Yoano 2:22 - KILOMBENO KIHYA KIA NFUMWETU YESU KIDISITU

²² Biabia habahwile kusanguka ku lufu, bana be ba bukishi abanangushene wawa wabākwile kwabadi; biabia abakuminyine kinyi kifundwe ki’Efile na mwanda wabākwile Yesu.

Yoano 2:22 Referans Kwoze

Yoano 12:16

Bana be-ba-bukishi tababadi beukye yino myanda kwibedi: anka habadi Yesu batumbishibwa, henyihaha nyi hababatentekeshe, na bia binyi bibamufundjilwe na bia babamukitshine.

Yoano 16:4

Anka yino myanda nenulungwile’shi, hakafiki diadi’efuku anukatentekesha binenulungwile kala. Nkimwinulungule yino myanda ku mbangilo, mwanda nadi nenu.

Yoano 14:26

Anka Musambi nyi Kikudi-E-Selelee, akatumu Yaiya mwishina diande, E akenulambukisha bintu bioso, na kwinutentekesha bioso binenulungula’bi.

Yoano 2:17

Biabia bana-be-ba-bukishi abatentekyeshe mwaudi ufundwe’shi: Kinsukunsuku kia nshibo yobe nyi kibanshidisha.

Bikitshino 11:16

Henyihaha natentekyeshe mwanda wa Nfumwetu mwabakwidile’shi: Binyibinyi Yoano babatshishanga na mema, anka anwe anukabatshishwa mu Kikudi-E-Selelee.

Yoano 2:11

Kino, nyi kibangilo kia bitundwilo bibakitshine Yesu mu Kana ka Ngadilea; nyi habafumbwile ntumbo ye: bana-be-ba-bukishi bamukumina.

Luka 24:44

Binyibiabia bebalungwile’ shi: Yino nyi yinyi myanda yanenulungwile hanadi nki nenu’shi, myanda yoso wayidi n’ao ngwa kukumbashwa yibadi yifundwe mu mukanda-wa-Mosesa na mu batemuki, na (mu) ñono ya Milangwilo, ha mwanda wande.

Luka 24:26

Tayibadi yihwandjikile Kidisitu kufwambuka mu yino myanda, na kutwela mu ntumbo ye su?

Yoano 2:2

Biabia Yesu na bana-be-ba-bukishi babaitanyinwe kwibambo.

Bikitshino 13:33

Efile Mukulu beukumbesha kwatudi’twe bana babo hakubusha Yesu; mwakibafundjilwe namu mu lono lwa-milangwilo lwa kabidi’shi: Obe we Mwan’ande, lelo uno nkutandjile.