Bhafilipi 1:1 - Chimpoto

¹ Nepani Paulo na Timoseo, bhatumika bhaka Yesu Kristo: Tundembela mwehapa mabhandu bhaka Chapanga mwembi ku Filipi hoku ambabhu ndombini na Kristo Yesu, papamu na ihongozi na bhajangatila bha likanisa:

Bhafilipi 1:1 Referans Kwoze

2 Bhakolinso 1:1

Nepani Paulo, mtumi waka Kristo Yesu kwa mapalu ghaka Chapanga na Timoseo ndongu witu, tundamukila. Tundembela mwehapa likanisa laka Chapanga lelibhi ku Kolinso, papamu na bhahuhu bhokapi bhabhabhili ku inchi ja ku Akaya.

Bhalumi 1:1

Nepani Paulo, mtumika waka Yesu Kristo, joakalowakiki kubha mtumi, na kutengakeka kwa ndandi ja kutangaza Malobhi Manyahi ghaka Chapanga.

Titu 1:1

Nepani Paulo, mtumika waka Chapanga, na mtumi waka Yesu Kristo. Nhaghuliki na kutumakika kubhachenga uhobhalelu bhandu bhabhahaghuliki na Chapanga, na kubhalongowa bhaumanya uchakaka wa kutama ngati moapali Chapanga.

1 Timoseo 3:8

Bhelabhela bhajangatila mu likanisa bhapalika bhabyaje bhandu bhabhabhi na luhomu lwambone, ngabhikubha akandumila kubheli, ngabhikubha bhandu bhabhalobhela uwembi, wala ngabhikubha bhandu bhabhalipati mbija kwa indela ihakau,

2 Bhasesalonike 1:1

Nepani Paulo, na Silivano na Timoseo. Tundembela likanisa la ku Sesalonike, mwembi muka Chapanga Atati witu na Bambo Yesu Kristo.

1 Bhasesalonike 1:1

Nepani Paulo, Silivano na Timoseo: Tundembela likanisa la ku Sesalonike, ambalu nde bhandu bhaka Chapanga Atati na bhaka Bambo Yesu Kristo. Tundobhela chihomu na lukwale.

Bhaefeso 1:1

Nepani Paulo, mtumi waka Yesu Kristo kwa mapalu ghaka Chapanga. Nundembela mwehapa bhandu bhaka Chapanga mwembi ku Efeso huko, mwembi bhalongwana mu kulombana na Kristo Yesu.

Bhalumi 1:7

Bhela, nundembela mabhokapi mwembi ku Loma, mwempalakiki na Chapanga, na kulowakeka kubha bhahuhu bhaki. Chihomu na chibya kwinu, na lukwali loluhuma kwaka Chapanga Atati witu, na kwaka Bambo Yesu Kristo.

2 Petulu 1:1

Nepani Simoni Petulu, mtumika na mtumi waka Yesu Kristo. Nundembela mwenga ambabhu kwa wamboni waki Chapanga witu na Mkengalela Yesu Kristo, mpekiwi uhobhalelu gholaghola wa samani nakanopi ngati ghotupekiwi tepani.

Yakobo 1:1

Nepani Yakobo, mtumika waka Chapanga na waka Bambo Yesu Kristo. Nundamukila mwehapa makabila komi na ghabheli ghaghapechangini pundema.

1 Timoseo 1:2

Nukulembe wa Timoseo, mwanangu wa chakaka mu uhobhalelu. Nukulobhe chihomu, chiha na lukwali, yeihuma kwaka Chapanga Atati witu na Yesu Kristo Bambo witu.

Matendu 20:28

Mulilingalya mabhete na mlilenda lipogha lokapi ambalu Roho Mhuhu ambekiki mabhanganya kubha bhajemalela bhaki. Mulighoha likanisa laka Chapanga lealihemile kwa mwahi waka Mwana waki.

