Yoano 16:11 - KILOMBENO KIHYA KIA NFUMWETU YESU KIDISITU

¹¹ Ha mwanda wa kutshiba kimu, mwanda nfumu a ha yino nsenga batshibilwe kimu.

Yoano 16:11 Referans Kwoze

Yoano 12:31

Binobino nkitshibilo kia hano-ha-nsenga: binobino mwinyi nfumu a hano-ha-nsenga akabingwa.

I Yoano 3:8

Yawa asolā mwanda nyia kafilefile; mwanda kafilefile alwishā mpaa na ku mbangilo. Nyi mpa uno mwanda habasokwelwe mwan’Efile mwabadia kulwishisha bikitshino bia kafilefile.

Bena Bahebelu 2:14

Haha henyi biabia bana biabebungila ku mwita na mase, e na mwinyi namu mwibungile n’abo hamune’shi, ha mwanda wa lufu biadia kulwisha yawa sha matalwa a lufu, e winyi nyi nkafilefile;

Bena Kolose 2:15

Na habahwile kushinda bumankinda na matalwa, bebimwekeshe hatoka, bebitshomwe ne hanka.

Ii Bena Kodinda 4:4

mwabadi efile-a-bahanohansenga bēle mufito ku binangu bia’ba bashī bakumine, tala etata dia mukāndu-wibuwa wa ntumbo ya Kidisitu, E nyi nkyebukilo y’Efile Mukulu, diakebamunyika.

Yoano 14:30

Bino takianyinulungula myanda yi bungi, ooo; mwanda sha matalwa a hano-ha-nsenga afiki, anka mwandji tamwikie, sunga kimune.

Kibafumulwe 1:7

Talangai, ngiwafiki mu makumbi; meso oso akamumono, na benyi abamutahile; bisaka bioso bia hanohansenga abikadidi kitumu ha mwanda we. Ee, anka biabia Amena.

Ii Petelo 3:7

anka mailu e kwanka binobino, na nsenga namu mbibikilwe kālo ku dinyi eyi, mbibombeleshwe mpaa n’aha fiki efuku dia kimu na kilwīlo kia bantu bashī b’Efile Mukulu.

Bena Bahebelu 9:27

Binyibiabia anka mubasangudile bantu (boso) kufwa mususa umune, anka kumongo kwa’ko nkimu.

Bena Bahebelu 6:2

na ya lulambukisho lwa mbatshisho, na ya kutenteka kwa maasa, na ya lusangukilo lwa ku bafwe, na ya kuhoneshibwa kwa ikala-ika.

Bena Efisesa 2:2

nyi mwanubatambukilanga kwibedi, bu amuyilā bahanohansenga, muyile mutontshi sha matalwa a luwa, kinyi kikudi akifubā mu bana bashībakokyele;

I Bena Kodinda 4:5

Binyibiabia tanutshibanga (kimu) sunga nkihela kwibedi kwa kihindji kia Nfumwetu takiafikile, e akafisha kwitata myanda yifwame ya mufito wi fututu, na kufumbula’nyi yifībwe ya mashimba; henyihaha muntu he muntu he akekala na ntumbo ye kw’Efile Mukulu.

Bikitshino 10:42

E betukamikile kulungula w’Efile kwi bantu, na kwisamba bu tumonyi’shi, n’e basangwilwe kw’Efile Mukulu Nsushi a abatala na bafwe.

Luka 10:18

N’e bebalungwile’shi: Namwene Satana ahono kwiilu bu luhete lwa mpeshi.

Mateo 12:36

Ank’ami nenulungula’shi: oso mwanda wa bisumanga aukakula bantu, a babeilubula mwifuku dia kimu.

Mateo 12:18

Tala, mufubi ande anasangwile mukuminyibwe, nyi mwadi e mwandji mutokel’eshimba diande; nankatulu Kikudi-E-Selelee ande hadi, n’E akahatula kwi Mīlo mwiile kōloka.

Bena Loma 16:20

Bino Efile-Mukulu a kufukama akatshokola Satana mushi mwa ngwa yenu ahayisha kihindji kihela. Buntu bwa Nfumwetu Yesu Kidisitu bwikale nenu.

Bena Loma 2:16

mwifuku di’Efile-Mukulu diakatshibila myanda yifibwe ya bantu kwi Kidisitu anka mulombene mukāndu-wibuwa wande.

Bikitshino 26:18

okyebabule meso, na kwibafutalasha ku mufito, batadile kwitata, na ku matalwa a Satana namu, batadile kw’Efile Mukulu mwabadia kutambwila kulekyelwa kwa milwisho, na buhyianyi munkatshi mwabo balamunwe-selelee ku lukuluhilo lwi mwandji’mi.

Bikitshino 24:25

Biabia habadi ahatula mwanda wa kululama, na kwitonta, na hakitshibilo kia kimu kianakafikye, Filekise basushile moo, bālulwile’shi: Banda kwenda kino kihindji, anka liankamono kihindji kihwandjikile nankakwitanyina:

Yoano 16:12

Nyi na yingi myanda yi bungi kwinulungula, anka’nwe tanwiuku kwiyihushe binobino.