Matendu 16:8 - Chimpoto

⁸ Bhela bhakapetiki ku mkoa wa ku Misia na kujenda ku Tiloa.

Matendu 16:8 Referans Kwoze

2 Timoseo 4:13

Pawihikaje unetilaje likoti langu lenililekiki kwaka Kuplo kola ku Tiloa, na bhelabhela unetila hitabu, nakanopi hitabu yela yeilenganakiki kwa chingokolu.

2 Bhakolinso 2:12

Bhela panakahikiki ku Tiloa kwa ndandi ja kutangaza Malobhi Manyahi ghaka Kristo, nakuhimanili ndyangu uhoghuliwi lipala kwa ndandi ja lihengu laka Bambo.

Matendu 20:5

Bhanganya habha bhakatulongulili na kujenda kutulendale ku Tiloa.

Matendu 16:11

Kuhuma ku Tiloa tukalombwiki kwa sitima mbaka ku Samosilake, na lichobha lelijengalyaje tukalombwiki ku Neapoli.

Matendu 16:7

Pabhahiki mu malindakanilu gha Misia, bhakalengiki kujenda ku inchi ja Bisinia, nambu Roho waka Yesu ngacheabhajetakile.

Matendu 20:6

Pawapetiki uwangalalu wa kula Mikati Jangakujeghaleka Amila, tukakweliki sitima kuhuma ku Filipi na lichobha la kahanu tukahimangini nabhu ku Tiloa, konihoku tukatami kwa machobha saba.