Yoano 17:21 - KILOMBENO KIHYA KIA NFUMWETU YESU KIDISITU

²¹ Eshi, boso bwabo abakekala būmune, anka modi mwikele Obe Yaiya mwandji, n’ami namu modi, eshi bekale namu mwatudi’twe, eshi, ba ha nsenga bakumine’shi obe bontumine.

Yoano 17:21 Referans Kwoze

I Bena Kodinda 12:12

Mwanda’nka mwikele mbidi ngimune, yi na biakumbidi bibungi namu, na (bino) biakumbidi bioso sunga bibungi, nganka mbidi yimune, nyi anka mwikele Kidisitu namu.

Yoano 17:11

Binobino tanyikala dimo hano-ha-nsenga, anka bano bakī ha nsenga, ami nfikye kodi. Yaiya E Selelee a Kishila, Ebalame mwishina diobe baba babompele’shi, bekale buumune, mwatudi bekele’twe.

Bena Fidihai 1:27

Anka mwikelo weno wikale ulombane mu mukāndu wibuwa wa Kidisitu’shi, sunga nankafika kwinumona, sunga nkwikala shī kwanka nenu, nankahusha bia nyikashi yenu’shi, nwibanyiñamane n’eshimba dimune, na kikudi kimune, na kwinyishena hamune ha mwanda wa lukumino lwa mukāndu-wibuwa w’Efile Mukulu;

Yoano 13:35

Biabia nyi habakenwiukila bu bana-bande-ba-bukishi, su nwi na kifulo anwe bana bene.

Bikitshino 4:32

Kibumbu ki’ aba abadi bakumine kibadi na mashimba amune, na muwa wabo umune: takubadi sunga ngumune amba’shi: Yino mono ngiande anka’mi na mwinyi, ooo; yibadi yabo abo boso.

Yoano 17:8

Mwanda, nebahele myanda yibompele, n’abo abeyitambwile, abahu kushingula binyibinyi’ shi, natukile kodi, babakuminyine namu’shi, Obe bontumine.

Yoano 10:38

Ankasu nakitshi (mnyanda) sunga tanunkumina’mi, kuminai bikitshino; na kwiuka nwiukye, nukumine’shi, Yaiya E mundea, mwanda, nami namu nyi munda mwe.

Yoano 10:30

Ami na Yaiya twi umune.

Bena Ngalatea 3:28

Mwadi e takwi mwina Yuda, sunga mwina Ngidiki, takwi sunga mpika, sunga muluñantu, takwi sunga mulume sunga mukashi; mwanda’nwe boso nwi bū’mune mu Kidisitu Yesu.

I Bena Kodinda 1:10

Binyibiabia nenusendela bakwetu mwishina dia Nfumwetu Yesu Kidisitu, eshi; anwe boso nwisambe mwanda umune, tanwikalanga na kwilamuña munkatshi mwenu, anka nwikale balombanyinyine hamune mwishimba dimune na mu binangu bimune.

Bena Loma 12:5

Mpamunenka, mwatudi bekele n’atwe benyi, mwa twibafwimine muno, twi mbidi yimunenka mu Kidisitu, n’atwe boso biatudi biakumbidi, au ku mukwabo, au ku mukwabo, atwe bana bene.

I Yoano 5:7

Mwanda kwi basatu abākula bu tumonyi mwiilu, kwi Yaiya, na winyi Mwanda, na Kikudi-E-Selelee, na (bano) benyi basatu be umune.

Bikitshino 2:46

Abo abadi bekale n’eshimba dimune mu ntempelo kwifuku n’efuku, na kutshimuna dimpa ku mashibo ku mashibo, abādi bidibwa biabo na kusehela n’eshimba dimune.

Yoano 17:25

A! Yaiya Mululame ba hano ha nsenga tababadi bakwiukye, anka’mi bakuukyile, n’abo namu babeuku’shi, Obe bontumine.

Yoano 10:16

Yingi mikoko yandji nayo, tangya luno luhoho: mwandji nao ngwa kut’ika nayo, ayikahusha eyi diande; ayikekala lombe lumune, na katshunga kamune.

Yoano 17:3

Na uno nyi muwa-wa-ikala-ika, abo kukuuk’obe Efile Mukulu, ’mune’nka a binyibinyi; na Yesu Kidisitu a botumine.

Yoano 5:23

Eshi, boso bakanemeka Mwana, anka hamune mwabanemeka Yaiya. Awa shi anemeka Mwana, ta munemeka Shye bamutumine.

Yoano 3:17

Mwanda Efile Mukulu tamutume Mwan’E hanohansenga mwadia kutshibila bahanohansenga, ooo, anka’shi, be ha nsenga bahashibwe mwadi E.

Yoano 17:18

Anka mu bontumine hano-ha-nsenga, biabia nami namu nebatumine hano-ha-nsenga.

Yoano 11:42

Neukile’shi ompushisha mafuku oso: anka ha mwanda wa bano bantu bemane, nakula uno mwanda’shi, bakumine’shi, Obe bontumine.

Yoano 17:20

Tantekyela’nka’bo buhenka, nantekyela namu mpā na bankakumina ku mwanda wabo.

I Bena Kodinda 6:17

Anka yawa mwilungishene na Nfumwetu tadi kikudi kimune.

I Yoano 1:3

kiakia kiatubamwene na kiatubahushishe atwinulungula’shi, anwe namu numone kilombeno n’etu: binyibinyi kilombeno kietu ki na Yaiya, na Mwan’e Yesu Kidisitu:

Mako 3:24

Su bufumu namu abwilamuna, abu bu na mwinyi, biabia bwabwa būfumu abukutwa kushāla.

Yoano 13:32

Su Efile Mukulu batumbishwa mwadi E, Efile Mukulu akamutumbisha mwadi E na mwinyi, aka mutumbisha binobino.