Yoano 2:23 - KILOMBENO KIHYA KIA NFUMWETU YESU KIDISITU

²³ Binyibiabia hatabadi mu Yelusalema henyi ha kia Paque ha (kidibwa kikata,) bebungi abakuminyine eshina die ha bamwene bitundwilo bia bakitshine.

Yoano 2:23 Referans Kwoze

Luka 8:13

Ya ha lubwebwe mbaba abahusha, batambula Mwanda na kusehela; ank’abo tabe na mishi, abakumina’nka kihindji kihela, na ha kihindji kia kutompibwa biabalamunuka.

Yoano 6:14

Binyibiabia, baba bana balume, hababamwene kino kilengeleshe kibakitshine Yesu, babambile’shi: Binyibinyi, uno’u ngi’awa mutemukye akafikye hano-ha-nsenga.

Bena Ngalatea 5:6

Mwanda mu Kidisitu Yesu sunga kisale takī mwesha kintu, sunga takwi kisale, ooo, anka lukuluhilo alukitshisha ha mwanda wa kifulo.

Yoano 7:31

Bantu be bungi babamukuminyine, ababambile’shi: Ahafiki Kidisitu, akakitshi bilengeleshi bikile’bi abikitshi uno su?

Yoano 3:2

Nyi winyi bafikile kwi Yesu bufuku, tamwamba’shi: Labi, tubeuku’shi, obe we mulambukishi mufiki kw’Efile Mukulu, mwanda takwi muntu euku kukita bino bitundwilo biokitshi’bi, anka su Efile Mukulu e n’e.

Yoano 2:13

Henyihaha (kidibwa) kia Paque kia ba Yuda kibadi hehi, biabia Yesu bakamine ku Yelusalema.

Yoano 2:11

Kino, nyi kibangilo kia bitundwilo bibakitshine Yesu mu Kana ka Ngadilea; nyi habafumbwile ntumbo ye: bana-be-ba-bukishi bamukumina.

Yoano 4:45

Binyibiabia habafikile mu Ngadileo, Bena Ngadileo babamukuminyine, mwanda’bo abamwene bintu bioso bibakitshine mu Yelusalema ku kidilo: mwanda’bo namu abayile ku kidilo.

Yoano 5:36

Ank’ami nyi na misambo yikile ya Yoano: mwanda bikitshino biba mpele Yaiya bia kuhudisha, bino bikitshino binakitshi, abintemusha’shi ng’Yaiya bantumine.

Yoano 6:2

Biabia, kibumbu kia bantu kibamulondele, mwanda abamwene bilengeleshi bie, bibadi akitshi kwi basha masungu.

Yoano 11:45

Biabia Bena Yudea be bungi babadi bafikye kwi Madia, abamwene bibakitshine Yesu, abamukuminyine.

I Yoano 3:23

Uno nyi mulangilo we’shi, bibuwai tukumine mwishina dia Mwan’e Yesu Kidisitu, na kutomeshena kifulo, mubetuhelele mulangilo.