1 Batɛsalɔnike 3:3 - Nouveau Testament en Ngombe 1961

³ bo pɛpɛ nongo okina onu ombɛ a mojɔ mominɔngɔ mi. Ojebakani no bɛnɛ bo minɔngɔ midi oko libondo lisu.

1 Batɛsalɔnike 3:3 Referans Kwoze

Bikɔmɛli 14:22

Bambilimeja milema mibacigami, na babaleha bo bayeyoe a ejimeli. Babatɔndɔ koko bo bodi bokwea a Bokumu boNjambe oko na minɔngɔ minɛnɛ.

Baloma 5:3

Mojɔ motongo koko, bosepaka a tei eminɔngɔ misu. Bojebaka bo monɔngɔ mobotaka lingbangba;

Bikɔmɛli 9:16

Na mbi nadi bomoneja bo adi bodingoa bou mɛnɛ a mojɔ mokombe embi.

Yoane 16:33

Mbi nabali na nu ngando ji, bo odaeni na bowi a tei embi. Odani na monɔngɔ a ngondo; pɛ mojɔ; dani oko na sepi, mojɔ bo mbi nagbokejai ngondo.

1 Bakolinto 15:58

A mojɔ momina, baninga bambi baepaeli, dani bambilimake, pɛ bombɛni nongo mweka; kɔmɛni Kumu na elomu enɛnɛ masu masusu, mojɔ bo ojebakani bo elomu enu ai Kumu êtanama nongo.

Bikɔmɛli 21:13

Paulo ko asɔmbeja bo, Oyeakani na ombɛjɛkɛni molema mombi mojɔ moye? Mbi nadi na mosɛlingo, te a mojɔ mombɔci pɛ; nadi koko na mosɛlingo a mojɔ mobogwa pongono a Yelusalema, a mojɔ mokombe eKumu Yesu.

1 Batɛsalɔnike 5:9

Mojɔ bo Njambe ahɔ so bo bohele a mojɔ moKumu osu Yesu Masiya, te a mojɔ mokɛnjɔ.

1 Bakolinto 4:9

Mbi nalɛkɛ bo Njambe adejai so babwɛnji ngɔngɔ jibato basusu, o bato baya bahɛngɛmɛ a bogwa; mojɔ bo bodi o makou pɛ a mojɔ mongondo, na babwɛnji badiko, na bato pongono.

1 Pɛtɛlo 2:21

Mojɔ bo obeamani a njea emina, cina bo Masiya yo mɛnɛ adingoa a mojɔ menu, na akinea no ekoaneli bo osuseni mɔɔlɛ mande.

Bakɔlɔsai 1:23

okayeyoani bambilimake na ngbi a ejimeli, pɛ nongo bodonga a njingo eMwako Mopele moka no. Mwako momina motɔndɔmɔ ai bato basusu ya nase, na mbi Paulo nahɛngɛmɛ ho nadae mokɔmɛli omwako momina.

Baɛpɛsɔ 3:13

A mojɔ momina, mbi nangaka no bo otangwaeni cina eminɔngɔ misɔkɔ mbi a mojɔ monu; midi oko ekumu enu.

Bikɔmɛli 2:25

Mojɔ bo Dawidi abala mojɔ monde bo, Mbi nanɛkɛ Kumu ombi a boso bombi masu masusu; Mojɔ bo adi a dɔngɔ dimbi diebɔ ebami bo ambilimejae mbi.

Yoane 16:2

Babengana no a sinagoge; ee, ehole ekɛkɛ adoe, na moto akawa no, adi bolɛ bo akɔmɛkɛ Njambe.

Luka 21:12

Oko ngando jia jidoakini ko, badi bopeta pea no, badingoja no, bâgbula no a smagoge na a blɔkɔ; bâkɛ na nu a boso bobakumu na bajuji a mojɔ mokombe embi.

2 Timoteo 1:8

A mojɔ momina, obwaniti boda na sɔni a botata tati ai Kumu osu, isa a mojɔ mombi lisungu linde. Asɔ ko libondo limonɔngɔ mosɔkɔ mbi a mojɔ moMwako Mopele, o apaka Njambe wɛ ngulu.

2 Batɛsalɔnike 1:4

A mojɔ momina, so bosakoaka no a Menga maNjambe, a mojɔ molingbangba na ejimeli enu, a tei eminɔngɔ na madingoa masɔkɔ no.

Boboloja 2:13

Mbi najebaka esika edi ndako ewɛ; edi oko a esika edi ngɛndɛ eSatana. Opeaka kombe embi boku. Oingana nongo ejimeli embi a masu mawa bo Antipa, motati ombi oejimeli a tei enu, oko a esika eSatana.

Boboloja 2:10

Boditigoa bokɛkɛ adoe ai wɛ. Yɛ bobanga ko. Hokeani; Satana akɛkɛ adumbe bakina banu a blɔkɔ a bomeka no, na ôdani na monɔngɔ masu domi. Da ko na lingbangba oko a bogwa, na mbi nâpa wɛ likongo libomɔ.

Bafilipoi 1:28

T’obangeni oko soki jinu nongo mweka. Mojɔ mu modi embete ai bo a mojɔ mobokwa bobu, na a mojɔ moboheleja bonu bua bohulaka ai Njambe.

Bikɔmɛli 21:11

Iyo atomba kamba ePaulo, na amokanda mɔmɔ na mako. Abala bo, Mwembo Mosɛnɔke mobalaka bo BaYuda badi bokanda moswa okamba ye mbɔci boa a Yelusalema, na bâmopa a mɔmɔ mabapakano.