1 Batɛsalɔnike 2:12 - Nouveau Testament en Ngombe 1961

¹² bo okumejaeni Njambe na mida minu, oko Njambe yona obea no a Bokumu bonde na ekumu ende.

1 Batɛsalɔnike 2:12 Referans Kwoze

Baɛpɛsɔ 4:1

Oko boa, mbi lisungu liMasiya, nangɔɔnɔkɔ no bo odaeni na mida mia Mibwani na bobea bobeama na nu,

1 Yoane 2:6

Moto yona obalaka bo adi a tei ende abwani bodala a njea edalaka yo.

1 Batɛsalɔnike 4:12

Oko boa, bato bangondo badi bonɛ ekɔmɛli enu epele, na otadani nongo na taka.

1 Pɛtɛlo 5:10

Omaka dingoani ekina ehole, Njambe yona odi na monganji mosusu, yona obea no a tei eMasiya a ekumu ende yena etasia, adi bobɔngeja no yo mɛnɛ, adi bopingeja na bombilimeja no.

1 Batɛsalɔnike 5:24

Iyona obea no atakputoja sako, na yo adi hokɔ.

Bakɔlɔsai 1:10

bo odaeni na mida mia midi bokumeja kombe eKumu, mia midi bomosepeja na soti, na bo oboteni mbuma a tei ebilomu bisusu bipele, na bo ohɛeni na ejebeli eNjambe.

Baɛpɛsɔ 5:8

Odakani bosoboso modidi; e dɛye ko odini bohu atei eKumu; oko boa, toma dani na bikɔmɛli bibana babohu.

1 Pɛtɛlo 2:9

Ino ko odini mbota ehɔmɔke, nganga babokumu, likota lihɛngɛmɛke, bato baNjambe, bo onejaeni bilomu bipele binde yona obea no bo omaneni a modidi, a boda a bohu bonde bua bodi mojɔ mobokamoa.

1 Batɛsalɔnike 4:1

Mojɔ motongo baninga; okoanani na su ekɔmɛli yena ebwani na nu a bosepeja Njambe. Oko boa bongɔɔnɔkɔ no, na bolehaka no e dɛye a kombe eKumu Yesu, bo odaeni na ekɔmɛli emina. Okɔkɔni boa; endele ko, toma nɔjɔni mwɛngi momina.

Bakɔlɔsai 2:6

Oko boa, ami no sɔ Kumu Yesu Masiya, toma dalani a tei ende oko boa.

Baɛpɛsɔ 5:2

Dani na ngɛnjɔ o O adaka Masiya na ngɛnjɔ ai so, na asapa ai Njambe a mojɔ mosu, epeeli eso epele elitindi na lisiko.

Bagalata 5:16

Mbi nabalaka bo, Sumakani Mwembo bo otagbokani na posa jimokuku.

1 Bakolinto 1:9

Njambe atakputoja nongo sako ende. Edi oko yo, yona obea no a bokatana na Mwana’nde Yesu Masiya Kumu osu.

Bafilipoi 1:27

Ino ko, toma dani na ekɔmɛli yena ebwani na Mwako Mopele moMasiya. Oko boa, nongo nakadoa a bo’nɛnɛ na nu, isa nakadika ya, nadi boka mwako monu, bo odini bambilimake na molema momɔci, a bo’na o moto omɔci a mojɔ moejimeli eMwako Mopele.

1 Pɛtɛlo 3:9

Bakakɔ no bobe, t’osɔnibejaeni oko bobe; bakalolea no, Tosɔnibejaeni oko na biloli. Sɔmbejani oko na bojongoa. Obeamani bo okɔeni boa, bo osangoeni bojongoa.

2 Timoteo 1:9

Iyo abohelejai na abobei a elomu esɛnɔke, te a mojɔ mobilomu bisu bɛnɛ, oko a mojɔ momokano monde mɛnɛ, na monganji monde mopa yo so a tei eMasiya Yesu oko a libangake mɛnɛ.

Baloma 8:28

Bato bakapala Njambe, bakabeama na mokano monde, ngando jisusu jikɔkɔ yo jidi a mojɔ mobopele bobu.

Baloma 8:30

Abahɛngɛ oko a mojɔ momina, na ahabea. Ababea na abalongeja. Abalongeja na abakumeja.

2 Bakolinto 4:6

Mojɔ bo, Njambeyona obala bo, Kma bohu bohoe a tei emodidi, ahojai milema misu bohu mɛnɛ, bo apɛ bohu boejebeli eekumu eNjambe a boso boMasiya.

2 Batɛsalɔnike 1:10

yana âdoa yo, bo basɛnɔke bande bamokumejae, na bato basusu baya bajimaka bakamoe a busa bomina (cina bo ojimani tati esu a tei enu).

Mokanda Momibae Mosɔnɔ Pɛtɛlo - 2PE 1:3

Njambe, na ngulu ende, abopi bipeeli bisusu bia bibwani na mohelo na ejimeli, cina eejebeli ende yona obea so a ekumu ende na bosɛnɔ bonde.

3 Yoane 1:6

Ibo batati tati a mojɔ mongɛnjɔ ewɛ a boso boDenga. Bopele bo obakɔmejae a mɔngɔ mobu; mojɔ momina mobwani na elomu eNjambe.