Yoano 20:25 - KILOMBENO KIHYA KIA NFUMWETU YESU KIDISITU

²⁵ Binyibiabia bangi bana-ba-bukishi abamulungwile’shi: Tubamonanga Nfumwetu. Ank’e bebālulwile’shi: Anka su nankamono mu mās’e mikofu ya misumadi na kutula munwe wande mu mikofu ya misuma di, na kwela mboko yande mu lubafu lwe, anti, tankakumin’emi, ooo.

Yoano 20:25 Referans Kwoze

Yoano 6:30

Binyibiabia abamwihwishe’shi: A nkitundwilo kinyi kio kitshi, tumone, tukukumine? A nkinyi kio fubu?

Mako 16:11

N’abo habahushishe’shi, E na muwa, monwe namu na Madiya, tabakuminyin’ebo, ooo.

Bena Bahebelu 3:18

A nku banyi kubatshihile’shi: tabakatwele mu kikisho kiande, tañanka kwi’ba bashī na kukumina?

Bena Bahebelu 3:12

Dimukai bakwetu, tala kwekala munda mwa umune enu eshimba dibi dishyadikumina, dia kutombokyela kw’Efile Mukulu atala.

Yoano 21:7

Biabia winyi mwan’a bukishi badi mufulwe kifulo na Yesu, bakwile kwi Petelo’shi: Nyi Nfumwetu. Biabia Shimona Petelo, hakuhusha’shi: Nyi Nfumwetu, bekumbidishe mutwelo we wa buhībwe (mwanda badi muswa) bwe betubīle mema.

Yoano 1:41

E, babadidile kuheta Shimona mukwabo ē na mwinyi, tamulungula’shi: Atwe tubamono Meseasa, kuhatula’shi: Nyi Kidisitu.

Luka 24:25

Henyihaha e bebalungwile’shi: Anwe balotakane, na ba mashimba a kuhuñanya kukumina yoso yibākwilwe batemuki;

Mateo 27:42

Badi ahasha bangi, (anka) e na mwinyi bakutwa kwīhasha. Su e nfumu a Isalele, ayikengye binobino ku nkulusu, biabia atwe atukamukumina.

Mako 16:13

Babayile, babakalungwile bakwabo uno mwanda, anka ta mbebakumine’bo, ooo.

Mako 16:14

Biabia nyi bakamwekyele kwi’bo (bana ba bukishi) ekumi na umune, hababadi bashale ku bidībwa, bebebwele n’abo ha mwanda wa kidiodi kiabo na mashimb’abo abadi anka hoo, mwanda tabakuminanga kwi benyi abamumwene habasangukile na muwa.

Yoano 20:27

Henyihaha e bākwile kwi Tomase’ shi: Ola kuno munwe w’obe, tala mboko yande, ola kuno mboko yobe, weile mu lubafu lwande: toikalanga na kushīkukumina, ooo, anka kumina.