Yoano 4:42 - KILOMBENO KIHYA KIA NFUMWETU YESU KIDISITU

⁴² Bebalungwile mwana mukashi eshi: Binobino atukumina, ta ha mwanda wa mwisambo wobe, mwanda tubamuhusha’twe ba na bene tubeuku’shi: E binyibinyi, nyi Kidisitu: Muhashi a be-hansenga.

Yoano 4:42 Referans Kwoze

I Yoano 4:14

N’atwe tubahu kumona, na kwakula bu kamonyi’shi, Yaiya batumine winyi Mwana kwikala Muhashi a bahanohansenga.

I Yoano 5:20

Atwiuku namu’shi. Mwan’Efile Mukulu bafikile, betuhele kishingulwilo’shi, twiukye yawa sha binyibinyi, n’atwe twi mwandie nyi a binyibinyi, munda mwa Mwan’e Yesu Kidisitu. E nyi Efile Mukulu a binyibinyi na muwa wa ikala-ika.

Yoano 1:29

Biabia habubatokyele Yoano bamwene Yesu afiki kwadi, bambile’shi: Talangai Mwan’a mukoko ’Efile Mukulu, akashā milwisho ya bahanohansenga.

I Temote 4:10

Nyi ha tudi batuhwite na kusābulwa mwanda twibakuluhile mw’Efile Mukulu a muwa, e, nyi muhashi a bantu boso, tokiokwamba kwi bakumine.

Ii Bena Kodinda 5:19

Nkia kwamba’shi, Efile Mukulu badi mu Kidisitu elombashanga na bahanohansenga kwadi E na mwinyi, tamwibalondole kwabadi kusola kwabo kwa myanda; e betutudile namu mwanda wa kilombeno.

Bikitshino 4:12

Sunga mu dingi tamwi kihandjilo, ooo; mwanda tamwi dingi eshina mushi mwiilu dibahebwa munkatshi mwa bantu diatukahandjila.

Yoano 17:8

Mwanda, nebahele myanda yibompele, n’abo abeyitambwile, abahu kushingula binyibinyi’ shi, natukile kodi, babakuminyine namu’shi, Obe bontumine.

Yoano 4:29

Fikai, nutale muntu bandungula bioso binankitshine kala: E ta nKidisitu uno su?

Luka 2:32

Etata dia kumunyika Badjentaila, na ntumbo ya bantu bobe ba Isalele.

Yoano 11:17

Biabia habafikile Yesu kwanka, bamusañene mulale ’mashama mafuku ananka.

Mateo 1:21

Akatande mwana mulume, okamūdika bu Yesu, mwanda e akahasha bantu be ku milwisho yabo.

Yoano 4:41

Na bangi bakwabo be bungi abakuminyine ha mwanda wa eyi die na mwinyi.

Bikitshino 5:31

E Mwanabuwa, na bu Muhashi, Efile Mukulu bamukamishe ku mboko yibalume ye, ha mwanda wakuhabena Isalele lwilango lwa mashimba na lulekyelo lwa milwisho.

Bikitshino 13:23

Ku kekulu ka uno muntu Efile Mukulu babushishe Muhashi a ku Isalele, nyi Yesu, mwiyile mulayilo we.

I Yoano 2:2

Anka’nyi su (muntu) alishwa, twi na Musangi a kwi Yaiya, nyi Yesu Kidisitu mululame; e nyi kilombeno kia milwisho yetu; ta ñanka kia yetu buhenka ooo, anka nkia bahanohansenga boso.