Yoano 3:5 - KILOMBENO KIHYA KIA NFUMWETU YESU KIDISITU

⁵ Yesu bālulwile’shi: Binyibinyi binyibinyi biankulungula’shi: Su muntu tamutandjibwe ku mema na ku Kikudi-E-Selelee, biabia tanakatwele mu bufumu bw’Efile Mukulu, ooo.

Yoano 3:5 Referans Kwoze

Bikitshino 2:38

Binyibiabia Petelo bebālulwile’shi: Elangei ’māshimba, nubatshishibwe boso bwenu mwishina dia Yesu Kidisitu, mwanda wa kulekyelwa kwa milwisho, biabia anukatambula buntu bwa Kikudi-E-Selelee.

Bena Efisesa 5:26

mwadia kwikilamunwina tankishila, na kwikisula mema a bishima bibakwilwe.

I Petelo 3:21

Kinyi kihwandjikisho kia lubatshisho hamunemka alwituhashā (kushī kukashibwa kwa biko bia mbidi, ooo, anka nyi nkukyeba kw’eshimba dibuwa dia munda kw’Efile Mukulu) ha lusangukilo lwa Yesu Kidisitu,

I Bena Kodinda 6:11

Anka biabia nyi bibadi bamo ba munkatshi mwenu, anka (bino) nwibasudibwe, nwibalamunwe-selelee, nwibabingishwe mwishina dia Nfumwetu Yesu, na kwi Kikudi-E-Selelee e Efile Mukulu etu.

Mateo 3:11

Binyibinyi ami nenubatshisha mu mema a ha kwilanga kwishimba, anka’wa andondo munyima munkile’mi bukata, bilato bie ami nkimuhwandjikile kwibitwala, ooo; e akenubatshisha mu Kikudi-E-Selelee na kālo.

Yoano 3:3

Yesu bamwalulwile’shi: Binyibinyi, binyibinyi biankulungula’shi: Su muntu takatandjibwa diakabidi, tanakamone bufumu bw’Efile Mukulu, ooo.

Mako 16:16

Yaw’akakumina n’akabatshishibwa akahashibwa, ank’awa shī akakumina akahīshwa ku kimu.

I Bena Kodinda 2:12

Atwe tatwibatambule kikudi kia bahanohansenga, ooo, anka winyi Kikudi a kw’Efile Mukulu, mwatudia kwiukila myanda ayituhelwā bwana kw’Efile Mukulu.

Yoano 1:13

Kwi’bo bashī batandjibwe ku mase, sunga nkwishimba dia ku mbidi, sunga nkwishimba dia muntu, ñanka kw’Efile Mukulu.

I Yoano 5:1

Ese muntu akumina’shi, Yesu, nyi Kidisitu e mutandwe n’Efile Mukulu; n’ese muntu e na kifulo na yawa nambutwile, afule namu winyi mutandjibwe kwadi.

I Yoano 2:29

Su anwiuku’shi, E mululame (biabia) anwiuku’shi, muntu ese akitshi kululama e mutandjibwe kwadie.

Bena Ngalatea 6:15

Mwanda mu Kidisitu Yesu sunga kisale, sunga nkukutwa kisale tabikitshi kintu, ñanka kihangibwa kihya.

Bena Loma 14:17

Mwanda bunfumu bw’Efile-Mukulu ta bwi mu biakudia na mu biakutoma, ooo, anka mu kululama, na kufukama, na tuseho mu Kikudi-E-Selelee.

Mateo 28:19

Binyibiabia, ndai, nulambukishe milo yoso, na kwibabatshisha mwishina dia Yaiya, na dia Mwana, na dia Kikudi-E Selelee.

Mateo 18:3

eshi; Binyibinyi, nenulungula’shi: Su tanwi bālule mashimba kwikala bu bana bakinga, tanukatwele mu Bufumu bwa mwiilu, ooo.

I Petelo 1:2

basangudibwe mwiyile kiukilo kibedi ki Efile Mukulu Yaiya, ha kulamunwa-kwi-selelee kwa Kikudi, mpaa na ku kikokyelo na ku kimamino kia mase a Yesu Kidisitu; bu-muntu na kufukama binufwimīsliwe.

Bikitshino 3:19

Binyibiabia nwilangei ’mashimba, nwikale bālulwe’shi, milwisho yenu yishimangishwe, biabia akukafiki kwi Yehowa bihindji bia kukankamana kwishimba.

Luka 13:3

Nenulungula’shi, ooo, anka su tanwilanga ’mashimba enu, anwe boso anukalwila’nka hamune.

Mateo 5:20

Mwanda nenulungula’shi, su kululama kw’eshimba kwenu ta nkukile kwa bafundji-ba-mikanda na Bafadiseo, tanukatwele mu bufumu bwa mwiilu.

Bena Loma 8:2

Mwanda wa kishila kia Kikudi-E-Selelee kia muwa mu Kidisitu Yesu kibandamūna ku kishila kia kulwisha na lufu.

Luka 13:24

Nyishai bikata kutwela mu kibelo kihela, mwanda nenulungula’shi: Bebungi abakakyebe kutwela, abakakutwa.

Luka 13:5

Nenulungula’shi: ooo, anka su tanwilanga ’mashimba enu anwe boso anukalwila’nka hamune.

Mateo 19:24

Na dimonyi nenulungula’shi: nkikilekubofula (nyama) ngamedia kutwela mwiiso dia shindanyi, na he muntu mpeta kutwela mu Bufumu bwa mwiilu.

Mateo 21:31

anka tamwende, oooshye? Abamwambile’shi, Ank’awa a kwibedi. Yesu bebalungwile’shi Binyibinyi nenulungula’shi: Basangishi-ba-milambu na basha masandji bana bakashi, abenubadidilā’nka kutwela mbufumu bw’Efile-Mukulu.

Mako 9:47

Su eiso diobe namu adikukokosha, edikatusha, mwanda, kutwela mubufumu bw’Efile-Mukulu n’eiso dimune nyi kukila kodibe, su kuelwa mu kālo ka Ngehena na meso obe abidi.

Mako 10:14

Anka Yesu hakumona biabia badi mufitshilwe kwishimba, bebamba’shi: Kuminai bana bahela bafike kwandji’mi, ta nwibatoshanga, mwanda bufumu bw’Efile-Mukulu mbwabo.

Yoano 3:4

Nekodema namu’shi: Su muntu tadi mununu euku naminyi kutandjibwa diakabidi? Euku mwa kutwela mususa wa kabidi munda mwa nyin’e, atandjikwa’nyi su?

I Bena Kodinda 15:50

Binyibiabia kiañakula anwe bakwetu nkino’shi: Mwita na mase tabiuku kuhyana bufumu bw’Efile Mukulu; sunga kinvangyo takiuku kuhyana kishīkinyangye.