Yoano 17:25 - KILOMBENO KIHYA KIA NFUMWETU YESU KIDISITU

²⁵ A! Yaiya Mululame ba hano ha nsenga tababadi bakwiukye, anka’mi bakuukyile, n’abo namu babeuku’shi, Obe bontumine.

Yoano 17:25 Referans Kwoze

Yoano 17:11

Binobino tanyikala dimo hano-ha-nsenga, anka bano bakī ha nsenga, ami nfikye kodi. Yaiya E Selelee a Kishila, Ebalame mwishina diobe baba babompele’shi, bekale buumune, mwatudi bekele’twe.

Yoano 17:8

Mwanda, nebahele myanda yibompele, n’abo abeyitambwile, abahu kushingula binyibinyi’ shi, natukile kodi, babakuminyine namu’shi, Obe bontumine.

Yoano 15:21

Anka bino bintu bioso abakenukitshina ha mwanda w’eshina diande, mwanda tambeukye awa bantumine.

Yoano 7:29

Anka’mi nyimumwiukye, mwanda nyi mufikye kwadi, n’E bantumine.

Yoano 16:27

Mwanda Yaiya na mwinyi mwinufule kifulo, ha mwanda’nwe nubadi banfule’mi kifulo, nubakuminyine’ shi, nantukile kw’Efile Mukulu.

Bena Bahebelu 8:11

Tabakelambukishena muntu na mwikashi n’e, n’ese muntu mukwabo’shi: Nwiukye Yehowa, ooo; mwanda boso abakañuku, kubangila kwi bakilekile buhela mpaa na kwi bakilekile bukata.

Ii Bena Kodinda 4:4

mwabadi efile-a-bahanohansenga bēle mufito ku binangu bia’ba bashī bakumine, tala etata dia mukāndu-wibuwa wa ntumbo ya Kidisitu, E nyi nkyebukilo y’Efile Mukulu, diakebamunyika.

Yoano 10:15

Anka bu binukye Yaiya, neuku Yaiya namu anka hamune: natudile mikoko muwa wande.

Yoano 8:55

Biosobi tanwibamwiukye; anka’mi nyi mumwiukye: su nakula’mishi: tamwiuku, biabia nankekala mudimbanyi hamunenka anwe; anka ami biandji mwiukye, na lamīna mwanda we.

Luka 10:22

Bintu bioso bibamfishishwa kwi Nshyami, anka takwi sunga ngumune euku Mwana, anka Yaiya; na Yaiya namu takwi sunga ngumune amwiuku anka Mwana; na yawa, Mwana akamusokwela kwadi.

Kibafumulwe 13:8

Na boso babombele hanohansenga banakamulangwile, boso bashī na mashina’bo abafundjilwe mu mukanda wa muwa wa Mwan’a-Mukoko, mwihayibwe mpaa na ku mbangilo ya hanohansenga.

I Yoano 1:9

Su atukumina milwisho yetu, e na kishima na kululama kwitulekyela milwisho yetu, na kwitutosha ku yishīyilulame yoso.

Ii Bena Tesalonika 1:8

mu kālo k’edimi aditembe hyuu, kwibōbolā’ba bashyabeuku Efile Mukulu, na kushi kukokyela mukānduwibuwa wa Nfumwetu Yesu Kidisitu.

I Bena Kodinda 15:34

Hasukilai ku kululama kweshimba, tanusolanga namu mwanda, mwanda bamo tabe na kiukilo ki’Efile Mukulu; nākula uno mwanda kwinukwatshisha būfu.

I Bena Kodinda 1:21

Mwanda mwiyile kalolo k’Efile Mukulu, bahanohansenga tambeukye Efile Mukulu ku binangu, ooo, (biabia) Efile Mukulu bamwene buwa kuhashā’bo abakumina, ku bulotakane bwa bulungudi bw’Efile.

