Yoano 21:22 - KILOMBENO KIHYA KIA NFUMWETU YESU KIDISITU

²² Yesu bamwambile’shi: Su nankyebe’shi, ayishe mpaa na hankafiki, a ngobe mwanda su? obe ndonde’mi.

Yoano 21:22 Referans Kwoze

Mako 9:1

(Yesu) bebalungwile’shi: Binyibinyi nenuamba’shi: Kwi bamo bemane hano ta bakamono lufu, mpaa n’ahabakamono bufumu bw’Efile-Mukulu abufiki na bukome.

Kibafumulwe 2:25

anka kiakia kia nwi n’akio, nukankamane hanka mpaa na hankafiki.

I Bena Kodinda 4:5

Binyibiabia tanutshibanga (kimu) sunga nkihela kwibedi kwa kihindji kia Nfumwetu takiafikile, e akafisha kwitata myanda yifwame ya mufito wi fututu, na kufumbula’nyi yifībwe ya mashimba; henyihaha muntu he muntu he akekala na ntumbo ye kw’Efile Mukulu.

Kibafumulwe 3:11

Talanga, ngiawa nanfiki lubilo; nyiñamana ku kiakia kiodi n’akio, tala munlu akakuata kilongo kiobe.

Yakoba 5:7

Biabia bakwetu nwishinkei ’mashimb’enu mpaa na lia kufika kwa Nfumwetu. Talangai, mudimi ēfuba ēshā bikuba bineme bia ha nsenga, e na lwishinko lula ha mwanda w’abio, mpaa n’ahakatambula mpeshi a kwibedi n’ā kunfudilo.

I Bena Kodinda 11:26

Mwanda misusa yoso yianudi dino dimpa na kutoma dino ekoho, anulungula lufu lwa Nfumwetu mpaa n’ahakafiki.

Yoano 21:19

Bakwile bino, mwanda wa kuhatula kihaso kia lufu kiakatumbish’Efile Mukulu n’akio. Habahwile kwakula bino, bamulungwile’shi; Ndonde’mi.

Mateo 24:44

Binyibiabia anwe namu nwikale bēmane; mwanda mu nsa yianushyanutentekyesha, Mwan’a Muntu akafiki:

Kibafumulwe 22:20

Winyi e ākula bu kamonyi yino myanda amba’shi: Ee, nafiki bukidi. Amena; fika Nfumwetu Yesu.

Kibafumulwe 22:7

Talangai, nafiki bukidi; sha mwabi yawa alama myanda yibatemukile mu uno mukanda.

Kibafumulwe 1:7

Talangai, ngiwafiki mu makumbi; meso oso akamumono, na benyi abamutahile; bisaka bioso bia hanohansenga abikadidi kitumu ha mwanda we. Ee, anka biabia Amena.

Mateo 25:31

Ahakafiki Mwan’a Muntu mu ntumbo ye, na bamwikeilu boso balamunwe-be-kishila n’e, henyihaha akashala ha luhun’a nsulu lwa ntumbo ye:

Mateo 24:27

Mwanda bu luhenyo lwa mpeshi alufu ku kihindji akitunduka nguba, na kuhenya mpaa na kwa kuhona nguba, anka biabia namu nyi abikekala kufika kwa Mwan’a Muntu.

Mateo 24:3

Habadi mushale ha ngulu ya Olefeta, bana-be-ba-bukishi abafikile kwadi ku bufiefie’shi: Etulungule ahakafiki bino bintu? na kinyi akikekala kitundwilo kia kufika kobe, na kia kunfudilo kwa bahanohansenga?

Mateo 8:22

Anka Yesu bamwalulwile’shi: Ndonde, olekye bafwe bashīkye batwe babo bana bene.

Mateo 16:24

Biabia Yesu balungwile bana-be-ba-bukishi’shi: Su muntu akyebe kundondo ehele na mwinyi, āte nkulusu ye, andonde.

Yoano 21:21

Petelo hakumumona, bakwile kwi Yesu’shi: A Mwanana, a uno namu akekala naminyi?

I Bena Tesalonika 2:19

Mwanda lukuluhilo lwetu, sunga muloo, sunga kilongo kia bōbeshi bwetu bi na minyi? Tananwe kumpalakwa Nfumwetu Yesu Kidisitu ha kufika kwe su?

Yakoba 5:8

Anwe namu mpamunenka eshinkei ’mashimba; kankamishai mashimb’enu: mwanda kufika kwa Nfumwetu takudi hehi.