Biblia Todo Logo
Bib sou entènèt

- Piblisite -




Yoano 8:19 - KILOMBENO KIHYA KIA NFUMWETU YESU KIDISITU

19 Biabia babamwihwishe’shi: Shobe E kwi kunyi? Yesu bebalulwile’shi: Tanwibanukye, sunga Shami; su nubadi a kunuka, nubadi a kwiuka Yaiya namu.

Gade chapit la Kopi




Yoano 8:19
24 Referans Kwoze  

Abakenukitshi yino myanda, ha mwanda tambeukye Yaiya, sunga nami.


Hasukilai ku kululama kweshimba, tanusolanga namu mwanda, mwanda bamo tabe na kiukilo ki’Efile Mukulu; nākula uno mwanda kwinukwatshisha būfu.


Binyibiabia Yesu belele musase mu Ntempelo, mubadi mulambukisha’shi: Anunyiuku, anwiuku namu kunafikile: nkimwifwile anka bantumine nga binyibinyi, E tanumwiuku.


E na mwinyi badi hano ha nsenga, na hano ha nsenga namu habadi hahangwe kwadi; anka bahanohansenga tambamwiukye.


Ha’kia kihindji, batandabwile mwanda’shi, A! Nakutumbula Yaiya, Nfum’ēilu na nsenga, mwanda obe bofyile yino myanda kwi basha binangu na kwi badimukye, bweifumbwila kwi bana bakinga.


Awa muntu akidi (ku mpala lew’eyi di’Efile Mukulu), e namu tamwikadidile mu lulambukisho lwa Kidisitu, te n’Efile Mukulu, (anka) yawa ekadidila mu lulambukisho lwa Kidisitu, yawa winyi nyi e na Yaiya na Mwana bubidi.


Atwiuku namu’shi. Mwan’Efile Mukulu bafikile, betuhele kishingulwilo’shi, twiukye yawa sha binyibinyi, n’atwe twi mwandie nyi a binyibinyi, munda mwa Mwan’e Yesu Kidisitu. E nyi Efile Mukulu a binyibinyi na muwa wa ikala-ika.


Anka binobino hanubahu kwiuka Efile Mukulu, su nkwakula’shi, nwiukībwe kw’Efile Mukulu. Henyihaha, a kianwialulwila dimonyi ku bunsongwalume bwa myanda ya butūba na ya bulanda, kwa tanukyebe’nyi kumunwa mbuhika dimonyi?


Na uno nyi muwa-wa-ikala-ika, abo kukuuk’obe Efile Mukulu, ’mune’nka a binyibinyi; na Yesu Kidisitu a botumine.


na kutambuka muhwandjikile Nfumwetu mpaa na kusehela koso kw’eshimba, bianudia kuha bikuba bia mu mifubo yoso yilumbulukye, na kwenda akukulanga mpaa na ku kushingula koso kw’Efile Mukulu;


Anka bino bintu bioso abakenukitshina ha mwanda w’eshina diande, mwanda tambeukye awa bantumine.


e biadi mbadibadi ya ntumbo ye, na nkyebukilo yi’anka hamune yi a na mwinyi, na kwikasha bintu bioso ku bishima bibakwilwe mu bukome bwe, habahwile e na mwinyi kutosha milwisho yetu, bashalele ku mboko yibalume ya mukata mukilekile a’mwa mwiilu;


E nkyebukilo y’Efile Mukulu shyamonyibwa, mbedi a bihangibwe bioso.


eshi, Efile Mukulu a Nfumwetu Yesu Kidisitu, winyi Yaiya a ntumbo, enuhe Kikudi kia binangu, na kia kufumbula mu kiukilo kikumbane kiakuukibwakwe,


Takwi muntu sunga ngumune bamwene Efile Mukulu sunga mpahelahela, winyi Mwan’umun’enka eleka E mu kiadi kia nshye; ñanka E bamutemwine.


Awa akutuna Mwana, su nanyi su nanyi, te na Yaiya. Yawa asokola Mwana e na Yaiya namu.


Swiv nou:

Piblisite


Piblisite