Yoano 2:13 - KILOMBENO KIHYA KIA NFUMWETU YESU KIDISITU

¹³ Henyihaha (kidibwa) kia Paque kia ba Yuda kibadi hehi, biabia Yesu bakamine ku Yelusalema.

Yoano 2:13 Referans Kwoze

Luka 2:41

Ku kihwa na kihwa nshye na nyin’e abendanga ku Yelusalema ku Kidibwa kia kusehela kia Pāque.

Yoano 11:55

Biabia Pashika ya Bena Yudea yibadi hehi: be bungi abakatukile ku mpese yabo, bēnde ku Yelusalema kwibedi kwa Pashika, mwanda wa kwisūla.

Yoano 2:23

Binyibiabia hatabadi mu Yelusalema henyi ha kia Paque ha (kidibwa kikata,) bebungi abakuminyine eshina die ha bamwene bitundwilo bia bakitshine.

Yoano 6:4

Binyibinyi, Mpashika, nyi bidibwa bia kusehela bia Bena Yudea yibadi hehi.

Yoano 5:1

Hakubahu bino kubadi bidibwa bia kusehela bia Bena Yudea; na Yesu bakamine ku Yelusalema.

Mateo 21:12

Henyihaha Yesu batwēlele mu ntempelo y’Efile-Mukulu, babingile boso abadi abahana na kuula mu ntempelo, baubikile mesa a bashintudi ba nfalanga, na bishalelo biabahananga nkudimba.

Mako 11:15

Abafikile ku Yelusalema, Yesu batwelele mu ntempelo, babangile kubinga’ba babadi abahana na kusumba bintu mu ntempelo. Bahonesha hashi namu mesa a abeshintushenanga n’ao ’mono, na mankwasa a baba babadi abahana tonyi twa nkudimba.

Luka 19:45

Binyibiabia batwelele mu ntempelo, babangile kwibabingila hasha, aba badi ahana na kuula mwanka.

Yoano 13:1

Biabia habadi Bidibwa bia Kukila kwa Yeowa takwafikile, Yesu beukile’shi: kihindji kie kibafiki kwandji a kukatuka hano-ha-nsenga, kwenda kwi Yaiya, E badi na kifulo na bantu b’E ba hano-ha-nsenga, E nabo kifulo mpa na kunfudilo.