1 Bakolinto 1:18 - Nouveau Testament en Ngombe 1961

¹⁸ Mojɔ bo mwako momole-mobokea modi oko ebalabala ai bato baya badi a njea ebogwa; modi ngulu eNjambe ko ai so baya bahelaka.

1 Bakolinto 1:18 Referans Kwoze

1 Bakolinto 2:14

Moto ko, o abotama yo, t’asɔke ngando jiMwembo moNjambe; jidi oko yebe pɛ a miso mande. Abwaniti bojicingea, mojɔ bo adi bojicingea oko na Mwembo.

Baloma 1:16

Mbi naditi nongo na sɔni a mojɔ moMwako Mopele, mojɔ bo modi ngulu eNjambe a boheleja moto na moto yona ojimaka, MoYuda boso, na MoEla pongono.

2 Batɛsalɔnike 2:10

na epulu enɛnɛ ebobe, a mojɔ mobato baya badi bogwa, cina bo balona epaeli eSoti bo bahele.

2 Bakolinto 4:3

Isa Mwako Mopele mosu modi mobombamake, mobombami oko ai bato baya bagwaka.

1 Bakolinto 1:21

Mojɔ bo Njambe akolea na bowɛi bonde, bo ngondo etamojeba na bowɛi bongondo; na ajima bo ahelejae bato baya bajimaka, a mojɔ moyebe eetɔndɔli eMwako Mopele.

1 Bakolinto 3:19

Mojɔ bo bowɛi bongondo ye bodi oko yebe a miso maNjambe. Mosɔnɔmɔ bo, Iyo ataejaka bato babowɛi a poloso ebu bɛnɛ.

1 Batɛsalɔnike 1:5

Mwako Mopele mosu moidoa ai no na kɔpi pɛ; modoa na ngulu, na Mwembo Mosɛnɔke, na ejimeli enɛnɛ. Ojebakani ekɔmɛli yena edaka na su a tei enu a mojɔ monu.

1 Bakolinto 2:2

Mbi najima na molema mombi mosusu bo mtajeba mokina mojɔ motongo a tei enu, oko Yesu Masiya pɛ yona ogwa a mole-mobokea.

Bikɔmɛli 13:41

Ikani, no bato babosɛtɔ; kamoani na dimoani; Mojɔ bo mbi nadi bokɔ mokina mojɔ a masu manu; Moto akajebeja no mojɔ momina, otajimani.

Baebele 4:12

Mojɔ bo, Ebaeli eNjambe edi mɔ, edi na ndangasa, na enɔi ambombo na bopɔlu. Ekwɛlɛkɛ moto a bobɔteja molema na mwembo, na mongi na libɔngɔ; na esambejaka malɛ na mikano mimolema.

2 Bakolinto 10:4

Mojɔ bo molilo mosu mobila moditi molilo mongondo; molilo momina ko modi na ngulu eNjambe a bogbokeja bisika bipipo bisoki.

1 Bakolinto 15:2

Ohelani oko na mwako momina, okamobaneani bopele—omiti kɔni boa, ejimeli enu edi eka engasa.

Bikɔmɛli 17:32

Yana aka bo mojɔ mobongɔ bobagwake, bakina basɛkɛ oko bosɛkɛ. Batongo ko babala bo, Bodi boka wɛ koko a mojɔ momina.

Bikɔmɛli 17:18

Bakina bato babowɛi, BaEpikulo na BaSotoiko, basoola na nde. Bakina babu babala bo, Moto yo obibalabala apalaka bobala bo? Bakina batongo babala bo, Adi o motɔndɔi obanjambe batongotongo; mojɔ bo abatɔndɔ Mwako moYesu, na mojɔ mobongɔ a bogwa.

Bikɔmɛli 2:47

Basakoaka Njambe, na badaka na gala epele a tei ebato bangando. Njambe anɛngɛja Denga busa na busa oko na bato baya bahelaka.

1 Bakolinto 4:10

Iso bodi oko bigegele a mojɔ moMasiya. Ino ko odini na bowɛi a tei eMasiya! Iso bodi bayɛmbu; mo ko odini bapipo! Ino odini na ekumu; iso ko bosamboi.

Baebele 12:2

Kwani miso masu madae oko ai Yesu, yona obanga na yona odi bobɔngeja ejimeli esu. Iyo ahɔnɔ mole-mobokea, na alɛ bo sɔni emina edi eka engasa, oko a mojɔ mosepi yena edaka a boso bonde, na adi a edie a ebɔ ebami emongbɛlɛngɔ moNjambe.