Yoano 19:30 - KILOMBENO KIHYA KIA NFUMWETU YESU KIDISITU

³⁰ Yesu habatambwile nfinyo yisase, bambile’shi: Kubahu. Henyihaha banyekyele mutwe we, batūle eshimba.

Yoano 19:30 Referans Kwoze

Yoano 17:4

Nahu kukutumbisha hano-hansenga: nahu kuobesha mufubo ubompele kukita.

Bena Fidihai 2:8

Biabadi musananwe mu kihaso kia bu muntu, beheleshe e na mwinyi, bakokyele mpaa na ku lufu, n’alo lwinyi ndufu lwa ku mutshi wa nkulusu.

Bena Bahebelu 12:2

twikyebulei kwi Yesu, kimankinda na mukumbashi a lukumino, winyi e ha mwanda wa kusehela kubatudilwe ku mpala kwe, bañyinamene (ku) nkulusu, basabulwile būfu, tadi mushale ku mboko yibalume ya luhun’a nsulu lw’Efile Mukulu.

Yoano 10:11

Ami nyi katshunga kebuwa, katshunga kebuwa afwila mikoko.

Luka 23:46

Henyihaha Yesu habadile n’eyi dikata, bakwile’shi: A Yaiya, natulu kikudi kiande mu māsa obe: habahwile kwakula biabia, batule muwa we.

Bena Loma 10:4

Mwanda Kidisitu nyi nfudilo ya mukanda-wa-milangilo wa kululama kwi bosoboso abakumina.

Yoano 19:28

Kumongo kwa yino, Yesu hakwiuka’shi, bintu bioso bibakitshinwe’shi, kifundwe kikumbanyinyine, bakwile’shi: Nyi na nyota.

Mako 15:37

Biabia Yesu belel’eyi di’E bi bukoho, (kahindji n’āka) batudil’eshimba die.

Yoano 10:18

Takwi muntu sungangumune akwiunyeñana, anka newitudila’mi na mwinyi. Nyi na matalwa akwiutula, nyi na matalwa namu kwiuata kabidi. Uno mulayilo neutambwile kwi Yaiya.

Yoano 4:34

Yesu bebālulwile’shi: Bidibwa biande nyi mbino’shi: Nkite akikyeb’eshimba di’awa bantumine, na kuhudisha mufubo we.

Mateo 20:28

Mwanda Mwan’a Muntu tamufwile kufubilwa ooo; anka kwibafubila, na kuhana muwa w’e bu nkūlo ya be bungi.

Mateo 27:50

(Biabia) Yesu habēle musase n’eyi di bukoho diakabidi, batūle muwa w’e.

Bena Bahebelu 9:22

Mwiyile mukandawa-bishila hehi bintu bioso abitoshwa ku mase; na hashī kusololoka kwa mase takwi kulekyelwa kwa myanda.

Bena Loma 3:25

Winyi batudibwe kwifile-Mukulu bu mulambu wa kubwikila bubi (ba bantu,) wa mu tukumino mu mase e, mwaleshesha kululama kwe ha mwanda wa kulekyelwa kwa milwisho yibakitshinwe kala, mu kuhuñanya kw’Efīle-Mukulu;

Mateo 3:15

Biabia Yesu bamwalulwile’shi: Kumina’, nka biabia binobino; mwanda ubetuhwandjikile’twe kukumbasha kululama kwishimba koso. Henyihaha bamukuminyine.

I Bena Kodinda 5:7

Binyibiabia katushai kinyi kitatusho kikulu’shi, nwikale mutanda uhya, mwanda nwi bu bashī batatushwe. Mwanda paque ’ētu betutahilwe, nyi Kidisitu.

Luka 22:37

Mwanda nenulungula’shi: uno ubafundjibwe waudi na’o ngwa kukumbashwa mwimi’shi: Badi mubadikwe na basodi ba myanda. Mwanda bintu bioso binemene bi na kunfudilo.