Yoano 3:36 - KILOMBENO KIHYA KIA NFUMWETU YESU KIDISITU

³⁶ E akumina mwi Mwana e na muwa wa ikala-ika; yawa shīmukumine Mwana takamono muwa; anka nsungu y’Efile Mukulu yi n’e hadi.

Yoano 3:36 Referans Kwoze

Yoano 5:24

Binyibinyi, binyibinyi, nenwambashi: yawa ahusha mwanda wande akumina hadi E bantumine, e na muwa wa ikala-ika: takafiki ku kimu, ooo, anka tabakatukile ku lufu, bakilakila ku muwa.

Yoano 1:12

Anka muhunda baba abamutambwile, nyi badi muhe matalwa a kwikala bu bana b’Efile Mukulu, nyi kwi baba abakumina mwishina die.

I Bena Tesalonika 5:9

Mwanda Efile Mukulu tamwitusangule ku nsungu, ooo, anka kutambula kihandjilo kwi Nfumwetu Yesu Kidisitu,

Bena Efisesa 5:6

Tanudimbibwanga na muntu e na myanda ya bisumanga; nyi mpa mwanda wa yino myanda bukyelo bw’Efile Mukulu abufikā ha bana ba bashī na kukokyela.

Bena Loma 5:9

Binyibiabia bino hatubabingishwa ku mase e, tukahashibwa ku nsungu y’E kw’Efile-Mukulu anka hadi e.

Yoano 8:51

Binyibinyi, binyibinyi nenulungula’shi: Su muntu alamina mwanda wande, takamono lufu sunga mpahela.

Yoano 10:28

Neyiha muwa wa-ikala-ika; tayifu sunga mpahelahela, sunga muntu kwiyinyenga kwiasa diande.

Yoano 3:3

Yesu bamwalulwile’shi: Binyibinyi, binyibinyi biankulungula’shi: Su muntu takatandjibwa diakabidi, tanakamone bufumu bw’Efile Mukulu, ooo.

Kibafumulwe 21:8

Anka basha moo, na bashī bukumine, na be butete, na bantomboshi, na basha lukyebanokyebano, na basha masende, na balangwidi ba mankishi, na basha madimi boso, abakabungilwe mwishiba aditembe kālo na soufre; luno nyilufulwa kabidi.

I Bena Tesalonika 1:10

na kutengyela (kufika) kwa Mwan’e mwiilu, winyi basangukile ku lufu, (nyi) Yesu betulamunwine ku bukyelo bwanakafikye.

Bena Ngalatea 3:10

Mwanda boso abanemenā mu bikitshino bia mukanda-wa-bishila, abedibwa muloa, mwanda ubafundjilwe’shi: Bedibwe muloā kwi ese shyaididilā mu myanda yoso yibafundjilwe mu mukanda-wa-bishila, kwiyikita.

Bena Loma 8:1

Binyibiabia hano’nyi ta kukī kuhīshwa kwa’aba be mu Kidisitu Yesu, abende mushī mulombene mbidi anka mulombene Kikudi-E-Selelee.

Luka 3:6

Na ba mbidi boso abakamono kihandjilo ki’Efile Mukulu.

Bena Bahebelu 10:29

Anwe anutentekyesha na minyi kukilakila kwa malwa akalombana kwi muntu bāshine Mwan’Efile Mukulu mushi mwa ngwa ye, bahwandjikishanga namu mase a kilombeno abamulamunwine-selelee bu a bisumanga, na ku kaa Kikudi kia bu-muntu.

Bena Bahebelu 2:3

Atwe, atukahanda na minyi su atushyadisha kihandjilo kikata ki bino, kibabadidile kwakulwa kwi Nfumwetu, kibetukankamikilwe kwi’ba abamuhushishe?

Bena Loma 4:15

Mukanda-wa-milangilo aufisha nsungu; binyibiabia su mukanda-wa-milangilo ta wi kwanka, biabia kushula kwa mukanda-wa-milangilo ta kwi kwanka.

Luka 2:30

Mwanda meso ande abamono kihandjilo kiobe;

Mateo 25:46

Binyibiabia bano abakēnde mu malwa a ikala-ika; anka balulame (abakatwele) mu muwa wa ikala-ika.

Mako 16:16

Yaw’akakumina n’akabatshishibwa akahashibwa, ank’awa shī akakumina akahīshwa ku kimu.

Yoano 4:36

N’aumbula atambul’efuto, nākongola bikuba ku muwa-wa-ikala-ika: eshi, mukunyi na munoyi abakasangala hamune.

Yoano 6:58

Uno nyi binyi biashi bibafikile mwiilu: ta hamune’nka bashenukulu babadile, māna, babafwile; ’ādi bino biashi akekala na muwa wa ikala-ika.

Bikitshino 14:2

Anka Bena Yuda abadi bashibakumine abafundulwidile Badjentaila kwibēkasha mashimba afita na bakwabo-bakumine.

Bena Bahebelu 3:18

A nku banyi kubatshihile’shi: tabakatwele mu kikisho kiande, tañanka kwi’ba bashī na kukumina?

Bena Bahebelu 3:19

Biabia atumono’shi: Abakutshilwe kutwela ha mwanda wa kushīkukumina.