Yoano 6:40 - KILOMBENO KIHYA KIA NFUMWETU YESU KIDISITU

⁴⁰ Bino nyi abikyebe eshimba dia bantumine’shi; muntu ese atala Mwana, amukumina, akekala na muwa wa ikala-ika; n’ami nankamubusha kwifuku dia nkonko.

Yoano 6:40 Referans Kwoze

Bena Loma 6:23

Mwanda efuto dia milwisho ndufu; anka buntu bwa bisumanga bw’Efile-Mukulu ’muwa wa ikala-ika, mu Kidisitu Yesu Nfumwetu.

Yoano 6:54

Ese adi mbidi yande, atomo mase ande, e na muwa wa ikala-ika: n’ami nankamubusha kwifuku dia nkonko.

Yoano 5:24

Binyibinyi, binyibinyi, nenwambashi: yawa ahusha mwanda wande akumina hadi E bantumine, e na muwa wa ikala-ika: takafiki ku kimu, ooo, anka tabakatukile ku lufu, bakilakila ku muwa.

Yoano 11:25

Yesu bamulungwile’shi: Ami uno nyi lusangukilo na muwa winyi: akankumina, sung’e bafu, anka akekala na muwa.

Yoano 4:14

anka ese akatomo ku ā mema ankamuha, takahusha’nyi nyota dimo, ooo, sunga mpahelahela; anka ā mema ankamuha akekala munda mwe bu nsulu ya mema afifuka, mpaa na mu muwa-au-tala wa ikala-ika.

Yoano 14:19

Anka kahindji kahela, ba-ha-nsenga, taba’mono kabidi, anka’nwe anu’mono; mwanda’mi nyi na muwa, anwe namu anukekala nao.

Yoano 12:45

E namu amono’ini, amono na bantumine.

Yoano 6:27

Tanufubilanga bidibwa abinyanga, anka ku bia kwikala mpa na ku muwa wa ikala-ika; abikenuha Mwan’a Muntu, mwanda E batudilwe kitundwilo kwi Yaiya Efile Mukulu na mwinyi.

Yoano 3:36

E akumina mwi Mwana e na muwa wa ikala-ika; yawa shīmukumine Mwana takamono muwa; anka nsungu y’Efile Mukulu yi n’e hadi.

Yoano 1:14

Biabia winyi Mwanda ubalulukile taudi bu muntu, abombela munkatshi mwetu, (twabandjila ntumbo ye, ntumbo yinyi bu ya mwan’eleka kwi nshye,) muule bu muntu na biabinyibinyi.

Luka 2:30

Mwanda meso ande abamono kihandjilo kiobe;

I Yoano 2:25

Na uno nyi mulayilo wabetulayile, nyi muwa wa ikala-ika.

Yoano 17:2

Anka bu mu bomuhele matalwa ha bantu boso’shi, akahe boso babomuhele muwa wa-ikala-ika.

Yoano 10:28

Neyiha muwa wa-ikala-ika; tayifu sunga mpahelahela, sunga muntu kwiyinyenga kwiasa diande.

Yuda 1:21

Nwilame mu kifulo ki’Efile Mukulu, na kutengyela lusa lwa Nfumwetu Yesu Kidisitu mpaa na ku muwa wa ikala-ika.

I Petelo 1:8

winyi e anwibatome kifulo, sunga tanwibamumone, mwadi e nyi mwanukuminā, sunga tanumumono, anusehela na muloo ushyawakudibwa, wikute na ntumbo;

Ii Bena Kodinda 4:6

Mwanda nyi Efile Mukulu bakamikile etata kumunyikā ’mufito, n’e amunyikā ’mashimb’etu, ha mwanda wa kuhana etata dia kiukilo kia ntumbo y’Efile Mukulu, mu mpala ya Yesu Kidisitu.

Bena Loma 5:21

eshi, mubamunyine kulwisha bu nfumu mu lufu, biabia buntu bwa bisumanga abukamuna ku kululama kwa muwa wa ikala-ika, kwi Yesu Kidisitu Nfumwetu.

Yoano 12:50

Anka neuku uno mulayilo we ngwa muwa waikala-ika: binyibiabia bioso biañakula, anka bibandayile Yaiya, ami nakula’nka bianka.

Yoano 8:56

Shenukulu abalama badi na muloo kumona efuku diande, bedimwene, asehela.

Mako 16:16

Yaw’akakumina n’akabatshishibwa akahashibwa, ank’awa shī akakumina akahīshwa ku kimu.

Bena Bahebelu 11:1

Biabia lukuluhilo nyi nkwiukidilo kwa bintu abitengyelwa, nyi lushingulwilo lwa’ya myanda yishyamwekyele.

Bena Bahebelu 11:27

Ha lukuluhilo nyi habakatukile mu Ndjihitu kushī kutshina bukyelo bwa nfumu bwinyi, mwanda bañyinamene bia kumona winyi shyamwekā.

Yoano 14:17

E nyi Kikudi-E-Selele kia binyibinyi: abashiabeuku kwi ba-hano-ha-nsenga kumutambula, mwanda wa kukutwa kumumona, sunga kumwiuka; anka’nwe anumwiuku; mwanda ashala nenu, akekala munda mwenu.

Mateo 10:15

Nenulungula binyibinyi’shi: Ahakafiki adi’efuku dia kimu, bushito bwa malwa a kiakia kibalo akakidi ā malwa a Sodomo na Ngomolo.

Mateo 25:46

Binyibiabia bano abakēnde mu malwa a ikala-ika; anka balulame (abakatwele) mu muwa wa ikala-ika.

Yoano 6:39

Bino nyi abikyebe eshimba dia bantumine’shi: ku bioso biampele, tankashimisha sunga nkimune; anka nkekisangula h’efuku dia nkonko.

Yoano 6:44

Ta kwi muntu sunga ngumune euku kufika kwandji, anka su Yaiya bantumine, amukaka: n’ami nankamubusha kwifuko dia nkonko.

Yoano 11:24

Mata bamwalulwile’shi: Neuku’shi akabuku dimo ha lusangukilo, kwifuku dia nkonko.