɛ mɛnɛ a tei ebapakano,—cina emina edi Masiya a tei enu, njingo eekumu.

1 Pɛtɛlo 1:21

Ejimeli enu ai Njambe edi a njea ende. Na Njambe amongɔjɔ a bogwa, na amokumeja, bo ejimeli enu, na njingo enu, jidae oko ai yo.

1 Yoane 3:9

Moto yona obotama na Njambe t’akɔke bobe, mojɔ bo bana baNjambe bayeyoaka a tei ende, na babwaniti bokɔ bobe, mojɔ bo babotama na Njambe.

1 Yoane 3:3

Moto na moto yona odi na njingo emina ai yo, asasɛnojaka o adi yo mosɛnɔke.

1 Yoane 2:14

Nasɔnei no basango, mojɔ bo ojebakani yona odaka oko a bobanga mɛnɛ. Nasɔnei no menga, mojɔ bo odini na ndangasa, na Ebaeli eNjambe eyeyoaka a tei enu, na ogbokejaini yona mobe.

Baebele 6:19

Iso bopeli njingo emina o longo emwembo, njingo esoti na embilimake yena ekweaka a dɔngɔ ditongo diehuako.

2 Timoteo 1:7

Mojɔ bo Njambe aipa so mwembo mobomɛli, oko mwembo mongulu, na epaeli, na bowɛi.

Baebele 6:11

Posa esu edi bo moto na moto a tei enu adae na bingi a bobanea tɛndɛ ende esusu oko a suka mɛnɛ.

2 Bakolinto 5:15

Na yo agwea bato basusu bo mihelo mibato baya badi mɔ, mitaya da ai bo bɛnɛ, oko ai yona obagwea, yona ongɔ koko a bogwa a mojɔ mobu.

1 Bakolinto 14:1

Bakeani milema minu a epaeli. Dani na posa a bipeeli bimwembo, bou oko epeeli ebotɔndɔ.

1 Bakolinto 3:14

Moto akayoa diko dieyoeli ecina, na elomu ende ekayeyoa, moto omina adi bosɔ ndese.

1 Yoane 2:24

Ino ko, kinani mojɔ modae a tei enu mua moka no a bobanga. Mojɔ moka no a bobanga mokayeyoa a tei enu, odini boyeyoa no bɛnɛ a tei eMwana na a tei eSango.

Luka 22:32

Mbi ko nangɔɔni a mojɔ mowɛ, bo ejimeli ewɛ etambɛ. Na okahekoa koko ai mbi, toma mbilimeja baninga bawɛ.

Luka 10:27

Iyo asɔmbeja bo, Toma pala Kumu Njambe owɛ na molema mowɛ mosusu, mwembo mowɛ mosusu, ngulu ewɛ esusu, bolɛ bowɛ bosusu; na toma pala motuteano mowɛ o asapalaka wɛ mɛnɛ.

Baebele 10:39

Iso ko boditi bato baya basɔmbɔkɔ mandulendule bo bobunge, oko bato baya badi na ejimeli a boheleja miembo Mibu.

1 Bakolinto 8:1

A mojɔ momasiko mapejaka bato a bilimo, bojebaka so basusu cina emina. Ejebeli ko ehuulejaka moto na egho; epaeli ko embilimejaka.

Baloma 15:13

Yɛ Njambe onjingo alumejae no na sepi na bowi a ejimeli enu, bo njingo enu enɛnge a mojɔ mongulu eMwembo Mosɛnɔke.

Baebele 10:35

A mojɔ momina, t’obungejaeni oko eci enu mojɔ bo edi na ndese enɛnɛ.

Bakɔlɔsai 1:5

a mojɔ monjingo yena ehɛngɛmɛ oho Diko a mojɔ monu. O’kani mojɔ monjingo emina boso oko na bikenge bisoti, bikenge biMwako Mopele.

1 Batɛsalɔnike 1:3

Mojɔ bo bolɛkɛ elomu eejimeli enu, elomu enu eepaeli, na njingo enu yena etambɛkɛ, ai Kumu osu Yesu Masiya, a boso boNjambe Sangwa’su.