Yoano 20:1 - KILOMBENO KIHYA KIA NFUMWETU YESU KIDISITU

¹ Efuku dia mbedi dia lubingo Madiya Mandalene bafikile namashik’ēse ku kilele, tadi anka mufito, bamwene ebwe dialashwe ku kilele.

Yoano 20:1 Referans Kwoze

Mako 16:9

Binyibiabia hababukile Yesu ku lufu (tadi na muwa), ku namashika ese efuku dia kwibedi dia lubingo, babadidile kumweka kwi Madiya Mandelene, winyi E babingile mikishi yisambobidi.

Mateo 27:60

Bekitudile mu nyenyi yihya yibadi mubangule ku lubwebwe; balalesbē’bwe dikata ku kibelo kia nyenyi, bakatukile.

Mako 15:46

N’e baūle mbwisha ya linene lwi buwa bukalabale, biabia bamwiyishishe hashi, bamuhōmbele mwanka, bakamushikile ’muta usēbwemw’ibwe, bālashishe ding’ebwe mpaa na ku kibelo kia muta.

Yoano 20:26

Dinton’nyi abahwile mafuku mwanda bana (be-ba-bukishi babadi mwanka, na Tomase badi n’abo: henyihaha) habikalanga bibi bishitwe Yesu bafikile, bemene munkatshi, bakwile’shi: Kufukama kwikala kwanudi.

Yoano 19:25

Biabia nyin’E na mukwabo na nyin’E, na Madia mpiana a Keleohasa, na Madia Mandalene, abadi bemane hehi ku nkulusu.

Kibafumulwe 1:10

Nadi mwalulwe mu Kikudi-E-Selelee h’efuku dia Nfumwetu, nahushishe eyi dikata bu dia mpungi ku mongo kwande,

Mateo 27:64

Binyibiabia ebakamik’obe’shi, lamai kilele kalolo mpaa na kwifuku dia kasatu tala bana be-ba-bukishi bakafika bufuku kumwiba, bakalungula na bantu’shi: Babuku ku lufu. Biabia kōngola kwa kunyima akukakidi kwa kwibedi.

I Bena Kodinda 16:2

H’efuku dia kwibedi dia lubingo, muntu ese muntu ese a anwe abombeleshe kihindji kia mono, anka mu muhele Efile Mukulu’shi, takukekala’nyi mpungo ya milambu hankafiki.

Bikitshino 20:7

H’efuku dia kwibedi dia lubingo, habebungile balondji b’Efile hamune mu kubasula mampa, na Paulu habadi mwimene luendo habubatokyele, bebalungwile w’Efile, bayididile na mwanda mpaa na ku kilonkatshi kia bufuku.

Mateo 27:56

Munkatshi mwabo mubadi Madia Mangadalene, na Madiya, nyin’a Yakoba, na Yosese, na nyin’a bana ba Sebede.

Mateo 27:66

Biabia abayile, abanyishishe kilele hoo, abalamikile ñanga kwibwe, na kutula kwanka balami.

Mateo 28:1

Kunfudilo kw’efuku dia Sabado, hakubanga bufuku kutoka, mwifuku dia kwibedi dia lubingo, Madiya Mangadalene na mungi Madiya abafikile kutala ku kilele.

Mateo 28:2

Biabia talangai, kubadi kusanasana kwa nsenga, mwanda mwikeilu a Yehowa bayikile mwiilu, bafikile, balalesh’ebwe dibadi ku kibelo, bashalele hanka.

Yoano 11:38

Binyibiabia Yesu n’eshimba difudile munda anka fututu kabidi, bayile ku mashama. Abadi a muta n’ebwe dibadi dibwikile hanka.

Yoano 11:41

Henyihaha babakashishe’bwe dibadi dibwikile ku mashama alale mufwe. Biabia Yesu babandulwile meso’shi: Yaiya nakutumbula mwanda obe bompushisha.