Bena Loma 3:26

biabia mwanda wa kulungula mu kino kihindji kululama kwe’shi, biadia kwikala na kwibingisha, na bu mubingishi a muntu e na kukumina kwa mu Yesu.

Bena Loma 3:11

Takwimuntue na binangu; Akukimba Efile-Mukulu te kwanka.

Bena Loma 1:28

Biabahele Efile-Mukulu kwikala mu kiyukilo kiaho, Efile-Mukulu namu bebahene kwishimba dia mpuha, dia kukita’nka’yo myanda yishi yilombane mwanka;

Bikitshino 26:18

okyebabule meso, na kwibafutalasha ku mufito, batadile kwitata, na ku matalwa a Satana namu, batadile kw’Efile Mukulu mwabadia kutambwila kulekyelwa kwa milwisho, na buhyianyi munkatshi mwabo balamunwe-selelee ku lukuluhilo lwi mwandji’mi.

Bikitshino 17:23

Mwanda hanadi akidi, na hakutala kulangwila kwenu, nasañene kitalakia-milambu kibadi kifundwe hanka’shi: KW’EFILE SHIEUKIBWA. Nyi anulangwila na kuhatamina; awa a nyi nulungula.

Yoano 17:23

Ami nyikale munda mwabo, n’obe namu mwande eshi bekale balombane bu umune, eshi bahanohansenga beukye’shi obe bontumine, n’obe bohu kwikala n’abo kifulo, bu modi nami kifulo.

Yoano 17:21

Eshi, boso bwabo abakekala būmune, anka modi mwikele Obe Yaiya mwandji, n’ami namu modi, eshi bekale namu mwatudi’twe, eshi, ba ha nsenga bakumine’shi obe bontumine.

Yoano 17:18

Anka mu bontumine hano-ha-nsenga, biabia nami namu nebatumine hano-ha-nsenga.

Yoano 17:3

Na uno nyi muwa-wa-ikala-ika, abo kukuuk’obe Efile Mukulu, ’mune’nka a binyibinyi; na Yesu Kidisitu a botumine.

Yoano 16:30

Binobino, atwiuku binyibinyi’shi Obe weukubintu bioso, twe na kiokyebe kwihusha muntu ooo: nyi ha uno atukumina’shi, botukile kw’Efile Mukulu.

Yoano 16:3

Abakenukitshi yino myanda, ha mwanda tambeukye Yaiya, sunga nami.

Yoano 8:19

Biabia babamwihwishe’shi: Shobe E kwi kunyi? Yesu bebalulwile’shi: Tanwibanukye, sunga Shami; su nubadi a kunuka, nubadi a kwiuka Yaiya namu.

Yoano 6:19

Biabia, habaitshile bwato kihimo bu kilometre inanka su itano, abamwene Yesu atambuka hanundu ha mema, afiki kwihi na bwato, n’abo abakwatshibwe na moo.

Yoano 3:17

Mwanda Efile Mukulu tamutume Mwan’E hanohansenga mwadia kutshibila bahanohansenga, ooo, anka’shi, be ha nsenga bahashibwe mwadi E.

Yoano 1:18

Takwi muntu sunga ngumune bamwene Efile Mukulu sunga mpahelahela, winyi Mwan’umun’enka eleka E mu kiadi kia nshye; ñanka E bamutemwine.

Mateo 16:16

Shimona Petelo bamwālulwile’shi: Obe we Kidisitu, Mwan’Efile Mukulu a muwa.

Mateo 11:27

Bintu bioso bibampelwe kwi Yaiya, takwi muntu euku Mwana, anka Yaiya; sunga muntu euku Yaiya, anka Mwana, na yawa kwi ese muntu Mwana akamufumbula.

Kibafumulwe 16:5

N’ami nahushishe mwikeilu e hanundu ha mema akula’shi: A Yehowa, obe we mululame, we kwanka binobino, bodiko kala, mwanda botshibile biabia;