Uyekuliku 1:1

Ghongoni nde uyekuliku waka Yesu Kristo, ghoakapekiwi na Chapanga nahuli abhalangihaje bhatumika bhaki ghala ghaghipitalyaje henu kateki. Kristo akuntumiki mtumika waki wa kunani kumahunde ampwaghila mtumika waki Yohana mambu ghanihagha.

Yuda 1:1

Nepani Yuda, mtumika waka Yesu Kristo na ndongu waka Yakobo. Nundembe mwehapa mwendowakiki na Chapanga na ambabhu mpalakiki na Chapanga Atati na kubhekakeka lukwale mkati jaka Yesu Kristo.

1 Petulu 2:25

Mwanganya mkabhili ngati mambeleli ghaghabhili ghahobhiki, nambu sajeno munkelabhukili Mdima na Mlenda wa roho hino.

Titu 1:7

Ndandi chiongozi wa likanisa nde njemalela wa lihengu laka Chapanga, apalika kubha mundu jwangakulongalewa na bhandu liyaha. Ngaikubha mundu joalibhona, ngaikubha joabhi na hinyela ya manyata, ngaikubha joalobhela uwembi, ngaikubha joabhi na milomu, ngaikubha mundu joalipati mbija kwa indela ihakau.

Bhaebulania 13:23

Mmanyaje kubha ndongu witu Timoseo abhopuliwi kuhuma muchifungo. Na ngati anahikiki pambani manyata, ananhika naku konihoku kumbona.

2 Bhasesalonike 1:10

chikahi panaahikaje Lichobha lela la kujopalela ulumbalilu kuhuma kwa bhandu bhaki na utopelu kuhuma kwa bhokapi bhabhunhobhalela. Mwehapa nanamu anamkubha papamu nabhu, kwa ndandi muuhobhalili ulandilu ghotundetile.

1 Bhasesalonike 2:2

Mmanya ntundu mobhakatung'akile na kututondola ku muchi wa Filipi kola mangani ja kuhika kwinu ku Sesalonike. Hata ngati kukabhi na upenganu wamaheli, Chapanga witu akatupekihi ukangamalu wa kuntangazila Malobhi Manyahi ghake.

Bhaefeso 1:15

Kwa ndandi jeniheji, kutumbu panajowini panani ja uhobhalelu winu muka Bambo Yesu, na upalu winu kwa bhandu bhokapi bhaka Chapanga,

1 Bhakolinso 16:10

Nambu, Timoseo anahikike, ndingalyaje impalika atama kwinu panga na choghohi, kwa ndandi najombi ahenga lihengu laka Bambo bhelabhela ngati monhenge nepani.

Uyekuliku 19:10

Panihapa, nakachikimi na kujinama ukutama palongi ja magholu ghaki nahuli kunjojabhela, nambu akambwaghile, “Lingalyaje! Ngawihenga bhenibhela! Nepani nde mtumika pela ngati wehapa na bhalongu bhako, tabhokapi tundandi Yesu. Unjojabyaje Chapanga!” Ndandi bhandu bhabhalandila malobhi ghaka Yesu bhalonguheka na Roho ja ulota.

Matendu 9:13

Nambu Anania akamuyangike, “Bambo, naghajowini mambu ghaka mundu jonihoju kuhuma kwa bhandu bhamahele, nyowini panani ja mahakau ghabhahengi bhandu bhaku bha ku Yelusalemu.

Yohana 12:26

Mundu jokapi joapala kundumakila, impalika anyengalyaje, na nepani pamili, panihapa nde na mtumika wangu payibyaje. Kabheti mundu jokapi joandumakila nepani, Atati wangu anaampekya utopelu.

Mako 13:34

Kwibya ngati mundu joabhoka panyumba kutumbu mwanja akabhalekila bhatumika bhaki kujilingalila, kila mundu na lihengu laki na kumpwaghi mlonda wa ndyangu akubha mihu.

