Yoano 17:11 - KILOMBENO KIHYA KIA NFUMWETU YESU KIDISITU

¹¹ Binobino tanyikala dimo hano-ha-nsenga, anka bano bakī ha nsenga, ami nfikye kodi. Yaiya E Selelee a Kishila, Ebalame mwishina diobe baba babompele’shi, bekale buumune, mwatudi bekele’twe.

Yoano 17:11 Referans Kwoze

Mateo 6:9

Binyibiabia nutekye anka bino’shi, Yaiya etu E mwiilu, Eshina diobe dishilwe kishila.

Bena Bahebelu 9:24

Mwanda Kidisitu tamutwēle mu bihatulwe-bikishila bikitshibwe na maasa, bi bu bihwandjikisho bi’abia biabinyibinyi, ooo; anka mwiilu mwi na mwinyi, ku mweka ku mpala kw’Efile Mukulu ha mwanda w’atwe;

Bena Efisesa 4:4

Kwi mbidi yimunenka, na Kikudi-E-Selelee umune nyi anka mwanubetanyinwe mu lukululiilo lumune lwa lwitamino lwenu;

Bena Fidihai 2:9

Henyihaha Efile Mukulu bamukamishe mwiilu mwi bula, bamuhele eshina dikile angi mashina oso’shi,

Yoano 17:25

A! Yaiya Mululame ba hano ha nsenga tababadi bakwiukye, anka’mi bakuukyile, n’abo namu babeuku’shi, Obe bontumine.

Yoano 13:1

Biabia habadi Bidibwa bia Kukila kwa Yeowa takwafikile, Yesu beukile’shi: kihindji kie kibafiki kwandji a kukatuka hano-ha-nsenga, kwenda kwi Yaiya, E badi na kifulo na bantu b’E ba hano-ha-nsenga, E nabo kifulo mpa na kunfudilo.

Bena Bahebelu 1:3

e biadi mbadibadi ya ntumbo ye, na nkyebukilo yi’anka hamune yi a na mwinyi, na kwikasha bintu bioso ku bishima bibakwilwe mu bukome bwe, habahwile e na mwinyi kutosha milwisho yetu, bashalele ku mboko yibalume ya mukata mukilekile a’mwa mwiilu;

Yoano 16:33

Nenulungwile bino bintu ami’shi, nwikale na kufukama mwandji mi. Hano-ha-nsenga anukamono bishiotshi bia malwa: anka nyishei mashimba enu; Ami nahu kuobesha ba-hanoha-nsenga.

Yoano 14:20

Mu dia di’efuku anukeuku’ shi: Ami nyi munda mwa Yaiya, n’anwe nwi munda mwande, nami namu nyi munda mwenu.

Yuda 1:1

Yuda, mpika a Yesu Kidisitu, mukwabo na Yakoba, kwi’ba abaitanyinwa, batomibwe kifulo mw’Efile Mukulu Yaiya, abalamibwa na Yesu Kidisitu.

I Yoano 5:19

Atwiuku’shi, twi ba kw’Efile Mukulu, na biahanohansenga bioso mbilale mwi’wa mubi.

Yakoba 4:4

Anwe bashudi ba kishila ki’ebambo tanwiuku’shi, bukūku na bia hanohansenga nyi nduhuna n’Efile Mukulu? biabia ese akekala bu kūku na bia hanohansenga e mushikwa n’Efile Mukulu.

Bikitshino 3:21

Nkihwandjikile mwiilu kumutambula mpaa na ku bihindji bia kulumbula kwa bintu bioso, bibakwile Efile Mukulu ku kanwa kwa batemuki be bahatulwe-be-kishila, kasha babangile hanohansenga.

Yoano 13:3

Yesu beukile’shi, Shye bamuhele bintu bioso mu mase E, n’E namu badi bafikile kw’Efile Mukulu, akaluka kw’Efile Mukulu namu.

