Yoano 5:19 - KILOMBENO KIHYA KIA NFUMWETU YESU KIDISITU

¹⁹ Binyibiabia Yesu bebalungwile’shi: Binyibinyi, binyibinyi, nenwambashi; Mwinyi Mwana teuku kukita kintu, E na mwinyi, anka kiakia kiamwene Shye akitshi: mwanda abio bioso abikita Yaiya, anka biabia abikita Mwana hamune.

Yoano 5:19 Referans Kwoze

Yoano 12:49

Mwanda nki na kianyisambila, anka Yaiya bantumine, nyibandayile’shi, nyimodionkalungula muno, nyi modionkesambila muno.

Yoano 8:28

Biabia Yesu bebalungwile’shi: Hanuhu kwimika Mwan’a muntu, nyi hanukauku’shi: nyi anka E. Ami mkimwikitshine mwanda ami na mwinyi: sunga nkahela, anka bu Yaiya bandambukishe, nyi bia nyisamba.

Yoano 14:10

Twemukumine ’mi biandji munda mwa Yaiya, Yaiya namu munda mwande? myanda yoso yia nyisamba nenu, tanyisambila ami na mwinyi, anka Yaiya E munda mwande, nyiafuba yino mifubo.

Yoano 10:18

Takwi muntu sungangumune akwiunyeñana, anka newitudila’mi na mwinyi. Nyi na matalwa akwiutula, nyi na matalwa namu kwiuata kabidi. Uno mulayilo neutambwile kwi Yaiya.

Bena Loma 8:11

Su Kikudi-E-Selelee ki’awa babushishe Yesu mu bafwe ekale mwanudi’nwe, biabia e babushishe Kidisitu mu bafwe, akahasula namu mbidi yenu ya lufu, ku Kikudi-E-Selelee kie e mwanudi’nwe.

Yoano 9:4

Mwandji nao ngwa kukita mifubo ya bantumine ha ki kanya kwanka: bufuku abukafiki bushia bwiuku muntu kukita mufubo.

Luka 21:15

Mwanda nankenuha mu kanwa na binangu, kabashyabeuku kwituhishena n’enu sunga kwela mpaka.

Yoano 5:21

Mwanda’nka bu Shye abusha bafwe, ebasangulā, anka biabia Mwana namu asangulā ese na Mwinyi akyebe.

Ii Bena Kodinda 5:10

Mwanda’twe boso wa tudi n’au ngwa kukafumbulwa ku mpala kwa kimu kia Kidisitu’shi, ese muntu akatambule bintu bibakitshinwe mu mbidi, mwiyile mubakitshinyinu, sunga mbibuwa sunga mbibubi.

Yoano 3:3

Yesu bamwalulwile’shi: Binyibinyi, binyibinyi biankulungula’shi: Su muntu takatandjibwa diakabidi, tanakamone bufumu bw’Efile Mukulu, ooo.

Kibafumulwe 2:23

Nankeha bana be na lufu, na bikoñeno bi’Efile bioso abikeuku’shi, ami nyi e akokōla mu nfyo na mashimba: nankaha kwi muntu ese enu mwiyile bikitshino bienu.

I Petelo 3:18

Mwanda Kidisitu bafwambukile mususa umunenka ha mwanda wa milwisho, e mululame ha mwanda wa bashībalulame’shi, biadia kwitukunkusha kw’Efile Mukulu, baihailwe ku mbidi, anka basangwilwe na muwa kwi Kikudi;

Bena Kolose 1:16

Mwanda kwadi e bintu bioso bi mwiilu bibahangilwe, n’abi hano ha nsenga, abimwekibwa na bishyabimwekibwā, sunga mpun’a nsulu (ya bufumu,) sunga butontshi, sunga mafumu a ba I’Etat, sunga bamatalwa, biosobioso bibahangilwe kwadi e, na ha mwanda we.

Bena Fidihai 4:13

Nyi na bukome bwa kukita bintu bioso kwi winyi mumpebo, nyi Kidisitu.

Bena Fidihai 3:21

E akālula mbidi yetu ya būfu’shi, yikale yihwandiikile hamune na mbidi ye ya ntumbo, mwiyile kufuba kwao euku kukokyesha bintu bioso kwadi e na mwinyi.

Bena Efisesa 3:16

ami’shi, enuhe, muyile buheta bwa ntumbo ye, kwikala banyishibwe na ntshitshiba mu muntu e munda kwi Kikudi (E-Selelee) e;

Bena Efisesa 2:5

sunga mpatubadi bafwe mu milwisho, betusangwile hamunena Kidisitu (nyiha bu-muntu ha nuhashibwā),

Ii Bena Kodinda 4:14

Hakwiuka’shi, yawa basangwile Nfumwetu Yesu, aketusangula n’atwe namu mu Yesu, aketulubula n’anwe hamune.

I Bena Kodinda 15:12

Biabia su Kidisitu alungwilwa’shi, e babukile ku lufu, a nkinyi bangi be munkatshi mwenu abamba’shi: Takwi lusangukilo lwa bafwe?

Bena Loma 6:4

Henyihaha tu bashīkwa n’e, anka kwa lubatshisho lwa mu lufu; eshi, anka musangwilwe Kidisitu ku lufu kwa ntumbo ya Yaiya, n’atwe namu mpamune tuyile mu buhya bwa muwa.

Bikitshino 2:24

Winyi a hasangwile kwi Efile Mukulu, bamuhoswele ku mitanyo ya lufu; mwanda kibakutshilwe e kubambilwa n’alo.

Yoano 2:19

Yesu bebālulwile’shi: Lwishai yino ntempelo, ami nankeyimika mu mafuku asatu.

I Bena Tesalonika 4:14

Mwanda su atukumina’shi, Yesu bafwile, asanguka dimo, nyi anka biabia na mu kwi’ba bahone mu tulo (twa lufu) mu Yesu, Efile Mukulu akebafisha hamune n’e (na mwinyi.)

Bena Kolose 1:11

na kunyishibwa mu ntshitshiba yoso, mulombene bukome bwa ntumbo ye, ku lwishinko loso na kahuñanyi k’eshimba ke na tuseho.

Mateo 26:39

Binyibiabia bayile ku mpala kihindji kihi, babandamine mpala ye hashi, tatekye’shi: A Yaiy’ande, su nkilombane, kihulu kino kinkile’mi, anka bishī bu mwankyebela, ooo, anka mokyebela’be.

Yoano 6:38

Mwanda nkimufikile mwiilu kukita bu mwankyebela, anka amukyebela bantumine.

Yoano 12:50

Anka neuku uno mulayilo we ngwa muwa waikala-ika: binyibiabia bioso biañakula, anka bibandayile Yaiya, ami nakula’nka bianka.