1 Batɛsalɔnike 1:5 - Nouveau Testament en Ngombe 1961

⁵ Mwako Mopele mosu moidoa ai no na kɔpi pɛ; modoa na ngulu, na Mwembo Mosɛnɔke, na ejimeli enɛnɛ. Ojebakani ekɔmɛli yena edaka na su a tei enu a mojɔ monu.

1 Batɛsalɔnike 1:5 Referans Kwoze

Malako 16:20

Ibo ko bakɛ, na batɔndɔ Mwako Mopele a bisika bisusu. Kumu abakɔmeja a elomu, na angameja Ebaeli na bimbete bia bidaka bicingi na Ebaeli.

1 Batɛsalɔnike 2:13

Yana asɔ no bwɛnji ai so, oko Ebaeli eNjambe, oesɔni o Ebaeli eNjambe mɛnɛ, te ebaeli ebato. Iso bosakoaka Njambe bihole bisusu a mojɔ momina. Mojɔ bo edi Ebaeli eNjambe soti, yena ekɔkɔ elomu a tei enu baya bajimaka.

1 Pɛtɛlo 1:12

Mojɔ moboloa ko ai bo, bo ngando jisɔkɔ bo jidaka a mojɔ monu, te nongo a mojɔ mobu bɛnɛ. Na bato baya batɔndɔki no Mwako Mopele na ngulu eMwembo Mosɛnɔke mua mohula Diko, babolojai ngando jimina ai no. Babwɛnji-baDiko badi koko na posa bo bacingee ngando jimina.

2 Batɛsalɔnike 2:14

Iyo abea no na Mwako Mopele mosu oko a mojɔ momina, bo osɛni ekumu eKumu osu Yesu Masiya.

Bakɔlɔsai 2:2

Nakɔkɔ boa bo Inilema Mibu mihɛe na eci o akatanaka ho na epaeli, na bo babɔnge a mojɔ mobowɛi bosoti a bocingea mojɔ mobombamake moNjambe, oko Masiya.

1 Bakolinto 4:20

Mojɔ bo Bokumu boNjambe bodi mojɔ mongulu, te bibaeli.

Baɛpɛsɔ 3:20

E dɛye, ekumu ai yo yona obwani bokɔ ngando jisusu jia jinɔi mijɔ misusu mingaka so, na milɛkɛ so bou mɛnɛ, cina engulu yena ekɔkɔ a tei esu,

Baloma 1:16

Mbi naditi nongo na sɔni a mojɔ moMwako Mopele, mojɔ bo modi ngulu eNjambe a boheleja moto na moto yona ojimaka, MoYuda boso, na MoEla pongono.

Bikɔmɛli 11:21

Ebɔ eKumu edaka na bu; bato banɛnɛ bajima na bahekoa ai Kumu.

2 Timoteo 2:10

Na mbi nahɔnɔkɔ ngando ji jisusu a mojɔ moBahɔmɔke, ho ’bo pongono basɛ mohelo mua modi ai Masiya Yesu, na ekumu yena edi na hosusu.

2 Timoteo 2:8

Kina bolɛ bowɛ bodae ai Yesu Masiya ombota eDawidi yona ongɔ a bogwa; Mwako Mopele mombi oko mu.

Bafilipoi 4:9

Kɔni ngando jikoa no na jisɔ no ai mbi, ngando ji’ka no na jinɛ no na mbi; na Njambe obowi âda na nu.

Mokanda Momibae Mosɔnɔ Pɛtɛlo - 2PE 1:10

Oko boa baninga, dani na bingi a bongameja bobea bonu na bohɔ bonu. Okakɔni boa otasakani nongo libaku.

1 Pɛtɛlo 1:3

Ekumu ai Njambe Sange ’Kumu osu Yesu Masiya. Edi oko a mojɔ momonganji monde monɛnɛ bo so bobotama koko a boda na njingo ebomɔ, ema ebongɔ boYesu Masiya a bogwa,

Baebele 6:11

Posa esu edi bo moto na moto a tei enu adae na bingi a bobanea tɛndɛ ende esusu oko a suka mɛnɛ.

Bafilipoi 2:13

Mojɔ bo Njambe yo mɛnɛ akɔkɔ elomu ende a tei enu, bo opaleni na okɔeni bolulea bonde bopele.

