1 Batɛsalɔnike 5:6 - Nouveau Testament en Ngombe 1961

⁶ Oko boa bobwaniti bohwɛ hiɔ o akɔkɔ bakwa; bobwani boda oko misu bo bosɛnjɛle.

1 Batɛsalɔnike 5:6 Referans Kwoze

1 Pɛtɛlo 1:13

A mojɔ momina, toma ngbimejani bocingea bonu; sangbi-ndeani; kinani njingo enu esusu edae a monganji moNjambe mua modoabi ai no yana aboloabi Masiya.

Matayo 24:42

A mojɔ momina, toma kɛngɛlɛni, mojɔ bo otajebakani busa bohulaka Kumu onu.

Luka 22:46

Abala na bu bo, Ino ohwɛini hiɔ mojɔ moye? Angɔni, ingakani bo otakweani a bomeka.

1 Pɛtɛlo 5:8

Sangbindeani; sɛnjɛlɛni. Satana, soki enu, adukaka bato bo aba yake, na ababɛmbɛkɛ na wio o ekɔmɛli egbɔngɔ yona ogbemaka.

Boboloja 16:15

(Hokeani; mbi nadoaka na mbɛmbɛ emobi. Bojongoa ai moto yona odi mosu, yona obaneaka bisenja binde bo atamana mbundu na sɔni a boso bobato.)

Tito 2:12

Mokojaka so bo bolone ngando jisusu jia jikɛsɛni na njea eNjambe, bo bolone posa jingondo, bo bosangbindee, bo bodae na ekɔmɛli yena edi bojo, na lisuma ai Njambe a ngondo ye.

Baɛpɛsɔ 5:14

A mojɔ momina, abala bo, Wɛ yona ohwɛi hiɔ, sisoa! Angɔ a bogwa, Na Masiya âpa wɛ bohu.

Boboloja 3:2

Sisoa, na pingeja ngando jia jidikai, jia jidi hulelu na bogwa; mojɔ bo mbi nanɛkɛ bo bikɔmɛli biwɛ bibɔngiti nongo a miso maNjambe ombi.

1 Pɛtɛlo 4:7

Suka engando jisusu edi hulelu; a mojɔ momina, sangbindeani, na dani na mongangele a mojɔ mobo’nga.

1 Bakolinto 16:13

Ino, toma sɛnjɛlɛni bopele; dani bambilimake a ejimeli enu; dani bami mɛnɛ; dani bato bapipo.

1 Timoteo 2:9

Napalaka koko bo bali baiwae bisenja bia bibɔngi, te nongo na jala, na posa bo basanejae. Babwaniti bobaka swe jimosɛsɛ, isa na manaka na leka loyumu, isa mokina molilo moyumu.

Tito 2:6

Leha koko menga bo basabekee.

1 Timoteo 3:2

Monjeli oDenga ko adi boda na esako epele mɛnɛ, momi omwali omɔci pɛ, moto obowi na molema motitake, moto oyongi epele yona odi na monganji ai bato, na bowɛi a bokoja;

Bakɔlɔsai 4:2

Dani na lingbangba a bonga; sɛnjɛlɛni a bonga na sepi.

Baɛpɛsɔ 6:18

Ingakani bihole bisusu na Mwembo, tungu jisusu jibingeeli na mangɔɔnɔ; toma nganjamani na bopipo a mojɔ momina, na ingakani a mojɔ mobaMasiya basusu,

Luka 21:36

A mojɔ momina, toma sɛnjɛlɛni; mgakani bihole hisusu bo ngulu enu ebwane a mojɔ mobohela a ngando ji jisusu jia jidoaka, na a bo’Ina a boso boMwana ’Moto.

Luka 12:39

Pɛ bobosani mojɔ mu; Moswa ’ndako, akɔki yo jeba ehole ekanaka mobi bodoa, ka adaki na mongangele, na ajimiti bo moto aluse ndako ende.

Matayo 25:13

A mojɔ momina, toma sɛnjɛlɛni, mojɔ bo otajebakani busa na ehole.

Matayo 25:5

Yana ayeyoa momi obolongana a njea, ibo basusu bapɔngɔpɔngɔ na hiɔ, na bahwɛ oko bohwɛ.

Matayo 13:25

Yana ko adaka bato bahwɛli, soki ende adoa. Iyo ana ngua jinjani a esika edaka lɔsɔ, na ayana.

2 Timoteo 4:5

Wɛ ko, sabekea bihole bisusu. Da na eci a tei ebodingoa. Kɔ elomu emotɔndɔi oMwako Mopele. Kɔ ngando jisusu jia jicingi na elomu ewɛ.

1 Timoteo 3:11

Bali babu pongono badi boda na yongi epele, te nongo bato babiloli, oko bato babowi na lisuma a ngando jisusu.

1 Batɛsalɔnike 5:8

Iso ko, bato babohu, bobwani bosɛnjɛlɛ na bolwa ebende ebupa, yena edi ejimeli na epaeli, na kɛsike eebende a molo, yena edi njingo ebohela.

Bafilipoi 4:5

Kɔni bo bato basusu banɛe bombɔki bonu. Kumu adi mbuci mɛnɛ.

1 Bakolinto 15:34

Sisoani, na dani na yongi epele. Yɛni bokɔ bobe. Natɔndɔkɔ no, a bokeja no sɔni, bo bakina banu batajebaka nongo Njambe.

Bikɔmɛli 20:31

Oko boa toma nganjamani. Pɛ bobosani bo mbi naingwa boleha no basusu na mbisoli, mabulu na mei, bianga bisusu bisato.

Luka 12:37

Kumu aka’tana bakɔmɛli bande misu a lihule linde, bakɔmɛli bamina bâda na sepi. Mbi natɔndɔkɔ no na soti bo yo âlwa bisenja bielomu, âbadeja a mesa, na âdoa bo abapɛ mia.

Malako 13:37

Mbi nabalaka na bato basusu oko ekenge ebali mbi na nu bo, Sɛnjɛlɛni.

Matayo 26:38

Abala na bu bo, Molema mombi modi na wa te’pele, oko yogo mɛne. Ambani ya a bokɛngɛlɛ na mbi.

1 Timoteo 2:15

Endele ko, mwali adi bohela na bohota, akayeyoa na ejimeli, na epaeli, na bosɛnɔ, na yongi.

Baɛpɛsɔ 2:3

Iso pongono, so basusu, bopangana na bu, na lisuma lisu lidaka oko a posa jimokuku. Bodaka babuli baposa jimokuku na jimolema. Bodaka bana bakɛlɛ oko a bobotama bosu, iso na ’bo tungu emɔci.

1 Batɛsalɔnike 4:13

Baninga, botapalaka bo odaeni a libumi a mojɔ mobato baya bagwa. Obwanitini bobayea o akɔkɔ bato batongo baya bapeliti nongo njingo.

1 Batɛsalɔnike 5:10

Yesu Masiya agwea so bo bodae na nde, isa a bogwa isa a bomɔ.