Yoano 4:14 - KILOMBENO KIHYA KIA NFUMWETU YESU KIDISITU

¹⁴ anka ese akatomo ku ā mema ankamuha, takahusha’nyi nyota dimo, ooo, sunga mpahelahela; anka ā mema ankamuha akekala munda mwe bu nsulu ya mema afifuka, mpaa na mu muwa-au-tala wa ikala-ika.

Yoano 4:14 Referans Kwoze

Yoano 6:35

Yesu bebalungwile’shi: Nyi biashi bia muwa; e afiki kwandji ta kamono nsala, n’e ankumina, ta kekala na nyota sunga ngihela.

Kibafumulwe 7:16

Tabakasumibwa na nsala dimo, sunga nyota; nguba namu takebashiki, sunga nkālo.

Yoano 11:26

Ese e na muwa, akumina mwimi, takamono lufu, sunga mpahelahela. Okuminau su?

Yoano 6:58

Uno nyi binyi biashi bibafikile mwiilu: ta hamune’nka bashenukulu babadile, māna, babafwile; ’ādi bino biashi akekala na muwa wa ikala-ika.

I Yoano 5:20

Atwiuku namu’shi. Mwan’Efile Mukulu bafikile, betuhele kishingulwilo’shi, twiukye yawa sha binyibinyi, n’atwe twi mwandie nyi a binyibinyi, munda mwa Mwan’e Yesu Kidisitu. E nyi Efile Mukulu a binyibinyi na muwa wa ikala-ika.

Ii Bena Kodinda 1:22

N’e winyi namu betuhele kiyukilo kia kīe nyi Kikudi-E-Selelee mu mashimb’etu.

Bena Loma 6:23

Mwanda efuto dia milwisho ndufu; anka buntu bwa bisumanga bw’Efile-Mukulu ’muwa wa ikala-ika, mu Kidisitu Yesu Nfumwetu.

I Petelo 1:22

Anka hanubatosha mashimb’enu mu kukokyela kwa biabinyibinyi, ku Kikudi E-Selelee mpaa na ku kifulo kishī na bulamalama kia kwi bakwenu, mwitomeshenei kifulo anwe bana bene n’eshimba di selelee dia kibobo.

Yoano 10:10

Ngifi kwe kufika, afwila’nka kwiba na kwiha, na kuiwisha: Ami nafikile’shi, bakamone muwa, bakeumone kukila wi bungi.

Bena Efisesa 4:30

Tanufitshishanga eshimba dia Kikudi-E-Selelee e Efile Mukulu, kwadinyi kwanubakayikwa mpaana kwifuku dia kikūdilo.

Bena Loma 5:21

eshi, mubamunyine kulwisha bu nfumu mu lufu, biabia buntu bwa bisumanga abukamuna ku kululama kwa muwa wa ikala-ika, kwi Yesu Kidisitu Nfumwetu.

Mateo 25:46

Binyibiabia bano abakēnde mu malwa a ikala-ika; anka balulame (abakatwele) mu muwa wa ikala-ika.

Mateo 5:6

Mwabi kwi’bo be na nsala na nyota bia kululama kwishimba, mwand’abakekuta.

Yoano 4:10

Yesu bālulwile amwamba’shi: Su bodi ouku buntu bw’Efile Mukulu, na mwinyi akutekye’shi: Mpe a kutoma; obe bodia kumuteka, n’e namu badia kukuha mema a muwa.

Yoano 4:11

Mwana mukashi bamwambile’shi: A Mwanana, a bioshī na kintu kia kutaha n’akio, na mushimwa namu ngula: biabia kokyebe kukatusha enyi mema a muwa nkwi kunyi?

Yoano 4:13

Yesu bamwalulwile’shi: Ese atomo ano mema akahusha nyota dimo;

Yoano 4:36

N’aumbula atambul’efuto, nākongola bikuba ku muwa-wa-ikala-ika: eshi, mukunyi na munoyi abakasangala hamune.

Yoano 6:27

Tanufubilanga bidibwa abinyanga, anka ku bia kwikala mpa na ku muwa wa ikala-ika; abikenuha Mwan’a Muntu, mwanda E batudilwe kitundwilo kwi Yaiya Efile Mukulu na mwinyi.

Yoano 7:37

Kwifuku dia kunfudilo, adia dikata dia Bidibwa bia Kusehela; Yesu baimene bēlele musase’shi: Su muntu e na nyota, afikye kwandjimi, atome.

Kibafumulwe 7:17

Mwanda Mwan’a Mukoko e munkatshi mwa luhun’a nsulu anakebamune, anakebakunkushe namu ku masulo a mema a muwa: n’Efile Mukulu anakebakumune mpolo yoso ku meso kwabo.