Yoano 5:26 - KILOMBENO KIHYA KIA NFUMWETU YESU KIDISITU

²⁶ Mwanda bu Yaiya E na muwa mwi na mwinyi, biabia, E bahele Mwana kwikala na muwa mwi na mwinyi.

Yoano 5:26 Referans Kwoze

Yoano 11:26

Ese e na muwa, akumina mwimi, takamono lufu, sunga mpahelahela. Okuminau su?

Yoano 1:4

Muwa ubadi mwadi E, muwa namu ubadi etata dia bantu.

Yoano 14:6

Yesu bamwalulwile’shi: Ami uno nyi dinyi eshinda, na biabinyibinyi na muwa: takwi sungangumune akwifikila kwi Yaiya anka kwimi.

Kibafumulwe 22:17

Kikudi-E-Selelee na mukashi takyebe kutwela abakula’shi: Fika. Na yawa ahusha akule ’shi: Fika. Na yawa e na nyota afikye, yawa namu e n’eshimba dia kukyeba atambule mema a muwa buana.

I Temote 1:17

Binobino kwi Nfumu a ikala-ika, shyafwiyā, shyamweka, nyi ñanka Efile Mukulu sha binangu buhenka bwe, ekale na kinemo, na ntumbo mpaa na kwikala-ika. Amena.

I Bena Kodinda 15:45

Biabia nyi mwaubafundjibwe’shi: Muntu a kwibedi, Adama, bahangilwe a kikudi akitala. Winyi a kunfudilo badi kikudi akihana muwa.

Kibafumulwe 22:1

Binyibiabia bandesheshe mwela wa mema a muwa-autala wi soo, selelee bwitalatala, autuku mu luhun’a-nsulu lw’Efile Mukulu, na lwa Mwan’a-Mukoko.

Kibafumulwe 21:6

E bandungwile’shi: Takuhwanga. Ami nyi Alefa na Omenga, mbangilo na nfudilo. Nankah’e na nyota ku nsulo ya mema a muwa buana.

I Temote 6:16

Ank’e buhenka bwe shyafwiyā, nyi abombela mu mbadibadi yishyayifikika; shyamwenwe na muntu, sunga ngumune, sunga ngakukamona; kwadi kwikale kinemo na bukome bwa ikala-ika. Amena.

Bikitshino 17:25

Tafubilwā na maasa a bantu’shi, e na lukalo, mwanda e na mwinyi nyi aheya bantu boso kwikala abatala, na muwa, na bintu bioso.

Yoano 14:19

Anka kahindji kahela, ba-ha-nsenga, taba’mono kabidi, anka’nwe anu’mono; mwanda’mi nyi na muwa, anwe namu anukekala nao.

Yoano 8:51

Binyibinyi, binyibinyi nenulungula’shi: Su muntu alamina mwanda wande, takamono lufu sunga mpahela.

Yoano 4:10

Yesu bālulwile amwamba’shi: Su bodi ouku buntu bw’Efile Mukulu, na mwinyi akutekye’shi: Mpe a kutoma; obe bodia kumuteka, n’e namu badia kukuha mema a muwa.

Kibafumulwe 7:17

Mwanda Mwan’a Mukoko e munkatshi mwa luhun’a nsulu anakebamune, anakebakunkushe namu ku masulo a mema a muwa: n’Efile Mukulu anakebakumune mpolo yoso ku meso kwabo.

Yoano 6:57

Bi bantumine Yaiya a muwa, n’ami namwene muwa kwi Yaiya; anka biabia yawa akandji, na mwinyi akekala na muwa kwandjimi.

Yoano 10:18

Takwi muntu sungangumune akwiunyeñana, anka newitudila’mi na mwinyi. Nyi na matalwa akwiutula, nyi na matalwa namu kwiuata kabidi. Uno mulayilo neutambwile kwi Yaiya.

Yoano 11:25

Yesu bamulungwile’shi: Ami uno nyi lusangukilo na muwa winyi: akankumina, sung’e bafu, anka akekala na muwa.

Bena Bahebelu 1:2

e mu ano mafuku a kunfudilo bākwile kwatudi mu Mwan’e, winyi abasangwile bu mpyanyi a bintu bioso, kwadi e namu nyi kubahangilwe hanohansenga hoso,