Yohana 8:43 - Chimpoto

⁴³ Bho, mbona ngachemughamanya aghagha ghanumpwaghila? Nde kwa kubha mwehapa ngachempala kughajowanela mabholu ghangu.

Yohana 8:43 Referans Kwoze

Yohana 5:43

Nepani nhikiki kwa lujiniku lwa Atati wangu, wala mabhanganya ngachemnyopalela, jongi anahikiki kwa lihina laki mwene, anamunjopalya jonihoju.

Yohana 7:17

Mundu anaapaliki kughahenga mapalu ghaka Chapanga, anaamanyaje kubha mabholu ghangu ghahuma kwaka Chapanga, au nepani nongela kwa ndandi jangu namwete.

Matendu 7:51

“Mwenga mwemnonwipi hingo! Mitima na makutu ghinu ghabhi ngati gha bhandu bhangakummanya Chapanga. Mabhanganya ngati akahoko bhinu. Machobha ghokapi mumpenga Roho Mhuhu.

Yohana 6:60

Bhela bhandu bhamaheli pachilanda ja bhabhulwa bhaki pabhakajowini lijambu leniheli, bhakapwaghike, “Mambu aghagha nde ghanonwipe, bho, mundu bholi joaweza kughajowanela?”

Yohana 8:27

Wala ngachebhamanyi kubha akabhi abhapwaghila panani jaka Chapanga Atati wake.

Bhalumi 3:11

Njeta hata mundu jumu joabhi na mbulau, wala njeta hata jumu joandonda Chapanga.

Matayo 13:15

Maghambu mitima ja bhandu bhanihabha jitehi kunonopa, bhaghahibhiki makutu ghabhu, bhaghahibhiki mihu ghabhu. Nanga bhela, bhakabya bhaloliki kwa mihu ghabhu, bhakabya bhajowini kwa makutu ghabhu, bhakabya bhamanyi kwa malangu ghabhu, na kuning'anambukila, na nenga nakabya nabhalamihe.’

Yohana 5:25

Chakaka, numpwaghila, lisaa lihika, na sajenu libhile, bhakuwa pabhijowanaje sauti jaka Mwana waka Chapanga, na bhala bhabhijowanaje anabhakubha bhome.

Yohana 8:33

Bhakamuyangike, “Tepani tubhi lubheleku lwaka Ibulahimu, wala ngachetubhi bhatumwa bhaka mundu jokapi jola. Bho, uweza bhole kupwagha kubha, ‘Anambya kulijeka?’ ”

Yohana 8:39

Bhakayangike, “Atati witu nde Ibulahimu!” Yesu akabhapwaghile, “Ngati mkabhi bhana bhaka Ibulahimu, mkabya mughahengiki mahengu ghala ghaakahengiki Ibulahimu.”