Kibafumulwe 4:8

Na nyama ya muwa yinanka yibadi na mbaba yisamombo, (yibadi) yiule meso (ebungi) kwifunya na munda; n’ayo tayikishā kanya na bufuku, ayo’shi: Muhatulwe-Ekishila (nyi) Yehowa Efile Mukulu Shabukome-boso, e badi kala, e kwanka binobino, n’e anakafikye.

I Petelo 1:5

kwi baba abalamibwā mu bukome bw’Efile Mukulu ha lukulu hilo ku kihandjilo, kilumbulwe kwikala kifumbulwe mu kihindji kia kunfudilo.

Bena Ngalatea 3:28

Mwadi e takwi mwina Yuda, sunga mwina Ngidiki, takwi sunga mpika, sunga muluñantu, takwi sunga mulume sunga mukashi; mwanda’nwe boso nwi bū’mune mu Kidisitu Yesu.

I Bena Kodinda 1:10

Binyibiabia nenusendela bakwetu mwishina dia Nfumwetu Yesu Kidisitu, eshi; anwe boso nwisambe mwanda umune, tanwikalanga na kwilamuña munkatshi mwenu, anka nwikale balombanyinyine hamune mwishimba dimune na mu binangu bimune.

Bena Loma 12:5

Mpamunenka, mwatudi bekele n’atwe benyi, mwa twibafwimine muno, twi mbidi yimunenka mu Kidisitu, n’atwe boso biatudi biakumbidi, au ku mukwabo, au ku mukwabo, atwe bana bene.

Bena Loma 9:17

Mwanda Bifundwe bibamwakudile Pālo’shi; Nyi ha mwanda uno unakwibosheshe eshi, mwandjia nkuleshesha ntshitshiba yande kodibe, n’eshina diande dihalakane kosokoso hanohansenga.

Yoano 16:28

Nantukile kwi Yaiya nafika hano-ha-senga; dimonyi nankatuka ha nsenga, nende kwi Yaiya.

Yoano 7:33

Binyibiabia Yesu bebalungwile’shi: Nyi anka nenu kihindji kihela, biabia nyende kwi bantumine.

Mateo 10:16

Talai! Nenutumu bu mikoko munkatshi mwa tumīshi: binyibiabia nwikale na budimu bwa manyoka, na kuhohela bu nkudimba.

Mateo 5:48

Binyibiabia nwikale bakumbane, bu bi Shyenu E mwiilu E mukumbane.

Kibafumulwe 19:12

Meso e abadi bwidimi dia kālo, na ha mutwe he habadi bilongo bibungi; badi n’eshina difundwe dishī diukye muntu, ank’e na mwinyi.

Kibafumulwe 15:4

A Yehowa, a nanyi shyakakutshinyi na kutumbisha eshina diobe? mwand’ank’obe nyi muhatulwe-e-kishila; mwanda mīlo yoso yanakafike kulangwila ku mpala kobe; mwanda bikitshino biobe bilulame bibafumbwilwe.

Yuda 1:24

Binobino kwadie euku kwinulama ku kukokola, na kwinutula ku mpala kwa ntumbo ye kushī kilema na muloo ukilekile,

I Yoano 3:12

Tatwikalanga bu Kana badi ā’wa mubi, bayihayile mukwabo, ooo. A bamwihayile ha mwanda kinyi? Mwanda bikitshino bie na mwinyi bibadi bibubi, a kunyi bia mukwabo nyi bibadi bilulame.

Yoano 17:6

Namwekeshe’shina diobe kwi’ba bantu baha-nsenga babompele; babadi bobe, n’obe bwebampele n’abo abalamine mwanda wobe n’abo abalamine mwanda wobe.

Yoano 17:23

Ami nyikale munda mwabo, n’obe namu mwande eshi bekale balombane bu umune, eshi bahanohansenga beukye’shi obe bontumine, n’obe bohu kwikala n’abo kifulo, bu modi nami kifulo.