Yoano 5:18 - KILOMBENO KIHYA KIA NFUMWETU YESU KIDISITU

¹⁸ Binyibiabia, Bena Yuda abakambile kukimba kumwiha, tañanka mwanda E bashulwile kishila kia Sabado, ooo, E namu batemuna’shi: Efile Mukulu bu Nshye na mwinyi, biabia E bahwandjikishe E na mwinyi hamune n’Efile Mukulu.

Yoano 5:18 Referans Kwoze

Yoano 10:33

Bena Yudea babamwalulwile’shi: Tatukwela mabwe ha mwanda wibuwa wokitshi; anka ha mwanda wa kusabula (Efile Mukulu) na ha mwanda obe, muntu, wehwandjikisha bu Efile Mukulu.

Yoano 10:30

Ami na Yaiya twi umune.

Yoano 19:7

Bena yudea abamwalulwile’shi: Twi na kishila kietu, mwiile kishila kietu, ’muhwandjikile kufwa, mwanda E temuna bu Mwan’Efile Mukulu.

Yoano 8:58

Yesu bebalungwile’shi: Binyibinyi, nenwambashi: Kwibedi Abalama tatandjilwe nadi anka biandjibi.

Yoano 14:23

Yesu bamwalulwile’shi: Su muntu e nami kifulo, alame mīsambo yande, na yaiya ande akekala n’e kifulo, atufikye kwadi, twikale n’e.

Yoano 5:23

Eshi, boso bakanemeka Mwana, anka hamune mwabanemeka Yaiya. Awa shi anemeka Mwana, ta munemeka Shye bamutumine.

Bena Fidihai 2:6

E, biadi mwikale bu Efile Mukulu na mwinyi tamwihwandjikishe’she, kuhwana hamunenka n’Efile Mukulu nyi nkintu kia bisumanga, ooo.

Kibafumulwe 22:3

Takukekala muloa dimonyi, ooo; anka luhun’a-nsulu lw’Efile Mukulu na lwa Mwan’a-Mukoko alukekala mwanka, na bahika be banakamufubile.

Kibafumulwe 22:1

Binyibiabia bandesheshe mwela wa mema a muwa-autala wi soo, selelee bwitalatala, autuku mu luhun’a-nsulu lw’Efile Mukulu, na lwa Mwan’a-Mukoko.

Yoano 8:54

Yesu balulwile’shi: Su netumbisha ami na mwinyi, ntumbo yande ngia bisumanga: antumbishā n’Shami; winyi anutemuna’shi: ’Efile Mukulu etu.

Yoano 7:19

Mosesa tamwinuhe mikanda ya milangilo su? anka takwi muntu sungangumune’nu eyikitshi. A ha mwanda kinyi wa nukyebe kuñihaila?

Yoano 7:1

Habahwile yaya myanda Yesu badi akindakana mu Ngadileo: tabadi akindakana mu Yudea, ha mwanda wa Bena Yudea babadi abakyebe kumwiha.

Yoano 5:16

Nyi ha uno mwanda Bena Yuda abasabule Yesu, abakimbile kumwiha, mwanda E bakitshine yaya myanda h’efuku dia Sabado.

Yoano 14:9

Yesu bamwihwishe’ shi: Kihindji kikata kinashala nenu bino’ki, biosobi tanwibanukye obe Fidiha? akunmona’mi bahu kumona Yaiya; biabia obe tombashi: Etuleshe Shobe?

Mateo 12:5

Sunga tanwibabale namu mu mukanda-wa-bishila bibakitshine batshiite-bakwidi mu ntempelo mu mafuku a Sabado, mwā balwisha Sabado na tabadi na mwanda, ooo.

Yoano 1:19

Biabia yino nyi bu kamonyi bwa Yoano, habatumine Bena Yuda batshiite-bakwidi, na Bena Lewi ba mu Yelusalema kumwihusha’shi: Obe we’nyi?

Yoano 5:15

Muntu yawa bakatukile, balungwile Bena Yuda’shi: Nyi Yesu abampashishe.

Yoano 5:17

Anka Yesu bebalulwile’shi: Shami afubā kwibedi mpaa na bino, n’ami namu nafubu.