Yoano 17:2 - KILOMBENO KIHYA KIA NFUMWETU YESU KIDISITU

² Anka bu mu bomuhele matalwa ha bantu boso’shi, akahe boso babomuhele muwa wa-ikala-ika.

Yoano 17:2 Referans Kwoze

Yoano 6:39

Bino nyi abikyebe eshimba dia bantumine’shi: ku bioso biampele, tankashimisha sunga nkimune; anka nkekisangula h’efuku dia nkonko.

Yoano 6:37

Boso babampele Yaiya abakafiki kwandji, n’e afiki kwandji ta nkamubingi, ayoyo.

Yoano 17:24

Obe Yaiya nakyebe’shi baba namu babompele, bekale kwandji mwikale, yabadia kumona ntumbo yande yibompele, mwanda bodi nami kifulo, kwibedi kwa kibangilo kia nsenga.

Mateo 28:18

Henyihaha Yesu bafikile, bakwile n’abo’ shi: Katshintshi koso kampebwe mwiilu na ha nsenga.

I Yoano 5:20

Atwiuku namu’shi. Mwan’Efile Mukulu bafikile, betuhele kishingulwilo’shi, twiukye yawa sha binyibinyi, n’atwe twi mwandie nyi a binyibinyi, munda mwa Mwan’e Yesu Kidisitu. E nyi Efile Mukulu a binyibinyi na muwa wa ikala-ika.

Yoano 17:9

Ami nebatekela: nki mutekele be-hano-ha-nsenga, anka baba babompele; mwanda baba mbobe.

Yoano 17:6

Namwekeshe’shina diobe kwi’ba bantu baha-nsenga babompele; babadi bobe, n’obe bwebampele n’abo abalamine mwanda wobe n’abo abalamine mwanda wobe.

Yoano 4:14

anka ese akatomo ku ā mema ankamuha, takahusha’nyi nyota dimo, ooo, sunga mpahelahela; anka ā mema ankamuha akekala munda mwe bu nsulu ya mema afifuka, mpaa na mu muwa-au-tala wa ikala-ika.

Yoano 3:35

Yawa afula Mwana kifulo, bamuhele namu bintu bioso mwiasa di’e.

I Yoano 2:25

Na uno nyi mulayilo wabetulayile, nyi muwa wa ikala-ika.

I Petelo 3:22

e tabahwile kutwela mwiilu, mushale namu ku mboko yibalume y’Efile Mukulu; bamwikeilu na bamatalwa na babukome ababofwishwe kwadie.

Bena Bahebelu 1:2

e mu ano mafuku a kunfudilo bākwile kwatudi mu Mwan’e, winyi abasangwile bu mpyanyi a bintu bioso, kwadi e namu nyi kubahangilwe hanohansenga hoso,

Mateo 11:27

Bintu bioso bibampelwe kwi Yaiya, takwi muntu euku Mwana, anka Yaiya; sunga muntu euku Yaiya, anka Mwana, na yawa kwi ese muntu Mwana akamufumbula.

Yuda 1:21

Nwilame mu kifulo ki’Efile Mukulu, na kutengyela lusa lwa Nfumwetu Yesu Kidisitu mpaa na ku muwa wa ikala-ika.

I Yoano 1:2

(mwanda muwa ubamwekyelwe, n’atwe tweumona, na kwakula bu kamonyi, na kwinulungula (awa) muwa wa ikala-ika, ubadi na Yaiya ubetufumbudilwe;)

I Temote 1:16

Anka ha uno mwanda nyi wanatambwila lusa’shi, Yesu Kidisitu aleshe kahuñanyi mwandji’mi kwikala bu kihwandjikisho kwi’ba abakakumina mwadi e mpaa na ku muwa wa ikala-ika.

Bena Fidihai 2:10

kwishina dia Yesu manwi oso akuname, su ngā’mwa mwiilu, su ngā hano hashi, su ngā mushi mwa hashi,

Bena Efisesa 1:20

bwabakitshine mu Kidisitu habamusangwile ku lufu, na kumushadika ku mboko ye yibalume amwa mwiilu,

I Bena Kodinda 15:25

Mwanda wadi n’au ngwa kubikala, mpaa na hakahu kwashina boso bakumushikwa.

Bena Loma 6:23

Mwanda efuto dia milwisho ndufu; anka buntu bwa bisumanga bw’Efile-Mukulu ’muwa wa ikala-ika, mu Kidisitu Yesu Nfumwetu.

Yoano 6:27

Tanufubilanga bidibwa abinyanga, anka ku bia kwikala mpa na ku muwa wa ikala-ika; abikenuha Mwan’a Muntu, mwanda E batudilwe kitundwilo kwi Yaiya Efile Mukulu na mwinyi.

Mateo 25:46

Binyibiabia bano abakēnde mu malwa a ikala-ika; anka balulame (abakatwele) mu muwa wa ikala-ika.