Yuda 1:24 - KILOMBENO KIHYA KIA NFUMWETU YESU KIDISITU

²⁴ Binobino kwadie euku kwinulama ku kukokola, na kwinutula ku mpala kwa ntumbo ye kushī kilema na muloo ukilekile,

Yuda 1:24 Referans Kwoze

Ii Temote 4:18

Na Nfumwetu akamañuna ku mifubo yoso yibi, akambombelesha mpaa na ku bufumu bwe bwa mwiilu; kwadi e kwikale ntumbo mpaa na ikala-ika. Amena.

Bena Efisesa 3:20

Binyibiabia kwadi e euku kukita bikilekile bioso bi bungibungi he biatuteka sunga nkutentekyesha, muyile bukome (bwe) abufubumwi’twe;

Bena Kolose 1:22

mu mbidi ye ya bu muntu, ku lufu, kwinulubula balamunwebakishila, na bashī batohekwe na bashī na bilema ku mpala kwe.

Bena Efisesa 5:27

Mwadia kwikīlubwila tankikoñeno kia ntumbo, kishī n’ebashi, sunga ndukanya, sunga nkimo kintu ki biabia; anka’shi, kikali kilamunwe-ki-kishila na kishi na matohe.

Ii Bena Kodinda 4:14

Hakwiuka’shi, yawa basangwile Nfumwetu Yesu, aketusangula n’atwe namu mu Yesu, aketulubula n’anwe hamune.

Kibafumulwe 14:5

Mukanwa mwabo tamusananwe madimi, ooo; tabe na kilema.

Bena Loma 8:31

A henyihaha mwatukyebela’nyi kwakwila ha bino bintu mwi kunyi? Su Efile-Mukulu e n’etu, aketuhishena n’etu a nanyi?

Mateo 16:27

Mwanda Mwan’a Muntu akafiki mu ntumbo ya Shye na bamwikeilu be; henyihaha akaha bwedi kwi muntu oso mulombene bikitshino bie.

I Petelo 4:13

anka sehelai bianwibabungilwe mu kufwambuka kwa Kidisitu’shi, hanakafumbulwe ntumbo ye, nwanakasehele na muloo ukilekile namu.

Ii Bena Kodinda 11:2

Mwanda nyi na mukao kwinwe, au winyi ngwa kw’Efile Mukulu; mwanda nahu kwinukumina kwi mulume umune’shi, mwandjia nkenulubwila bu kamame e selelee kwi Kidisitu.

Ii Bena Kodinda 4:17

Mwanda bishiotshi bietu mbihēle, nyi mbia kihindji kibelahela, abitukitshina bushito bwa ntumbo yikilekile bikambe ya ikala-ika.

Mateo 5:12

Sehelai, nusangala bikata, mwanda bwedi bwenu mbukata mwiilu, mwanda babadi abamweshe malwa batemuki anka biabia bababadidile kwibedi kwenu.

Bena Loma 14:4

A n’obe’nyi atshibila mufubi a mukwenu mwanda, e’mane kwi Nfumu e na mwinyi na kuhona namu mpamune. Binyibinyi akēmikishibwa: Mwanda Yehowa e na bukome bwa kumwīmikila.

Yuda 1:21

Nwilame mu kifulo ki’Efile Mukulu, na kutengyela lusa lwa Nfumwetu Yesu Kidisitu mpaa na ku muwa wa ikala-ika.

Bena Kolose 3:4

Ahakamweka Kidisitu e nyi muwa wetu, twambengye anwe namu anukamweka n’e mu ntumbo.

Bena Kolose 1:28

Nyi atulungwila, na kudimuna na kulambukisha muntu oso mu binangu bioso; biatudia kulubwila muntu ese mukumbane mu Kidisitu Yesu.

Luka 9:26

Mwanda ese ammwena būfu na bwa myanda yande kumune, Mwan’a Muntu namu anamumwene būfu hanakafikye mu ntumbo ye na mwinyi, na ya Nshye, na ya bamwikeilu balamunwe-bakishila.

Mateo 25:31

Ahakafiki Mwan’a Muntu mu ntumbo ye, na bamwikeilu boso balamunwe-be-kishila n’e, henyihaha akashala ha luhun’a nsulu lwa ntumbo ye:

Mateo 19:28

Yesu bebalungwile’shi: Binyibinyi nenulungula’shi: Anwe abandondo baba mwifuku dia kuhangilwadimo, ahakashala Mwan’a Muntu ha luhun’a nsulu lwe lwa ntumbo, anwe namu anukashala ha mpun’a nsulu ekumi na yibidi, anukatshibila myanda ya bisamba ekumi na bibidi bia bena Isalele.

Yakoba 2:10

Mwanda muntu ese akalama mukanda-wa-bishila ushima, su alemana mu kimune e ’muhishwe ku bioso.

Ii Petelo 1:10

Binyibiabia bakwetu, nukishekishe kwilundjila kwenu’shi, lwitamino lwenu na kusangudibwa kwenu bikale binyiñamane hoo; mwanda su anukitshi yino myanda tanukakokola sunga mpa kinyi sunga mpa kinyi, ooo,