Yoano 16:22 - KILOMBENO KIHYA KIA NFUMWETU YESU KIDISITU

²² N’anwe namu binobino nwi na kwinyongola, anka nankenumono dimo, n’eshimba dienu adikasehela, na muntu takenunyengye muloo wenu.

Yoano 16:22 Referans Kwoze

I Petelo 1:8

winyi e anwibatome kifulo, sunga tanwibamumone, mwadi e nyi mwanukuminā, sunga tanumumono, anusehela na muloo ushyawakudibwa, wikute na ntumbo;

Bikitshino 13:52

Binyibiabia balondji b’Efile abadi baule na kusangala na Kikudi-E-Selelee.

Yoano 16:6

Anka ha mwanda nenulungwile yino myanda, kwinyongola kubaulu mashimba enu.

Ii Bena Tesalonika 2:16

Binobino Nfumwetu Yesu Kidisitu na mwinyi, n’Efile Mukulu, nyi Nshyetu, betufule kifulo, betuhele namu kisengyelo kia ikala-ika, na lutengyelo lwibuwa ku bu-muntu bw’Efile;

Bikitshino 16:25

Anka munkatshi mwa bufuku, Paulu na Shilasa abatekanga na kuyimba lono lwa ntumbo kw’Efile Mukulu; n’abadi bedibwe mu lukano abebahushishe.

Bikitshino 2:46

Abo abadi bekale n’eshimba dimune mu ntempelo kwifuku n’efuku, na kutshimuna dimpa ku mashibo ku mashibo, abādi bidibwa biabo na kusehela n’eshimba dimune.

Bena Bahebelu 10:34

Mwanda nubadi n’ami kanya mu nkano yande, na kufinwa kwabintu bienu, nubadina mashimba soo, hakwiuka munda mwenu’shi, (amwa) mwiilu nwi na buheta bukile buwa bushī mpwilo.

Bena Bahebelu 6:18

Eshi kwi (yino) myanda yibidi yikayikwe, mu’yo ngikambe, Efile Mukulu teuku kudimba, atwe tubasukile twekala bu batembela kinemo, twikale na kukankamana kukata mu kulamata ku lutengyelo lwitubikilwe ku meso.

Bikitshino 5:41

Biabia abakatukile ku mpala kwa kimu bakwete kusehela’shi: Twibahwandjikile kumona būfu ha mwanda w’eshina die.

Yoano 21:7

Biabia winyi mwan’a bukishi badi mufulwe kifulo na Yesu, bakwile kwi Petelo’shi: Nyi Nfumwetu. Biabia Shimona Petelo, hakuhusha’shi: Nyi Nfumwetu, bekumbidishe mutwelo we wa buhībwe (mwanda badi muswa) bwe betubīle mema.

Yoano 14:27

Nenulekela kufukama, kufukama kwande nenuha kwanka: tanyinuha bu ba-hano-ha-nsenga abenuha. Tanwikalanga na mashimba enyengye, sunga kukwatwa na mō.

Yoano 14:1

Tanwikalanga na mashimba enyengye, ooo, anukumina Ei’ile Mukulu, kuminai mwimi namu.

Yoano 4:14

anka ese akatomo ku ā mema ankamuha, takahusha’nyi nyota dimo, ooo, sunga mpahelahela; anka ā mema ankamuha akekala munda mwe bu nsulu ya mema afifuka, mpaa na mu muwa-au-tala wa ikala-ika.

Luka 24:41

Habadi tambakumine ha mwanda wa kusehela, na kukanya, bebalungwile’shi: Nwi na bidibwa kuno su?

Luka 16:25

Anka Abalahama bakwile’shi: A mwana, tentekyesha bibotambwile bintu biobe bibuwa mu kihindji kia muwa wobe, na Lasalasa namu batambwile bintu bi-bubi: anka binobino e basambibwa, n’obe bokala malwa.

Luka 10:42

Anka kintu kimune ki lukalo, na Madiya basangwile kiakia kihindji kibuwa kishyakikamwatwa kwadi ooo.

Mateo 28:8

Biabia abakatukile lubilo ku kilele na moo, na kusangala kukata; abakamine lubilo mu kufisha uno mwanda kwi bana-be-ba-bukishi.

Yoano 16:20

Binyibinyi, binyibinyi, nenulungula’shi: Anukadidi mpolo na lukalo, anka be-ha-nsenga abakasehela, n’anwe anukekala na bishiotshi, anka bishiotshi bienu abikāluluka muloo.

Luka 19:26

Mwanda nenulungula’shi: Kwi muntu ese e n’akio akahebwa na kwi yawa shī n’akio, sunga nkiakia kiadi n’akio akikamwatshibwa.

Yoano 16:16

Habashala kihindji kihela, tanuka’mono: na kingi kihindji kihela anuka’mono, mwanda nende kwi Yaiya.

Yoano 14:19

Anka kahindji kahela, ba-ha-nsenga, taba’mono kabidi, anka’nwe anu’mono; mwanda’mi nyi na muwa, anwe namu anukekala nao.

Ii Bena Kodinda 6:10

bu abenyengā mwishimba, biosobi twi na kusehela bukyelebukyele; bu balanda, biosobi atuhetesha bebungi buheta, bu bashī na kintu, biosobi twi basha bintu bioso.