Uyekuliku 22:9

Nambu jombi akambwaghile, “Lingalyaje, ngawihenga bhenibhela! Nepani nde mtumika pela ngati wehapa na bhalongu bhaku bhalota na bhokapi bhabhaghakamu malobhi gha chitabu chenu. Unjojabya Chapanga!”

Uyekuliku 2:12

“Kwaka mtumika wa kunani kumahunde wa ku likanisa la ku Peligamo ulembaje ana: “Ghangani nde malobhi ghaka jombi joabhi na lipanga likali, lelitema koni na koni.

Uyekuliku 2:8

“Kwaka mtumika wa kunani kumahunde wa ku likanisa la ku Similina ulembaje ana: “Ghangani nde malobhi ghaki jombi joabhi wa kutumbula na wa kujomukela, joakabhi apotili, na kuhyoka kubha mwomi.

Uyekuliku 1:20

Jenjenu nde ndandi ja ndondwa saba yeukaiweni mu chiwoku changu cha kumalelelu, na inala saba ya zahabu yela: Ndondwa saba yela nde bhatumika saba bha makanisa saba ghala, na inala saba yela nde makanisa saba.

Matendu 1:20

“Henu, ngati moilembakike mu chitabu cha Zabuli, ‘Matamu ghaki anaghahighalya ukebha, mundu jokapi ngaitama mkati jake.’ Kabheti ilembakiki, ‘Mundu jongi atola pandu paki pa lihengu.’

Bhagalatia 1:10

Bho, sajenu nepani mbala kujetakalewa na bhandu au na Chapanga? Au bho, mbala kubhahekeha bhandu? Ngati nakabhi nenga kubhahekeha bhandu, nganakabhi mtumika waka Kristo.

Bhagalatia 3:26

Kwa kubha mwehapa mabhokapi mbi mabhana bhaka Chapanga kwa indela ja uhobhalelu muka Kristo Yesu.

Bhagalatia 3:28

Bhela, njeta ulekanganu pachilanda jaka Myahude na Mgiliki, mtumwa wala mundu wa kulijeka, mkambaku wala mbomba. Maghambu mwehapa mabhokapi nde chindu chimu kwa kulombana na Kristo Yesu.

Bhaefeso 6:24

Chihomu chibyaje na bhokapi bhabhumpala Bambo witu Yesu Kristo kwa upalu wanga na ujomukelu. Amina.

Bhafilipi 2:5

Mbyaje na liholalelu lelalela mkati jinu, ambalu lakabhi mkati jaka Kristo Yesu.

Bhafilipi 2:19

Nhobhalela mu kulombana na Bambo Yesu nuntuma Timoseo kwinu henu kateki ahikaje konihoku, nahuli mbataje kujeghaleka mtima paninyowanaje malobhi ghinu.

Bhafilipi 3:3

Bhandu bhabhahekiti jando kwa chakaka nde tepani, nga bhombe, kwa ndandi tepani tunjojabhela Chapanga wa chakaka kwa indela ja Roho waki, na kubhona chiheku kwa kulombana na Kristo Yesu, wala ngachetubheka uhobhalelu witu kunja ja hyegha.

Bhafilipi 3:8

Ena, kabhete nga ghanihagha pena, naghabhalanga mambu ghokapi kubha nga chindu kwa ndandi ja unyahi wanga na chipemu cha kummanya Kristo Yesu, Bambo wangu, ambaju kwa ndandi jaki nepani naghaleki kutali mambu ghokape naghabhona ghanihagha ghokapi kubha nde uhakau kwa ndandi jaka Kristo,

Bhafilipi 3:12

Nga ngati kubha nyomwili kuhika, au nyomwili kubha mkamilifo, ngabhela! Nambu ngangamala nahuli mbataje chela ambachu kwa ndandi jaki, nepani ngamuliki na Kristo Yesu.

Filimone 1:1

Nepani Paulo, mkongeka kwa ndandi jaka Yesu Kristo, papamu na Timoseo ndongu witu, Tukulembe wa Filimoni umpalu witu, na muhenga lihengu papamu na tepani,