Yoano 8:54 - KILOMBENO KIHYA KIA NFUMWETU YESU KIDISITU

⁵⁴ Yesu balulwile’shi: Su netumbisha ami na mwinyi, ntumbo yande ngia bisumanga: antumbishā n’Shami; winyi anutemuna’shi: ’Efile Mukulu etu.

Yoano 8:54 Referans Kwoze

Yoano 8:50

Ami nki mukimbe ntumbo yande: kwi umune ayikimbi, atshibi myanda.

Ii Petelo 1:17

Mwanda bahahwile kutambula kw’Efile Mukulu Yaiya kinemo na ntumbo, hakubatukile eyi di bino kwadie, ku ntumbo yikilekile buwa’shi: Uno’u nyi Mwan’ande mutomibwe kifulo, andji mutokyele bibuwa mwishimba.

Ii Bena Kodinda 10:18

Mwanda ta ngiawa etumbish’ē na mwinyi ’mukuminwe ooo, anka yawa atumbishibwa kwi Nfumwetu.

Bikitshino 3:13

Efile Mukulu a Abalahama n’ā Isaka, n’ā Yakoba, Efile Mukulu a bashyetu batumbishe Mwan’e Yesu; winyi anubatule ku kimu, nubamutūne namu ku mpala kwa Pilata, habadi n’eshimba dia kumuhosola.

Yoano 17:1

Habakwile Yesu yino myanda babandulwile meso E mwiilu, eshi: A! Yaiya, kihindji kibafiki, tumbisha Mwan’obe’shi Mwan’obe namu akakutumbisha.

Yoano 8:41

Anwe anukita bikitshino bia shyenu. Henyihaha, babamulungwile’shi: Tatwibatandjibwe mu lusandji; twi na Shyetu’mune, nyi Efile Mukulu, (na mwinyi)

Yoano 7:18

E akwila na mwinyi, akimbi ntumbo ye na mwinyi: ank’e akimbi ntumbo ya bamutumine, e nga binyibinyi, te na yishīyilulame munda mwe.

I Petelo 1:21

Nyi kwadi e nyi kwanukuminyinā Efile Mukulu, winyi bamusangwīle ku lufu, amuha ntumbo’shi, lukuluhilo na lutengyelo lwenu lwikale mw’Efile Mukulu.

I Petelo 1:12

Kwabadi’bo ubadi wibafumbwilwe’shi: tankwi’bo ba na bene, ooo, anka kwatudi’twe abafubile aya myanda ayinulungulwa kwi’bo abenulungwile mukāndu-wibuwa na Kikudi-E-Selelee batuminwe mwiilu: mu yinyi yino myanda bamwikeilu abakyebe mwilamina bashingule yanka.

Yoano 17:5

Binobino, Obe Yaiya ontumbishe’mi, hamune n’obe na mwinyi na ntumbo yatubadi nayo n’obe kwibedi kwa nsenga tayayikele hanka:

Yoano 7:39

(Anka uno E badi akula wa Kikudi-E-Selele, badi akikyebwa kuhebwa kwi bakumukumina, mwanda Kikudi-E-Selele badi tabandjile kufika, mwanda Yesu tabadi mutumbishibwe.)

Yoano 5:41

Tankumina kutambula kinemo kwi bantu, ooo.

Yoano 2:11

Kino, nyi kibangilo kia bitundwilo bibakitshine Yesu mu Kana ka Ngadilea; nyi habafumbwile ntumbo ye: bana-be-ba-bukishi bamukumina.