1 Batɛsalɔnike 2:13 - Nouveau Testament en Ngombe 1961

¹³ Yana asɔ no bwɛnji ai so, oko Ebaeli eNjambe, oesɔni o Ebaeli eNjambe mɛnɛ, te ebaeli ebato. Iso bosakoaka Njambe bihole bisusu a mojɔ momina. Mojɔ bo edi Ebaeli eNjambe soti, yena ekɔkɔ elomu a tei enu baya bajimaka.

1 Batɛsalɔnike 2:13 Referans Kwoze

Baebele 4:12

Mojɔ bo, Ebaeli eNjambe edi mɔ, edi na ndangasa, na enɔi ambombo na bopɔlu. Ekwɛlɛkɛ moto a bobɔteja molema na mwembo, na mongi na libɔngɔ; na esambejaka malɛ na mikano mimolema.

Baloma 10:17

Oko boa bato bamiti ka, batada na ejimeli, na badi boka oko na Mwako Mopele moMasiya.

1 Pɛtɛlo 1:23

Obotamani koko na bobotama bobomɔ, te nongo na bobotama bobogwa, oko na ebaeli eNjambe yena edi mɔ, yena eyeyoaka oko na bosusu.

1 Pɛtɛlo 1:25

Ebaeli eNjambe ko eyeyoaka oko na bosusu. Ebaeli emina edi oko Mwako Mopele mua motɔndɔmɔ ai no.

1 Pɛtɛlo 2:2

Adi no bana baya bapakiti botama, kwani posa enu edae a mabɛ masɛnɔke mamwembo, bo okandoeni a mojɔ mobohela,

Luka 11:28

Yesu ko abala bo, Badi na bojongoa soti oko baya ba’kaka na basumaka Ebaeli eNjambe.

Bikɔmɛli 13:48

Bapakano basepa yana aka bo mojɔ momina, na bakumeja Ebaeli eKumu. Na basusu bajima baya bama hɔmɔ a mojɔ mobomɔ bua bodi oko na bosusu.

1 Yoane 3:3

Moto na moto yona odi na njingo emina ai yo, asasɛnojaka o adi yo mosɛnɔke.

Bagalata 4:14

Na osɔni mbi o obwɛnji oNjambe, o Yesu Masiya yo mɛnɛ. Oilonani mbi; oisɛtojani mbi nongo adaka no na jeti a mojɔ momokuku mombi.

2 Bakolinto 3:18

Iso basusu, maso masu a bohu, bonjaka ekumu eKumu, o anjaka so a talatala, na bokindoaka a elimo ende. Bokinaka ekumu emɔci a bosɔ ekumu etongo; mojɔ momina mocingi oko na Kumu yona odi Mwembo.

Bikɔmɛli 17:11

BaYuda bamina badaka na ekɔmɛli epele mɛnɛ, te nongo na yena eBaYuda baTɛsalɔnike. Babokea Mwako Mopele na posa enɛnɛ, na balanga Mokanda moNjambe busa na busa a bojeba isa ngando jimina jidi boa soti.

Bakɔlɔsai 1:6

Mwako momina momea ai no, mojɔ bo monanganaka a ngondo esusu. Mobotaka mbuma na mokɛkɛ bohɛ; modi oko boa a tei enu pongono, banga na busa boka no, na bojeba no, cina emonganji moNjambe na soti.

Luka 8:21

Iyo asɔmbeja bo, Ngwa’mbi na banangwa ’mbi badi oko baya bahokeaka na basumaka Ebaeli eNjambe.

Yoane 17:19

Mbi nasabɛngɛkɛ ai wɛ a mojɔ mobu, bo bahɛngɛme ai wɛ na soti.

Matayo 10:40

Moto akasɔ no, asɔkɔ mbi; na yona osɔkɔ mbi, asɔkɔ yona olomani.

Yoane 17:17

Ekenge ewɛ edi Soti. Hɛngɛ bo ai wɛ oko na Soti ewɛ.

Yoane 15:3

Ino odini na bosɛnɔ edɛye a mojɔ moekenge ebali mbi na nu.

Luka 8:11

Gina emondɛ oko ye; ngua jidi Ebaeli eNjambe.

Matayo 10:20

Mwembo moSangwa’nu a tei enu modi bobala, te no bɛnɛ.

Mokanda Momibae Mosɔnɔ Pɛtɛlo - 2PE 3:2

bo otabosani mijɔ Mibala batɔndɔi basɛnɔke eyou, na mobeko moKumu na Moheleja mosɔ no ai babwɛnji banu.

Yakobo 1:18

Iyo abota so na ebaeli esoti, oko a mojɔ mobolulea bonde mɛnɛ, bo bodae o mbuma jiboso jibato bande.

Bikɔmɛli 17:32

Yana aka bo mojɔ mobongɔ bobagwake, bakina basɛkɛ oko bosɛkɛ. Batongo ko babala bo, Bodi boka wɛ koko a mojɔ momina.

Bikɔmɛli 16:14

Okina obu adaka mwali ongando kombe Twatila, kombe ende mɛnɛ Ludia. Iyo akɔkɔ bwasa na bisenja bikpetu bibobuno bonɛnɛ. Adaka mosakoi oNjambe, na ahokea so. Kumu adipoa molema monde ho alɛe mijɔ mibalaka Paulo.

Bikɔmɛli 10:33

Oko boa mbi nalomejabi wɛ bokpa, na adoi wɛ, okɔi mojɔ mopele. Edɛye so basusu bodi ya a boso boNjambe, a boka ngando jisusu jisi wɛ ai Njambe, bo obale na su.

Bikɔmɛli 2:41

Oko boa baya bajima mwako monde babatisama. Busa bomina, etango ebacingami ehɛ na bato koto jisato.

Bikɔmɛli 8:14

Yana aka babwɛnji a Yelusalema bo bato baSamalia basɔ Ebaeli eNjambe, babalomea Pɛtɛlo na Yoane.

Luka 5:1

Yana adaka Yesu a mbongu elibale liGenesaleta, bato banɛnɛ bamohika a boka mwako moNjambe.

Baebele 4:2

Mojɔ bo iso boki koko Mwako Mopele, o ama bo ka. Bwɛnji ko boka bo bonama oko bonama, ema bo baya baka bwɛnji baibosɔ na ejimeli.