Baɛpɛsɔ 2:10

Mojɔ bo ’so bodi elomu ekɔkɔ Njambe; boyoama a tei eMasiya a mojɔ mobilomu bipele, na Njambe abisɛlingoa eyou bo bokɔe bilomu bimina. Bokatana a tei eMasiya

Bagalata 5:5

Mojɔ bo njingo elilonga lisu edi oko na Mwembo, na licingi oko na ejimeli.

Bagalata 2:2

Mbi nakɛ mojɔ bo Njambe aboloja mokina mojɔ ai mbi, na nabalakea Mwako Mopele motɔndɔkɔ mbi a tei ebapakano. Nakɔ boa oko na basuku bakpaci pɛ, te na bato batongo, bo najebe isa njea ema mbi susa na yena esusaka mbi e dɛye ebɔngi.

2 Bakolinto 3:6

yona obɔngeja so bo bodae bakɔmɛli baMokongo Moyene, bakɔmɛli baMwembo, te nongo bakɔmɛli babi-kenge bia bisɔnɔmɔ; mojɔ bo, mibeko mia misɔnɔmɔ miwaka oko bowa; Mwembo ko mopaka bomɔ.

1 Bakolinto 10:33

Mbi mɛnɛ nakengaka bosepeja bato basusu na ngando jisusu jikɔkɔ mbi, bo bahele; te nakɔke a mojɔ mombi mɛnɛ, oko a mojɔ mobato batongo banɛnɛ.

1 Bakolinto 3:16

Ino otajebakani bo odini tempelo eNjambe, na bo Mwembo moNjambe modi a tei enu?

1 Bakolinto 3:6

Mbi na’na ngua; Apolo amɛsɛ madiba; edi Njambe ko yona otɔjɔ ngua.

1 Bakolinto 1:24

Endele ko, Masiya adi ngulu eNjambe, na bowɛi boNjambe, ai bato baya babeama, isa BaYuda isa BaEla.

Baloma 2:16

Mojɔ mu modabi bohu a busa bosambejabí Njambe mijɔ mibombamake mibato, oko na Masiya Yesu; mwako mombi modi oko boa.

Bikɔmɛli 16:14

Okina obu adaka mwali ongando kombe Twatila, kombe ende mɛnɛ Ludia. Iyo akɔkɔ bwasa na bisenja bikpetu bibobuno bonɛnɛ. Adaka mosakoi oNjambe, na ahokea so. Kumu adipoa molema monde ho alɛe mijɔ mibalaka Paulo.

Bikɔmɛli 2:33

Oko boa, adi yo na ekumu a dɔngɔ diebɔ ebami eNjambe, na asi yo Mwembo Mosɛnɔke ai Sango, o akina yo sako, amosopi ai so, o anɛkɛ no na akaka no.

Mokanda Momibae Mosɔnɔ Pɛtɛlo - 2PE 1:19

Na bojebaka bo ebaeli ebatɔndɔi edi ebaeli esoti. Ino obwanini bohokea ebaeli emina. Edi o paka yena ehojaka esika emodidi, oko a ehole ehoaka busa na emanaka monjɔtɔ mokembe a milema minu.

1 Pɛtɛlo 5:3

Adi no na libondo libato a bobanea, pɛ bosakumejani a boso bobu. Anejani ekoaneli epele ai bwela bosusui

Baebele 10:22

bobwani bobatama na molema mosoti na ejimeli enɛnɛ, pɛpɛ kitɛ, na milema misu mibɔtɔnɔke na ejebeli ebobe, na mikuku misu misosamake na madiba mapele.

Luka 1:1

Bato banɛnɛ batomba bosɔnɔ mikanda a mojɔ mongando jia jikwa a tei esu,

Baloma 15:13

Yɛ Njambe onjingo alumejae no na sepi na bowi a ejimeli enu, bo njingo enu enɛnge a mojɔ mongulu eMwembo Mosɛnɔke.

1 Bakolinto 9:14

Oko boa, Kumu abekea bo baya batɔndɔkɔ Mwako Mopele badi bosɔ libondo libu lileka a mojɔ moMwako Mopele.