Yoano 5:25 - KILOMBENO KIHYA KIA NFUMWETU YESU KIDISITU

²⁵ Binyibinyi, binyibinyi nenulungulu’shi: efuku adikafiki, na binobino di kwanka, adikahusha bafwe Eyi dia Mwan’Efile Mukulu, n’abo, abahusha abakekala na muwa.

Yoano 5:25 Referans Kwoze

Yoano 5:28

Ta nukanyanga ha uno mwanda: mwanda kihindji akikafiki, mwanka’kio boso be mu mashama, abakahusha Ei diE:

Bena Efisesa 5:14

Binyibiabia akula’shi: Hasuka obe muladi a tulo, buka mu lufū, na Kidisitu akakumunyik’etata.

Bena Efisesa 2:5

sunga mpatubadi bafwe mu milwisho, betusangwile hamunena Kidisitu (nyiha bu-muntu ha nuhashibwā),

Yoano 4:23

Anka akufiki kihindji, na binobino kibahu kufika, bala ngwidi ba binyibinyi abakalangwila Yaiya mu kikudi na (mu) binyibinyi: mwanda Yaiya akimbi be biabia kumulangwila.

Kibafumulwe 3:1

Kwi mwikeilu a ku kikoñeno kia mu Sardes ofunde’shi: yawa e bikudi bi’Efile Mukulu musambobidi, na nyenyenyi musambobidi, ākula’shi: Neuku bikitshino biobe, na biotemunwa’shi: Otala, biosobi we mufwe.

Yoano 8:47

Awa’Efile Mukulu ahushā misambo y’Efile Mukulu; biabia’nwe tanuhusha, mwanda tanwi b’Efile Mukulu.

Bena Kolose 2:13

Anwe namu bianwibekule mu milwisho na kushīkusalwa kwa mbidi (yenu,) e benusangwile hamune n’ē, bahwile (namu) kwinulekyela kusola kwa myanda koso.

Bena Efisesa 2:1

N’anwe nubadi bafwe mu kusola kwa myanda na milwisho:

Bena Loma 6:4

Henyihaha tu bashīkwa n’e, anka kwa lubatshisho lwa mu lufu; eshi, anka musangwilwe Kidisitu ku lufu kwa ntumbo ya Yaiya, n’atwe namu mpamune tuyile mu buhya bwa muwa.

Yoano 8:43

A nkinyi kianushibeukye mwanakwila? mwanda tanwibeukye mwa kuhushisha mwanda wande.

Yoano 5:21

Mwanda’nka bu Shye abusha bafwe, ebasangulā, anka biabia Mwana namu asangulā ese na Mwinyi akyebe.

Luka 15:24

Mwanda uno mwan’ande badi mufwe, e na muwa dimo; badi mushimine, bamweka (dimo). Biabia ababangile kusehela.

Luka 9:60

Yesu bamulu ngwile’shi: Bafwe bashikye bafwe babo, ank’obe nda, olungule bia bufumu bw’Efile Mukulu.

Yoano 4:21

Yesu bamulungwile’shi: Obe mwana mukashi nkumine’mi, akufiki kihindji kianushyanukalangwila Yaiya, sunga mu uno ngulu, sunga mu beukye; Yelusalema.

Luka 15:32

Twibiatudia kusehela na kusangala, mwanda uno mwin’obe badi mufwe, e na muwa dimo, badi mushimine, bamweka.

Yoano 17:1

Habakwile Yesu yino myanda babandulwile meso E mwiilu, eshi: A! Yaiya, kihindji kibafiki, tumbisha Mwan’obe’shi Mwan’obe namu akakutumbisha.

Yoano 13:1

Biabia habadi Bidibwa bia Kukila kwa Yeowa takwafikile, Yesu beukile’shi: kihindji kie kibafiki kwandji a kukatuka hano-ha-nsenga, kwenda kwi Yaiya, E badi na kifulo na bantu b’E ba hano-ha-nsenga, E nabo kifulo mpa na kunfudilo.

Yoano 6:60

Binyibiabia bangi ba bana-be-ba-bukishi, habahushishe biabia, tabakula’shi: Uno mwanda wi bukoho, nanyi euku kwiushingula?

Yoano 9:27

E bebalulwile’shi: Tampwile kwinulungula kala, n’anwe tanwibashushe: A! kia nukyebela kuhusha dia kabidi nkinyi? Anukyebe namu kwikala bana-be-ba-bukishi su?