Uyekuliku 2:1 - Chimpoto

¹ “Kwaka mtumika wa kunani kumahunde wa ku likanisa la ku Efeso ulembaje ana: “Ghangani nde malobhi ghaalongela jola joakaikamwi ndondwa saba mu chiwoku chaki cha kumalelelu, na jola joajenda pachilanda ja inala saba ya taa ya zahabu.

Uyekuliku 2:1 Referans Kwoze

Uyekuliku 1:20

Jenjenu nde ndandi ja ndondwa saba yeukaiweni mu chiwoku changu cha kumalelelu, na inala saba ya zahabu yela: Ndondwa saba yela nde bhatumika saba bha makanisa saba ghala, na inala saba yela nde makanisa saba.

Uyekuliku 1:16

Mu chiwoku chaki cha kumalelelu akakamwi ndondwa saba na mundomu waki lakapitiki lipanga likali, lelitema koni na koni. Pamihu jaki pakabhi pang'anya ngati lyobha likali la muhe.

Uyekuliku 3:14

“Kwaka mtumika wa kunani kumahunde wa ku likanisa la ku Laodikia ulembaje ana: “Ghangani nde malobhi ghaki jombi joabhi Amina, mlandilu ndongwana na wa chakaka, jombi nde utumbulilu wa hindu yokapi yeabhombiki Chapanga.

Uyekuliku 3:7

“Kwaka mtumika wa kunani kumahunde wa ku likanisa la ku Filadefia ulembaje ana: “Ghangani nde malobhi ghaki jombi joabhi mhuhu na joabhi wa chakaka na joabhi na ufunguo waka Daude na pahoghola ndyangu njeta mundu joaweza kujighila na pajighila ndyangu njeta mundu joaweza kuhoghola.

Uyekuliku 3:1

“Kwaka mtumika wa kunani kumahunde wa ku likanisa la ku Sadi ulembaje ana: “Ghangani nde malobhi ghaki jombi joabhi na Roho saba yaka Chapanga na ndondwa saba. Naghamanyi matendu ghaku, manyi kubha ubhi na lihina la kubha mwome, nambu upotile!

Uyekuliku 2:18

“Kwaka mtumika wa kunani kumahunde wa ku likanisa la ku Tiatila ulembaje ana: “Ghangani nde malobhi ghaka Mwana waka Chapanga, ambaju mihu ghaki ghakabhi ngati lumuli lwa moto na magholu ghaghang'anya ngati shaba jejihingakiki nakanope.

Uyekuliku 2:12

“Kwaka mtumika wa kunani kumahunde wa ku likanisa la ku Peligamo ulembaje ana: “Ghangani nde malobhi ghaka jombi joabhi na lipanga likali, lelitema koni na koni.

Uyekuliku 2:8

“Kwaka mtumika wa kunani kumahunde wa ku likanisa la ku Similina ulembaje ana: “Ghangani nde malobhi ghaki jombi joabhi wa kutumbula na wa kujomukela, joakabhi apotili, na kuhyoka kubha mwomi.

Matayo 18:20

Maghambu pokapi pala pabhahimangana bhandu bhabheli au bhatatu kwa lihina langu, nepani mili panihapa pachilanda jabhu.”

Yohana 5:35

Yohana akabhi ngati taa jejibhelela na kung'anya, nanamu mkahawi kuuhekalela unang'anu waki kwa chikahi.

Uyekuliku 12:1

Bhela, nginyulila ngolongwa jakabhonakini kunani kumahunde. Pakabhili na mbomba joawatikwi lyobha, na mwehi ukabhi pahi ja magholu ghaki na litaji la ndondwa komi na ibheli lakabhi pamutu jaki.

Matayo 28:20

Mubhabhola kukamula mambu ghokapi ghanundaghalaki mwehapa. Na lingalyaje, nepani mili papamu na mwehapa machobha ghokapi, mbaka ujomukelu wa chikahi.”

Matendu 18:19

Bhakahikiki ku Efeso, konihoku Paulo akabhalekiki Plisila na Akila. Mweni akapiti kujingila munyumba ja kuhimangani Bhayahude na kulongalane na Bhayahude.

Matendu 18:21

Nambu paakabhi abhoka, akapwaghike, “Ngati Chapanga anapalike ananhika kabheti kwinu.” Akabhokiki ku Efeso kwa sitima.

Matendu 19:1

Chikahi Apolo paakabhi ku Kolinso, Paulo akajendali na mwanja waki kupetela inchi ya kundonda na akahiki ku Efeso. Konihoku akabhahimani bhabhulwa bhakumu,

2 Bhakolinso 6:16

Bho, kubhi na majonganu bholi pachilanda ja Nyumba jaka Chapanga na imong'umong'u? Kwa ndandi tepani nde Nyumba jaka Chapanga joabhi mwome. Ngati Chapanga moakapwaghile, “Anandamaje mkati jabhu, na pachilanda jabhu ananyendaje, nanatu anangubha Chapanga wabhu, na bhombi anabhakubha bhandu bhangu.”