Yoano 19:34 - KILOMBENO KIHYA KIA NFUMWETU YESU KIDISITU

³⁴ Anka musalai umune bamutubwile mulumbu mu lubafu lwe, ka hindji n’āka mubatukile mase na mema.

Yoano 19:34 Referans Kwoze

I Yoano 5:6

Yesu Kidisitu nyi na mwinyi bafikile ha mema na mase; kushī anka’o mema, ooo, anka na mema na mase. Nyi n’Kikudi-E-Selelee namu ākula bu kamonyi, mwanda Kikudi-E-Selelee nyi nga binyibinyi.

I Yoano 5:8

Kwi basatu namu abākula bu tumonyi hanohansenga, kwi Kikudi-E-Selelee, na mema, na mase, na (bano) benyi basatu mbalombashene bu umune.

Kibafumulwe 7:14

N’ami namwalulwile’shi: A Mwanana, obe weuku. E bandungwile’shi: Bano nyi mbenyi abatukile ku kishiotshi kikata, abasula mitwelo yabo, abaitosha selelee mu mase a Mwan’a Mukoko.

Bena Efisesa 5:26

mwadia kwikilamunwina tankishila, na kwikisula mema a bishima bibakwilwe.

Kibafumulwe 1:5

na kwi Yesu Kidisitu, kamonyi ka kishima, mwan’a mbedi musangukye ku bafwe, mutontshi a banfumu ba hanohansenga. Kwi yawa betufule kifulo, na kwitusula ku milwisho yetu mu mase e;

I Petelo 3:21

Kinyi kihwandjikisho kia lubatshisho hamunemka alwituhashā (kushī kukashibwa kwa biko bia mbidi, ooo, anka nyi nkukyeba kw’eshimba dibuwa dia munda kw’Efile Mukulu) ha lusangukilo lwa Yesu Kidisitu,

Bena Bahebelu 9:22

Mwiyile mukandawa-bishila hehi bintu bioso abitoshwa ku mase; na hashī kusololoka kwa mase takwi kulekyelwa kwa myanda.

Bena Bahebelu 9:13

Mwanda su masea ñombe n’a mbushiyilume, na buto bwa ñombe a musambala bimaminwe he abashula bishila abilamunusha-selelee mpaa na kutosha kwa ku mbidi;

Tetusa 2:14

Betwihanyine e na mwinyi mwadia kwitukūdila ku bubi boso, na kutosha (atwe) bantu tatudi b’e kwadi e na mwinyi, ba kinsukunsuku kia bikitshino bilumbulukye.

I Bena Kodinda 6:11

Anka biabia nyi bibadi bamo ba munkatshi mwenu, anka (bino) nwibasudibwe, nwibalamunwe-selelee, nwibabingishwe mwishina dia Nfumwetu Yesu, na kwi Kikudi-E-Selelee e Efile Mukulu etu.

I Bena Kodinda 1:30

Anka kwadi e nyi kwanudi mu Kidisitu Yesu, betwialulwidile bu binangu, na kululama kwi’shimba, na kulamunwa-kwi-selelee, na kikudilo’shi,

Mateo 27:62

Binyibiabia efuku dibadi adilondena n’adia Kilumbulwilo, batshiite-bakwidi bakata na Bafadiseo abebungile kwi Pilato,

Bikitshino 22:16

A binobino oesha kinyi? ebwe, obatshishwe, otumpe milwisho yobe, wetanyine h’eshina dia Mwanana.

Yoano 19:33

Anka habafikile kwi Yesu, abamumwene tafwile kalā, tambamutshimune mikolo ye.

Yoano 20:20

E habahwile kwakula biabia, bebalesheshe māsa na lubafu bie. Henyihaha bana-ba-bukishi hakumona Nfumwetu abasehela.